فصليتي جميلة

الجزء 8

علي تعبان صاير كلش عصبي واني اسبوع نايمه بالفراش مابيه حيل انزل  ضجت من الغرفه كلت خلي انزل وابتليت على عمري الناس كلها جوه عماته وخالاته كاعدات  شافني كامن يبسبسن اجتني زهراء
زهراء ،، هامريم ليش نزلتي محتاجه شي
مريم ،، لايقلبي مامحتاجه بس ضجت خنكه الغرفه راح اطلع للحديقه
طلعت لكيت مكاني المفضل جوه الشجره. ارتاحيت هنا الشجره كلش اتريحني كعدت وره الشجره علمود محد يشوفني كعدت وابجي ابصمت وكلبي مشتعل كعدت مر الوكت الشجره جانت كلش جبيره فانو محد يكدر يشوفني اني وراه اذكرت ذكرياتي ويه اهلي ويه علي حياتي عشته جميله بس هسه ادمرت وره اشويه احس واحد فاتح اغنيه احباب الروح درت وجهي لكيت علي كبل دار وجه شافني اني على السريع رجعت هوه اجه
علي ،، جنت ضايج وخايف على مريم لان صارله اسبوع نايمه مريضه وعرس والدنيا مخبوصه اني لعبانه روحي ضايج اجيت كعدت يم الشجره فتحت اغنيه وكعت اسمع بيه واذكر اول ماجت لهنا هاذا مكانه المفضل كلش اتحبه كعدت اسمع الغنيه شفته دارت وجه عليه اني نصدمت اجيت داورت يمه كلتله ل
مريم اشويه مدي رجلج
مريم ،، ليش اريد اكوم
علي ،، لا لدكومين مدي رجلج ومادخلج
مدت رجله نمت عليه وكعدنه نسمه الغنيه
مريومه لتبجين اني يمج واني راح ابقه احبج
مريم ،، اجه علي يمي ردت اكوم كلي مدي رجلج مديته نام عليه وعله الغنيه اني على السريع كمت
علي ،، ها وين مو كاعد نسمع الغنيه
مريم ،، مااريد وانته بعد مالك دخل بيه اوكي ،،حجته بنتر ،،
علي ،، جنت ضايج واجت التحفه كملته وياه كمت صيحت عيه
لج انتي خبله شنو مادخلك بيه انتي مرتي فهمتي لصيحين
مريم ،، من هل الحضه انته مالك كلام ويايه مااريدك فهمت
رحت اركض للغرفه طلعت غضبي كله بي كبل نمت البجي يخلي الانسان ينام على السريع نمت كعدت ثاني يوم لكيت الدنيه كتل الهوسه والخبيصه اتكول سوق مو بيت من الهوسه والزعاطيط تتراكض نزلت بلكوه لان تعبانه صبح عليهم دخلت للمطبخ سويت لفه كيمو وحطيت بيه عسل وشربت جاي خلصت جاي اريد اصعد وانطخيت بعلي وجه مكلوب احمر صاير من العصبيه مهتميتله صعدت الغرفتي.نمت على الجربايه دكت الباب كمت فتحته علي
علي ،، تعاي اكوي قميصي
مريم ،، عندك خوات روحلهن ردت اسد الباب دفره برجله اندفعت للحايط
علي ،، اتادبي واحترمي  نفسج صايره اتبسزز
مريم ،، مادخلك ابكيفي عندك مانع
علي ،، شصبرني خلي يخلص هاذا اليوم واني ادور اضبج صايره خفيفه
مريم ،، ضب روحك يمه زلك الساني ،،،
مااحس راجدي صفر اذاني كمت علي دفعت اريده يطله
اطلع بره
علي ،، طالع بس اني اعلمج
مريم ،، طلع كمت ابجي بكل قوتي سوو غده اجت زهراء جايبه الغده
زهراء ،، يله مريومه تعالي اكلي
مريم ،، ليش زحمتي روحجي
زهراء ،، لايقلبي ليش وجهج احمر
مريم ،، ماكو شي كعدنه اتغدينه اني وياها خلصنه هيه نزلت الصينيه واني نزلت وراه اشرب مي شربت مي صعدت والصخونه كاتلتني نمت والنومه نومه للعصر اجتني نور ،
نور ،، مريم حبابه تعاي ويانه محد يضل بلبيت
مريم ،، لا تعبانه كلش تعاي امكيجج
اجيت مكيجتلها وسويت شعرها طلعت اتخبل البنات راحن للصالون البيت مخبوص يردون يرحون للحنه
راحو كلهم البيت ضل فارغ نزلت جوه اريد ارفه عن ضوجتي عدلت البيت نضفته كله غسلت الماعين كعت بلغرفه نضفته عدلته مر وقت طويل على روحتهم افكر انو هسه اكيد شافه كمش ايده باسه اوف يقلبي اشكد تعب الحب طبيت غسلت طلعت سمعت صوت سيارات وزفه اكيد اجو صعدت للغرفه ابجي قفلته عليه وطبيت جوه البطانيه واسمع دخلو العرسان والهلاهل والاغاني اخ راح اموت وره اشويه صار اشويه هدوء اكيد راحو الناس هسه هوه حاضنه اكيد كامش ايده باسه اوف نمت كعدت على صوت الهلاهل اكيد اخذه فتحت الباب ردت ادخل للحمام واني جنت لابسه اتراك اسود وفاتحه شعري ردت ادخل مااحس دفعه اجتني تايه اخترعت
جوري ،، هي انتي اريد اسبح وخري
مريم ،، والله حبيبتي مكامشه رجليج دخلي
جوري ،، ادري بيج ضايجه احلا ليله ابحياتي ابحضن حبيبي علاوي ههه
مريم ،، وشتريدين هسه اطكلج اصبعتين
واحس واحد صاحلي درت وجهي لكيته علي
علي ،، احترمي نفسج ودخلي للغرفه على السريع
مريم ،، دخلت للغرفه والنار شابه بيه مال واحد ياخذ المسدس يركعهم طلقه ونخلص منهم اثنين اف اف