البارت الثاني
تفاجأت بتصرفه مو بالعادة يحاجيني بالشارع
ذبيت الموطة بالكاع
وكلت لحنان اگفي لحظه
شنو ولج وين
ومنو هذا
هسه اوگفي ارجع واگلج
تعاي فهميني
كتلها بس انتظريني هسه اجي
وگف هو ع صفحة
تقربت منه
هلو باقر
گال كولي السلام عليكم
احنه مو اجانب وهلو
كتله اسفة
السلام عليكم
گال وعليكم السلام
فاتن يصير وحده مترباية مثلج تاكل موطة بالشارع
وفوكاها تضحك والناس تتفرج عليها مو عيب هالتصرف
بعدين هاي منين الي تمشي وياج ولا مرتاحلها
شنو هالبس هذا
كتله هاي صديقتي
گال ومالگيتي غير هالصديقة
گتله شبيها
حصرتني البجيه ردت ابجي
شافني اختنگت وگوه حجيت
گال استغفر اللة
دروحي هسه وبعد لا تعيديها
اني لان اعزج وحاسبج منا وبينة
احب انصحج
هزيت راسي ودرت وجهي
ورجعت لحنان
گالت وج هذا منو
گتلها باقر
كالت باقر منو
جوارينه
وج شيريد منج
يكلي عيب تاكلين وتضحكين بالشارع
لا بالله وهو شعليه شگد حشري
لا مو حشري بس هو حاسبني مثل اخواته
احنه متربين سوه
حتى لو مامن حقة يدخل بيج
شنو هاي الوگة الزايده من حضرت جنابة
لا تحجين عليه حنان
ها ولج شعندج وياه
لا معندي شي
بس هو ولد حباب ومتدين والدربونه كلها تحبة وتحترمة
وشنو واذا الناس تحبة وتتحترمة
يعني يصير دكتاتور
سكتت
وحنان هم سكتت
كالت ولج بس لا يحبج ويغار عليج
گتلها لا شنو ماتوقع
وج ليش متتوقعين
مبين تره
اسكتي يمعودة مو اخلص من تغريد تطلعيلي انت
هههههه مرت اخوج هم ملاحظة هالشي
يعني صدك
صراحة هو شاب يطك بالگاع بس مبين معقد وحقنة اووي
والله ماادري شنو سالفتة
اني هم اشك بتصرفاتة وياي
گالت فل نفرض اعترفلج يحبج
او تقدم الج توافقين
هااا لا. اي
شنو لا اي ههه
الصدگ مااعرف مامتخيلته هيج
شلون يعني هيج
يعني حبيب او زوج
اصلا اني اخاف منة
وبنفس الوقت هو خوش ولد اكيد
كل بنيه تتمناه
يله وصلت خلي افوت
كتلها باي
كالت عزه باعي جاي ورانه يمشي
لج مو يمشي ورانه مو بيتهم هذا الي بصفنه
وهو اكيد راجع من الشغل
بهذا الوقت
هااا
اي يله باي
راحت واني گمت ادك بالباب
وهو ضل وگف يم الباب مالهم
بدون ميدگة
عبالك منتضرني افوت يلة
فتحت امي الباب
فتت جوه
ها ماما شلونج
الحمد الله
شنو غداكم
مسوية تشريب اصفر
ماما ميته جوع صبولي فدوه
اي دروحي غيرئ ملابسج
وتلكيني صابتلج
. خلت للغرفة ابدل ملابسي
وافكر بكلام حنان
يجوز صح كلامهم
بس باقر شخصيته مو مال علاقات وسوالف
بس هو من حقة يحب ويتزوج بالاخير هو ولد
يعني مو ملاك
باقر.....
رجعت للبيت بس اتخيل ملامحها وشكلها
وشلون رادت تبجي من حاجيتها
اخخخ تصرفها ولا عجبني
بنية تمشي بالشارع وتضحك وتاكل
اخخخ لوما احبها واعرفها طفلة
جان ولا سامحتها ع هاي التصرفات
بس شلون
ابقى هيج اني
لازم اسوي شي
قررت اخلي لمياء اختي تگللها باقر يريد يخطبج
وخليها تشوف ردها شنو
واني هم افتح وي اهلي الموضوع
صحت ع لمياء
لمياء خوية تعالي عندي موضوع وياج
بس اريدة يضل سر
اي صار خوية شنو گول
شوفي اني اريد ازوج
اي صلووات
اسكتي لا خوش سر
خويه ليش سر اكو زواج سر
وج خلي افهمج
اني اريد ازوج فاتن
فاتن اي خوش بنيه شكو بيها
بس انت ازوج وخلي يصير عرس عدنا
اسمعيني
اريد منج شي
شنو هو
اريدج دكولين لفاتن باقر يريد يخطبج
ويزوجج شدكولين
وشوفيلي ردها شنو
ورجعيلي خبر
صار خويه ادلل
هسه اروح
اي هسه روحي ماگدر اصبر بعد
..... فاتن....
تغديت وطلعت كتبي اقرة
جان عندي تمارين قواعد كعدت
احل بالتمارين
ومندمجه
اندك باب الحوش
بيتنه جان مقبط بي مجاز صغير
يم باب الشارع
واني كاعده بالهول
گمت فتحت الباب
لمياء هلو حبيبتي شعجب اجيتي
صارلج شكد متجين
باوستني وكالت والله تعرفين باقر
ميخليني اطلع
گتلها يمه الله يساعدج عليه
ضحكت كالت ويساعدج
گتلها فوتي فوتي
فوتتها للهول
ضلينا نسولف
اجت تغريد سلمت عليها وراحت تسوي شربت الها
امي هم سلمت كالت الها شنو وين ماوين
اشو گاطعين هالايام لا تجون لا تسيرون مثل قبل
خاله والله ملتهين ابوي هالايام الضغط والسكر يعلگن عنده
وامي ملتهية بيه
واحنه باقر يخلينا نطلع
اليوم كتله رايحه اشوف فاتن كوه قبل
هلة بيج بنيتي بيتكم هذا
گامت امي
لمياء گالت فاتن اريدج بموضوع مهم
گتلها گولي
گالت دزني باقر عليج
گامت تحجي ع كيف وتنصي بصوتها
باقر دزني عليج
گتلها شنو شيريد
گالت شوفي فاتن انت تعرفين باقر
وتعرفين اخلاقة
گتلها اي شبي
اگفي خلي اكمل
باقر يحبج ويريد يتقدم الج
شنو معقولة
لعد ليش مو معقولة
باقر هم شاب ومن حقة يحب ويزوج
المهم انت شنو رأيج
سكتت محجيت
دخلت تغريد جابت الشربت
كالت لمياء يمعوده عليمن تعبتي نفسج
يتبع....
