شعاع نور

الجزء الحادي عشر

ت البلد دي هتاخد يومين تلاته وهترجع زي الاول الشعب ذه اهبل كلمه توديه وكلمه تجيبه عرايس بنحركها بأدينا صحيح الخيط إليّ بنحركه اتفك مننا بس هنصلح العيب ده بسرعه وكل حاجه هترجع أحسن من الاول
معاكي صلاحيات تعملي إليّ إنتي عاوزاه وهسعدك بس مفيش خطوه تتم من غير لما اعرف وهديكي رقمي الخاص تكلميني في اَي وقت
اقتربت نور من الباشا بعد ان ضمته الي صدرها ولكن داخل عينيها وقلبها أشياء اخري لا يعلمها سوي الله وهي
****************************
مكتب بيومي العتر

اعتادت نور علي الذهاب الي المكتب يوميا تقرأ القضايا وتجلس بالساعات مبهوره من أستاذها الذي يتعامل بمنتهي البراعه في القضايا الموكله اليه بأسلوب راقي كانت نور كثيره الاسئله وفِي احد المرات وهو يجلس أمامها كتبت علي احد الأوراق استاذ بيومي عاوزه اعرف يعني ايه روح القانون وايه هي ثغراته وايه معني التلاعب بالالفاظ
ضحك بيومي وهو يمسك الورقه فهذه اسئله بسيطه ولكنها ماكره
نظر اليها قائلا وهو يمشي واضع يده خلف ظهره أمامها
شوفي يا ستي روح القانون بنستخدمها لما نتأكد ان المتهم اجبر علي استخدام الجريمه
اما بقي موضوع الثغرات ده فشنك لكن لي قانون اسمه الاجرائات الجنائيه وده يجب اتباعه من مأمور الضبط لما يكتشف جريمه أو يقبض علي متهم
اما بقي التلاعب بالالفاظ دي بقي مدرسه فلسفيه محامين كتير بيتبعوها واسمها سفسطه ودي معناها انك تقولي جمله ليها أكتر من معني
كانت نور تسمع جيدا كل ما يقوله بيومي
أما هو فقد كان سعيدا بأسئله نور فهو يعلم انها ستصبح نابغه في القانون ولكن شيء ما بداخله كان يشعره بالخوف منها في بعض الأوقات
احبته نور جدااا لم يكن معلم لها فقط بل اب وأكثر كانت تلوم نفسها كثيرا علي ما تفعله معه من كتمانها انها تتكلم وما تدبره في الخفاء ارادت ان تبوح له بما تحمله في صدرها ولكنها كانت مترددة كانت تحرك شفتيها لتتكلم ولكنها لم تفعل
*********^^^^^***************
منزل سليم

انت مش ناوي تروح تتقدم لنور مستني ايه تاني قالها فادي اخوه وهو يجلس أمامه
نظر له سليم قائلا تفتكر ده وقت مناسب أني اطلب أيدها
صاح فادي في غضب قائلا يا اخي أتحرك حد اَي خطوه البلد رجعت تاني خد حقك بقي واتجوز وخلف وافرح وهي مش هتلاقي أحسن منك
سكت سليم في باديء الامر ولكنه اقتنع بكلام أخيه اخيراً نظر الي فادي من جديد ليقول خلاص أنا هفاتحها في الموضوع هروح أشوفها واللي فيه الخير يقدمه ربنا
****************************
دخلت نور غرفتها واول ما فعلته قرأت رساله داغر وكان نصها كالاتي نور انا موافق علي كل اللي قولتيه ومستعد أنفذ من دلوقتي كل طلباتك
ابتسمت نور في خباثه منها وهي تقرأ كلمات داغر فكانت متاكده من الرد لم تقل اكثر من

وانا ملكك وتحت امرك من دلوقتي يا داغر
ثم طلبت رقم كريم وانتظرت الرد طويلا الي ان سمعت صوته
لتقول
كريم انت وصلت فين وعملت ايه طمني عليك

رد عليها كريم وهو يبكي قائلا انا مش عارف ازاي طاوعتك وعملت كده عمري ما كنت أتوقع اني اعمل حاجه زي دي أولع في بني ادم

تعالت ضحكات نور قائلا زعلان انك ولعت في واحد ميت ما انت قتلت قبل كده جمد قلبك لسه هنولع في ناس تانيه بس بالحياه
يلا بلاش خيابه مستنياك
ثم اغلقت الخط ليقول كريم مش معقول تكوني نور مستحيل
تابعوني