فصليتي جميلة

الجزء 2

#فصليتي جميله

من الممكن أن تسامح شخصاً سبّب لك الألم ولكن من الصعب أن تنسى الألم الذي سببه

علي ،، وصلنه للبيت هوسه وخبيصه النسوان جواه واحنه نصبنه جادر ضل منصوب لمده ٣ايام و٣ ايام ابد مانمت بس افكر انو اشلون اخذ ثاري وبعدين فكرت اخذ فصليه علمود ادمرهم صار يوم الكعده  كعدت الصبح لبست دشداشه سوده وجراويه ونزلت صباح الخير
الكل. صباح النور يله يمه تعال اتريك ليبرد الجاي يبعد امك
علي ،، اي يمه اجيت اكلج زهراء نضيف الديوان اذا مونضيف نضفنه على السريع اليوم الكعده راح يجون الزلم
زهراء ،، اي خويه نضيف البارحه نضفنا انشالله خويه تنحل السالفه
ابو علي ،، اكلك بويه اذا خلصت روح للشركه انشوف شكو ماكو
علي ،، اي بويه حاضر
ابو سامر ،، يله بويه راح يجي عليه الشيخ علمود اروح انشوف العالم شتريد
الكل ،،الله وياك بويه من توصل خابرنه
مريم. راح ابويه واحنه منتضري على نار لان ماخابر
شيخ عشيره ابو سامر ،، سلام عليكم الله بالخير
شيخ عشيره ابوعلي ،، الله بالخير والعافيه اتفضلو استريحو
شيخ عشيره ابو سامر،، عمي احنه اجيناكم علمود ميصير دم بين العشيرتين واحنه ولد بلد وتعرفونه وانتو شطالبين من هاي الركبه تاخذون
شيخ عشيره ابوعلي،، عمي احنه ابنه اتوفه بس اني ماارخص دم ابني عرفتو عمي واني انطي الموضوع لابني علي هوه اليكللكم
علي ،، شكرا بويه عمي احنه رايدين منكم 50مليون وفصليه هذا كلامي
شيخ عشيره ابو سامر،، عمي احنه من هاي الركبه نطيكم الفلوس بس الفصليه على ابو سامر شكلت ابو سامر
ابو سامر ، عمي الله يجازيكم بالخير بس هاي بنتي اشلون انطيها فصليه وهي روحي
علي ، جا خوش اتريدون يصير دم بين العشيرتين
ابو سامر ،لاعمي منريد واني اردلكم خبر باجر علمود الاربعاء تجيكم
شيخ عشيره ابو سامر،، يله عمي احنه نترخص من عدكم انشيل الزحمه
شيخ عشيره ابوعلي ،، لا عمي ماكو زحمه الله وياكم محروسين بالله واحنه عمي راح نسحب الدعوه عن ابنكم
علي ، طبيت للبيت اتلكتني امي يمه بشر اشصار سولفنه
علي ،، يمه اخذنه خمسين مليون وفصليه
مريم ،، وره عناء طويل اجه بابا ها بابا بشر شكالو الك كول بابا
ابو سامر ،، والله ماادري يبنيتي شكللكم طلبو مني ٥٠مليون بس راح يطوها عشيرتنه الفلوس واحنه علينه فصليه واذا اطينا راح يسحبون القضيه ويطلع اخوج واذا ما اطيناهم راح يكتلون اخوج وصير دم للركاب
مريم ،، من كال بابا هيج اني انصدمت وعرفت روحي اني اروح لان مينا صغيره وكمت كتلهم بابا اني مااريد اروح فصليه لان حياتي هنا ببغداد ودراستي اريد احقق احلامي وهناك حياتهم غير حياتنه 😭😭😭😭واني ابجي
صعدت عالسريع واني ابجي نمت كعدت اصبح نزلت صباح الخير اعيوني من البجي منفوخاات الكل ،، صباح النور يمه تعالي اتريكي وجهج اصفر
مريم ،، اي يمه
ابو سامر ،، هابويه شقررتي علمود اردلهم جواب للناس
مريم ،، والدمعه بطرف عيني اي بابا قبلت اروح مااريد اخويه يموت لو تصير دم للركب
ابو سامر ،، اي بويه اني ميطاوعني قلبي اطيج بس مااكدر اطيت كلمه ي بعد ابوج لضوجين اني دائما ازورج اني وامج لتخافين وهمه عائله شيخهم رجال طيب يخاف من الله لتخافين رفعي راسي بنيتي وانتي ام سامر اخذي مريومه للسوك اشتريله التحتاجه مااريد اطلعه منا فصليه خوش
مريم ،، مرفوع راسك انشالله احجي ابقلبي والله اله اندمه الساعه الخلاني فصليه 😈😈😠😠. رحت للغرفه اجت ورايه مينا تبجي
مينى ،، حبابه مريومه والله بعد مااسوي مقالب ولا اعلي صوتي عليج حبابه لتروحين اني احبج 😭😭😭😭😭
مريم ،، يقلبي انتي هذا قدري اريدج قويه وسمعين كلام امي لتعبيها وانتي اريدج تصيرين قويه ودرسين وتحققين احلامج كمت عدلت ملابسي بالجنطه ورتبتهن ونزلت نضفت البيت عدلته سوينه غده اجه بابا اتغدينه صعدت فوك اكمل غراضي صارن جنطتين سفر اني ملابسي كله مو مستوره يعني بنطرون وبدي هيج وثياب قصيره ما اعرف شيلبسون هناك اوع يمه اشلون بيه
العصر امي اخذتنه للسوك اسوكتلي ملابس ومكياج جهزتلي رجعنه ميتين من التعب لان باجر اروح عدلت الملابس رتبتهن نزلت اتعشينه وخلصنه سهرنه اني ومينا وهي نامت يمي ههه اذكرت مقالبه اتمنى اخذها ويايه علمود اسودن هذا اللي راح ازوجه واسويله مقالب ههه صار الصبح

.
.
.
.
.
.
يتبع