مساء الخير حبايب
#فصليتي_جميله
شخصيات القصه ?
عائله مريم ❤️
هيلو اني اسمي مريم وعمري 19سنه صف سادس علمي اني حلوه عيوني خضر وبيضه واني مومحجبه عايشه بغداد وضعيفه جسمي حلو وطولي 160 وخبله شويه
اني مينا اخت مريم عمري 15سنه ثالث متوسط واني حلوه بيضه وعيوني خضر وطويله ورشيقه يعني وام لسان يصيحولي 🐸🐸
اني اخو مريم اسمي سامر عمري 20 سنه كليه اداره واقتصاد سنه ثانيه اداره اعمال واني ابيض عيوني بني طالع على ابويه وطولي زين ومعضل وعصبي واتعارك ويه مينا لان لسانها طويل وصديق واخو مريم كلشي تحجيلي واني هم احجيلها 🤓علاقتنه حلوه
بابا ابو سامر يصيحوله موظف وماما ربة بيت
بابا اهله بالناصريه وماما اهلها هم بالناصريه اصير من بابا بنت عمه وصارعنده شغل وانقل لبغداد لذلك اني وخواتي انولدنه ببغداد
ام سامر :يمه مريومه كومي اليوم اخر امتحان الج تجي العطله وتشبعين نوم كومي يله حبيبتي راح تتاخرين
مريم :كعدت يمه والله
رحت كبل للحمام غسلت طلعت لبست ملابسي ونزلت جوه صباح الخير
الكل :صباح النور
ابو سامر ؛تعالي بنيتي تريكي قبل ليجي السايق
مريم :اي بابا اجيت اول محطيت لكمه بحلكي دك هورن السايق اني طفرت لان اليوم اخر يوم بالامتحانات اليوم امتحان احياء طلعت كبل وصلت للمدرسه لكيت ريم صديقتي من المتوسطه ماعرفتكم عليها
هلو اني ريم صديقه مريم من المتوسطه واني وياه خوات
كلش مريم :دخلت للامتحان وريم بالشعبه الثانيه جانت الاسئله شويه صعبه بس جاوبت الحمد لله خلصت امتحان انتضرت ريم شويه وطلعت
ريم :ها ولج اشلونج والله الاسئله صعبه بالكوه حركت عقلي اول محطوا الاسئله جيم عقلي بس الحمد لله جاوبت الاعرفه
مريم : اني زينه شويه عندي خلل يمكن بالسؤال الاول خربطت بي
ريم :لازينه اني شويه
مريم :وره ماخلصنه اجه السايق عليه طلعتله وصلت للبيت هلكانه وميته تعب وحاره
مريم :يمه تعبت لحكيني
ام سامر :خيرج يمه شبيج هيج صفره ماكلتي بالدوام
مريم :يمه اكلت بسكت بس والله الجو حار يسمط المينسمط اكلج هذا وطني لومولده
ام سامر :لا وطني فتحي السبلت مالتج ومال اخوج
مريم : خوش اجه بوكته اول مصعدت بدلت ونمت جريته ل6 العصر كعدتني الشيطانه مينا
مينا :مريم ولج مريم نامت عليج طابوكه شعندج نايمه لهسه كومي ولج
مريم :توخرين لا اجيج تعبانه وخري (كمت اصيح )
مينا :خوش اجتي من الله علمود اذب مي عليه 😈
وهذا بطل المي يمه خلي اشرد لاتبسطني (اركض اخوي عامر )
مريم ؛ياحقيره الا اكطعج مشوفيني نايمه هاي متبطل سوالفها التعبانه وكمت على حيلي واركض وراهه يمه هاي بتج ذبت مي عليه واني نايمه 😠😡
مينا :😛😛😛😛😛😛هيج شكلها
ام سامر :خو انتِ ابد متعقلين خطيه اختج نايمه متجوزين من سوالفج المكسره خلي يجي اخوج
سامر :رجعت للبيت واسمع صياح شكو ولجن تسودنتن مريم عود انتي الجبيره شبيج
مريم :سامر تعال خلي نهجم على مينا هاي حقيره ذبت مي واني نايمه
سامر. ها مينا اجيج ليش هيج متبطلين سوالفج الا ادغدغج اني اعلمج اجيتج وين تشردين اجيتج
مينا لا حباب سامر والله بطني توجعني مو كتها
مريم. علمود تبطلين مقالب واللسان الطويل كصي
سامر. هاي اخر مره الج عود سويها
مريم :ضحكنه على مينا مثل ماتضحك علينه واتونسنه ادور صبينه عشه واجه بابا وجابلنه كرزات وببسي
ابو سامر. شلونكم بويه
الكل. هلا بابا الله يساعد
مريم. صبينه عشه وخلصنه نضفنه البيت وصعدت انام لان كلش تعبانه واجت العطله باجر اول يوم ومينا تلعب بالفون وسامر يلعب بالفون نمنه كعدت ب١١الصبح على صوت صياح نزلت اركض شكو شبيكم شفت ماما كاعده تبجي وبابا وسامر يحجون ومينا يم ماما هم تبجي 😭😭ولكم شكو اشبيكم احجو
مينا
. مريم سامر ساحك واحد وهذا الولد نقلو للمستشفى ومنعرف وضعه هسه بابا راح يروح يشوف الولد بالمستشفى 😭😭
مريم. اني من كلولي هيج اجيت وحضنت سامر وكلتله حبيبي لتقلق احنه واكفين وياك لتخاف وره نص ساعه اجت الشرطه للبيت واخذو سامر وراحوواني كعدت ابجي وابويه حاضني
ابو سامر. لتبجين بابا انشالله يطلعو واني اروح للمستشفى اشوف الولد شصاربي اكيد اهله هناك دير بالجن
مريم. انشالله الله وياك
ابو سامر. وصلت للمستشفى ولكيت اهل الولد كلهم ويبجون
عائله علي 🤗
اني اسمي علي عمري 25
حلو وطويل ومعضل وعيوني بني اكبار
عصبي كلش اني مخلص اعداديه وممكمل للكليه لان ابويه جان معتمد عليه كلش لا اني الجبير وابويه شيخ عشيره عائلتنه متكونه 3خوات ٢متزوجات وحده عمره ٢٠ اسمه رقيه عدها ولد وبنيه توأم والثانيه اسمه زهراء عمره ١٩سنه عدها بس بنيه والثالثه بالثالث متوسط واخو واحد اسمه حسين عمره ٢٠سنه هذا كلش صديقي واخويه كلش جنت احبه مره من الايام جان يريد يطلع هو واصدقائه البغداد يتونسون اول شي مقبلنه بس بعدين ضل يلح راح البغداد مره مر على وحته اسبوع فاني جنت بالديوان اني وابويه ف خابرني رقم غريب رديت عليه علي. الوو
مجهول. عمي ابنكم بالمستشفى ساحكته سياره بفلان مستشفى،،،،
علي :هنا سودت الدنيا بيه عالسريع كمت وكلت لاهلي اسودنو اهلي وابويه كامو يبجون
ابو علي ابني امشينه اروح البغداد
علي. اي يابه كبل طلعنه البغداد اني وعمامي ٥سيارات وصلنه للمستشفى شفته امركبينه على الاجهزه اني اهنا اسودنت اجه الدكتور هادكتور اشبي اخويه
دكتور. ابنكم اطاكم عمره والله يصبركم
علي ، اهنا اتهسترت ودنيه اسودت بعيوني وعمامي واكفين اخويه وضلعي وكلشي الي راح من اديه
فانو جنت كاعد شفت رجال جبير شويه بالعمر واكف على صفحه ويعاين علينه اني عرفته انو هو ابو السحك اخويه اتهسترت بوكتها اجيت عليه كمشت ياخته والله الا ادميكم
ابو سامر ، اجاني ولد شاب وكام يصيح عليه فاني كبل خابرت شيخ عشيرتنه وسولفتله السالفه وره ساعه اجه هوه وشيوخ هم
شيخ عشيره ابو سامر ،، الله بالخير خويه اشلونك عمي احنه اسفين ونعتذر على السواه ابنه والله يصبر كلوبكم ويقويكم وهاي كلها اسباب وهذا حد يومه والموت واحد وانتو شتريدون احنه جاهزين وانشالله احنه اهل ونتفق باجر
مريم ،وره ساعتين اجه بابا وتعبان كلش بابا اشصار فهمنه
ابو سامر ، بويه باجر اروحلهم وانشوف شيطلبون الله كريم الباجر والولد اتوفه
مريم ، شنو بويه انته شتحجي يعني سامر ح يبقه بالسجن ضلينه كلنه نبجي وره شويه امي وابويه نامو ومينا نامت لان من الصبح كاعدين واني الليل كله مانمت بس افكر شراح يصير بسامر وبحياتنه صار الصبح كعدنه اتريكنه نضفنه البيت خلصنه صبينه غده بس محد اكل منشتهي وره اشويه خابر الشيخ ابويه ابو
سامر ،خوش جايين هسه اطلع
ابو سامر ،بويه اني اروح اني والشيوخ انشوف الجماعه اشطالبين طلعنه ٣وصلنه العصر الهم لان الطريق بعيد طبينه الله بالخير
الكل ، الله بل خير والعافيه اتفضلو
:
يتبع
