#فصليتي_جميله
صار الصبح كعدت كمت سبحت ولبست بنطرون اسود وقميص اسود شويه احترام للميت وحطيت شال اسم على راسي لان كال بابا همه عرب ومحجبين فانو اشتريت مجموعه شالات وملابس محتشمه ونزلت صباح الخير
الكل ،، صباح النور تعالي يمه اتريكي يحبيبتي اشلون اعوفج واتروحين
مريم ،، ماما لتبجين حبيبتي انتي ومينا تبجي كلبنه البيت مناحه اتريكت خلصت نزلت الجنط كال بابا اني اخذج اني والشيخ
واني عيوني حمر ماكدر اشوف بيهن اجه الشيخ سلمت عليه وصلني هو وابويه والطريق كله ابجي وصلنه الضهر الساعه ٣ اضهر الدنيا تسمط الي مينسمط شفت بيت يخبل جبير كلش واكفين زلم ماكدرت اشوفهم لانه امنزله راسي وابجي
علي ،، وصلو شفت ابنيه مومحجبه حلوه بس حمره ماشفت من عدها شي هي منزله راسها وتبجي ابوها وصاني عليها
ابو سامر ،، هاي عمي امانه عندك روحي وبنتي ارجوك حافظ عليه
علي ،، صار عمي
مريم ،، ودعت بابا وبجيت طبيت للبيت عدهم حديقه جبيره كلش حلوه اتلكني بنات ٣حبابات رحبن بيه ودخلني للديوان عرفت اسم البنات وره شويه اجه الشيخ يعقدنه عرفت اسمه علي
علي ،، وره اشويه اجه الشيخ عقدنه اسمع صوتها يخبل بس مبحوح من البجي وخلصنه طلعت يم عمامي
مريم،، خلصنه صعدني للغرفه كللي هاي غرفتج طلعن اني سديت الباب وكعدت ابجي وره اشويه اجه واحد فتح الباب على السريع كلي انتي مجايه اتنامين اهنا انتي جايه خدامه كومي يله اني باوعتله نضره الاستهزاء كلتله انت مالك دخل اطلع بره صيحت ابوجه كبل اجاني ضربني راشدي سطرني سطر وكعت بل كاع كلي اتأدبي لتخليني من اول يوم اكتلج وهاي الملابس الفاضحه اتحركيهن افهمتي اني رديت علي كلتله انته مالك دخل ملابسي وبكيفي هذا لبسي فهمت راد يبسطني بس اجت اخته نقذتني جابتلي عشه هو على السريع طلع
علي ،، اجيت طبيت للمطبخ شفت زهراء وحدهي كلتلها وين الفصليه كالت فوك كبل صعدت لكيته تبجي
امنزله راسه اني هنا انقهرت عليها بس كلت الا انتقم منها واخذ ثار اخويه اجيت كتلها كومي انتي مجايه اتنامين كومي كومي نزلي جوه ويه البنات عالسريع شوهاي كامت اصيح اني اتهسترت اجيت وكمشتها من شعرها وضربتها راجدي وكعت بالكاع كلتلها ملابسج اتغيريهن فهمتي كامت تحجي اجيت اضربها بهالاثناء اجت اختي طلعت اني وضايج كلش منها الا انتقم وادمر حياته وشوف منو اني 😡😡
.
.
.
.
.
.
.
يتبع
