RAGRANOK SERIES : BEAUTIFUL SCANDAL ✅

Chapter 30

PARA siyang binuhusan ng tubig habang nakatitig sa galit na mukha ng kanyang ama. Ni hindi niya magawang tumayo para salubungin ang mga ito. Naunahan siya ng matinding takot.

Hinawakan ni Joul ang kamay niya na nanginginig sa kanyang kandungan at marahang pinisil. Ang init na nagmumula sa kamay nito ay nagpapaalala sa kanya na ito ang laban na pinili niya at kailangan niyang maipanalo.

Pilit siyang tumingin sa binata. Bahagya itong tumango. Sinuklian niya iyon ng pinong ngiti. Kinailangan na siya nitong hawakan sa baywang para alalayang tumayo. Pero hindi niya maihakbang ang mga paa. Para siyang lalamunin sa sobrang galit na nasa mga mata ng mga magulang.

Nilipat niya kina Edward at Nancy ang paningin. Seryoso si Edward habang si Nancy ay bakas sa maamo at magandang mukha ang lungkot. Pero nakuha naman nitong ngumiti ng tipid sa kanya. Ngumiti siya pabalik sa kapatid.

Tumikhim si Joul at ikinawit sa baywang niya ang kamay nito. Napatingin doon ang lahat.

"Relax, babe. You're shaking." Bulong nito sa kanya at dinampian ng maliit na halik ang kanyang tainga. " Goodevening po," baling nito sa mga magulang niya at bumati. Nakatuon ang atensiyon ng binata sa kanyang ama na tinitingnan ito ng may disgusto at pagbabanta.

" Ikaw ang kabit ng anak ko?" Halos pasigaw na tanong ni Vergel.

Napakagat siya ng mariin sa labi. That was so offensive and harsh. Kabit talaga?

" Hindi po ako nakikipagrelasyon sa may asawa, sir." Magalang na sagot ni Joul na di niya makitaan ng kahit kunting bakas ng takot ang gwapong mukha.

"Kung ganoon, anong ginagawa mo diyan sa tabi ng babaeng may asawa?" Panunuya ng kanyang ama. Talagang sinusubok ang pasensya ng binata.

Sinulyapan siya ni Joul. Gusto niyang humingi ng tawad. Laban niya ito pero ito ngayon ang napapasubo sa mapanghusga niyang kaanak.

" Bago ko po kayo sagutin, pwede po ba na maupo muna tayo at kumain? Sana hayaan nyo rin po ako na magpakilala." Kalmado nitong pahayag.

At hindi siya makapaniwalang napahinuhod nito ang mga magulang niya. Dahilan para magkaroon siya ng lakas ng loob na lumapit sa mga ito. Nagmano siya sa ama at niyakap ito.

"I'm sorry, Papa." Hinalikan niya ang magulang sa noo.

Hindi ito kumibo. Sa halip ay umingos-ingos para ipaalam sa kanya na hindi pa rin humupa ang galit at sama ng loob nito dahil sa kanya. Pero ang pagpayag nitong mayakap niya ay sapat na para umasa siyang malaki ang posibilidad na maaayos niya ang lahat sa pagitan nila. Nilapitan niya ang ina at hinalikan sa pisngi matapos magmano. Doon ay napaiyak na siya nang yakapin siya nito pabalik.

"Anak, saan ba kami nagkulang sayo? Hindi ka naman namin tinuruang maging ganito." Napahagulgol na rin ang ginang.

"Ma, I'm sorry kung nasaktan ko kayo ni papa."

"Umuwi ka na sa asawa mo. Hinihintay ka niya." Subok nito na sinagot niya ng iling.

Kumalas siya sa ina at sina Edward at Nancy naman ang hinarap.

"Alam kong may paliwanag ka sa lahat ng ito." Sabi ng kapatid niya, hawak-hawak ang kanyang mga kamay at pinipisil. Kahit papaano, nadama niyang nasa panig niya ito. Nakakagaan iyon ng pakiramdam.

Tumango siya at pilit na ngumiti. Inabot ni Edward ang kanyang ulo at banayad na hinaplos ang buhok niya. Naupo siyang muli at tahimik silang kumakain.

" Ako nga po pala si Joul." Nagsalita ang binata sa gitna ng katahimikan. " Yzack Joul Gascon Hayashi."

Napatitig siya rito. Hayashi? He's got a Japanese surname? Akala niya Gascon ang apelyido nito.