فصليتي جميلة

الجزء 4

#فصليتي_جميلة

ربما عجزت روحي أن تلقاك، وعجزت عيني أن تراك، ولكن لم يعجز قلبي أن ينساك، فإذا العين لم تراك فالقلب أبداً لن ينساك.
،
،
مريم ،، اكلت شويه وبعدين نزلت ويايه الصينيه شافني النسوان ضلن يبسبسن
اشبيهن هذني والله يالله
،فإنو اني من نزلت مالبست شال وشعري فاتحته واشوف كدامي ولد مااهتميت نزلت طبيت للمطبخ واشوف علي جرني كلي انتي متستحين نازله بدون حجاب اني اعلمج روحي صعدي لبسي حجاب على السريع لتخليني اجيج
علي ،، شفت هاي دخلت للمطبخ اهنا اتهسترت كمشته من ايده كتله انتي متستحين نازله بدون حجاب صعدي لبسي حجاب شو هايه حطي الصينيه واتقربي يم اذاني كالتلي شكمره اكولها انته مالك دخل بيه اني هنا ضجت كلش جريته وصعدته فوك طبينه للغرفه شمرته بل كاع اذا بعد نزلتي اكطع الاحزام عليج ادب سز طلعت وطبكت الباب حيل
مريم ،، جرني وصعدني لفوك كبل شمرني وكام يغلط اني اهنا كمت ابجي ملزمت روحي طلع وسد الباب حيل كمت وره اشويه دخلت للحمام جانت الغرفه بيه حمام غسلت وطلعت شفته واكف اكبالي مادرتله بال كعدت امشط ابشعري ورشيت عطر لكيته نايم على الجربايه يلعب بالفون اجيت اني طلعت من الكنتور فراش وفرشته بل كاع ونمت جان هوه فاتح السبلت كعدت اصبح لكيته نايم وصايره عندي نشله وبلاعيمي يأذني واعطس جان فتحت الكنتور صار بيه صوت اريد احط الفراش هوه كعد
علي ،، شفته كعدت اتحط الافراش بل كنتور كلتله صباح الخير
مريم ،، صباح النور ردت انزل واني لابسه تراك كلي
علي ،، انتي وين نازله هيج وجسمج مبين
مريم ،، ماعندي ملابس محجبه يعني شلون
علي ،،روحي اخذي من اختي نور
مريم ،، بس يمكن هي جوه اشلون انزل اكللها
علي ،، اني اصيحلها: نور ولج نوره وينج
نور ،، ها خويه شتريد
علي ،، تعالي انطي جبه لهايه
نور ،، اجيت صباح الخير شلونج مريم
مريم ،، هلا بيج حبيبتي زينه
نور،، تعالي ويايه انطيج جبه وشال
مريم ،، اوكي انطتني جبه ولبستها وحطيت الشال على شعري ونزلت
صباح الخير
الكل ،، صباح النور والعافيه
ام علي ،، تعالي ابنيتي اتريكي
مريم ،، حاضر عمه اجيت ردت اكعد اجه علي جر من عندي الكرسي وباوعلي بنضره الاحتقار وكال
علي ،، يمه الخدامه تكعد بالمطبخ عرفتي
ام علي ،، عيب يمه تصيحلها هيج هي بتنه حالها حال نوره
مريم ،، اني كبل ضجت وانقهرت شبي هذا تسودن اني شنو ذنبي دخلت للمطبخ كعدت اكل على الميز الطعام صغير جان دخل التحفه هذا شيريد بعد
علي ،، هي انتي كومي غسلي الماعين شعندج كاعده كومي على السريع
مريم ،، اعرف شغلي مو الا تكلي
علي ،،طلعت رحت للشغل
مريم ،،غسلت المواعين نظفت البيت رحت يم عمتي عمتي كلش حبابه هي.والبنات ونور صارت صديقتي
مريم ،، اكلج عمه شنسوي غده
ام علي ،، بكيفج بعد عمتج شتريدين تسوين سوي
مريم،،رحت للمطبخ سويت حشوه علمود اسوي برياني اني اعرف اسوي اكل ببيتنه بس مو دائما خلصت الغده وهدرته اجت نور سوت الزلاطه ودينه الاكل ودخل علي اني اخذت ماعوني ورحت للمطبخ صاحتلي عمتي
ام علي ،، تعالي يمه تغدي هنا ليش بالمطبخ
مريم ،، لا عمه هنا احسلي
ام علي ،، على راحتج يمه
علي ،، يمه اليوم الاكل طيب عاشت ايدج
ام علي،، اي يمه طيب مو اني سويت الاكل مريومه سوته
علي ،، امي من كالت هيج كلت خوش الحضريه تسوي الاكل حجيت بكلبي والله شحلاته
مريم ،، خلصنه غده غسلت المواعين نظفت المطبخ اني ونور عدلت البيت غسلت الكراج اني وياها.ولعبنه بالمي وره شويه اجه علي
علي ،، سمعت صوت ضحك شبيهن هذني طلعت ولكيتهن كاعد يلعبن بالمي ومبللات ملابسهن ومريم شعرها مبلل يخبل اوف شبيك علي هاي فصليه لتفكر بيها اخوها كتل اخوي ولجن شدسون تعالن طبن منا عالم بعصبيه 😡😡😡
مريم ،، بصوت ناصي هذا شبي عصبي شايف روحه
نور ،، ولج سكتي ليسمعج وشيخلصنه
علي ،، شبيجن اتبسبسن ها
مريم ،، مابينه شي 😏😏
علي ،، يله تعالن دخلن عالسريع
نور ،، اجينه خويه هسه ندخل يله ولج مريم تعالي ندخل
مريم ،، اي اجيت دخلنه جوه عمي وعمتي نايمين صعدت لفوك شفت علي نايم على الجربايه وفاتح السبلت اخذت ملابس من الكنتور وطبيت غسلت طلعت مشطت شعري وحطيت عطر وطلعت رحت لغرفه نور
مريم ،، ممكن ادخل
نور ،، هلا بيج حبيبتي تعالي
مريم ،، كعدنه سولفنه تعرفنه على بعض صار العصر نزلنه اكلج نور خلي نسوي كيك شكلتي نشتري ببسي ونطلع للحديقه
نور ،،خوش فكره اي والله يله امشينه مريم ،، سوينه كيك وجانت عدهم نوتيلا حطيت وغلفته بل نوتيلا كلش طيبه ونور كالت لعلي يجيب ببسي
نور ،،علوش
علي ،،ها شتريدين
نور،، حباب جيبلنه ببسي كاعد نسوي كيك
علي ،، اوكي عود ضملي موتاكلنه كله
نور ،، ميخالف نضملك بس روح
علي ،، رحت جبت ببسي وجبوسه طبيت للبيت ريحة الكيك تخبل رحت للمطبخ شفت مريم شلون كاعد تزين الكيك شكد حلوه هاي البنيه
مريم ،، شفت واحد واكف ورايه درت وجهي لكيت علي تفضل
علي ،، جبت الببسي وجبت حلويات الجن
مريم ،، شكرا هو طلع اني حطيت الكيك بالثلاجه حتى يبرد وجبت الببسي هم حطيته اجت نور كالت
نور ،، خلي نفرش جرجف بالحديقه ونكعد وجيبي الشال مالتج ليجي احد
مريم ،، اوكي انتِ طلعي الكيك هسه اجي رحت جبت شالي ونزلت كعدنه اني ونور كسمنه الكيكه عزلت لعلي ولعمه والعمو
مريم صارلي تقريب اسبوعين نفس الروتين حياتهم عاديه مو مثلنه طلعات وهيج بس اني تأقلمت وياهم لان اهله كلهم زينين ويايه  ويحبوني كلش بس هو مو مو هلكد ويايه ومخلي باله انو اني واخويه سبب بوفاة اخو الله يرحمه بس هو ميدري انو هذا حد يومه وكلها اسباب بس الموت واحد ( قضاء وقدر )

مريم ،، مرت الايام وصادف باجر الاربعين مال حسين ومخبوصين خبيصه والجدروه والطبخ محضريهن قبل يوم اجوي بيت عمامهم من العماره وهوايه هم ف البيت صار هوسه اكثر وبناتهم وولدهم هوايه صار يوم الاربعين گعدنه الصبح تريگنه كلنه والبيت هيج تنظيف خفيف لان اصلا منظفي قبل وخلصناه هاليوم وسوينه الغدا وغدينه الناس وطلعوا بقوا بس الكرايب ويباتون لان مكانهم بعيد حتى بالايام العاديه من جانوا يجون يبقون ٣ و ٤ ايام فإنو مره اليوم تعب ثاني يوم كعدنه واتريكنه نضفنه البيت سوينه غده خلصنه غسلنه الاماعين جان ابوكته اجتي ابنيه سلمت على البنات وماسلمت عليه اتباوع صفح اني مهتميت اله بعدين سالت نور
مريم ،، اكلج نور منو هايه الي اتباوعلي صفح ماعاجبه الوضع

....
..
..
.
اتفاعلووووووووو
يتبع..