تٍگٍمٌلهً نَشاَْءاَْلّلّهً نَختٍمٌهً ب5اَْلّعصِر اَْوگٍيِ
شوف محمد اذا يريد يسترها اتزوجها انت واسترها
اني مرتي كافي علي
ولهنا وكافي انكطعت علاقتي بيهم
سد الخط بوجه محمد
ردت احجي خفت شفته عصبي ويرجف
بس بكلبي اريد اروح املخها تملخ
سجاد يبجي كام ركضت رضعته بس شمو كمت ارجف وشفتي صارت بيضه
ولا اراديه عيوني كامت تجري
امسح دمعة تنزل دمعة
دخل هو لغرفة المصلى سد الباب عليه
عرفت طبعة من يضوج يدخل للمصلى
ضليت انوم بسجاد
نام وطفوف نايمة من وكت
كعدت ع الجربايه مكدرت انام
ولا اروح اله
مااريد يكول اجت تلومني
التزمت بالسكوت
بس گلبي محروك حرك
شوكت يصير الصبح واروح لمرت محمد
اطلع حرگتي بيها
النوم طار من عيني
والافكار الشيطانيه ضلت ادور ابالي،
خاف يجبروه
خاف يضعف
خاف وخاف
وارجع واكول لا عاهدني وباقر وفي،
مايخلف وعهد
فتح باب الغرفه شافني، كاعده ع وخاله راسي بين رجلي
شفته رفعت راسي اله
كال ليش لهسه كاعده
باوعت هليه بجيت
مسيطرت
كعد بصفي، حضن راسي ومسح الدموع
اخخخ جنت اكول عنج جاهل وعقلج صغير، والومج
بس، طلعتي افهم مني والله اني ع نيتي، طلعت
معقوله هيج يستغلوني يردون
اخخخ
اعرف ليش عمي هيج يسوي
لان اخذتج يريد يكسرج
كتله ليش، هيج دكول ليش، يكسرني
حجالي ع عمة من راد يخطبني، ورفض
بعدين حجالي همة يتهمون ابوج مبلغ ع عمي
وبسببه انعدم
ضلي يحجيلي واني ابجي،
كل هذا تحملته ع مودي
اييي ومستعد اتحمل كولشي لان احبج
لان هذا ويأشر ع كلبه لان هذا يدگ بس الج
انتي عشگ الطفوله والشباب
حضنته وابجي ربي يحفظك الي
ويحفظكم الي انت واطفالي
الصبح راح للمعمل واني اخذت جهالي ورحت لهله
طبيت سلمت ع خالتي
شافني مخطوف لوني
شبيج خاله
خاله اكو ناس متستحي زودتها هواي ولازم اوكفهم عد حدهم
كالت خير يمه
اجت مرت محمد تخصرت
تقصدينه مو
كتلها اي اقصدكم
خالتي ام باقر كالت شكو فهمني
والله خاله الناس الميستحون
يردون يورطون رجلي ويكربسون براسه ارمله واربع جهال
كالت بتول اي وشكو بيها
الله محلل اربعه
كتلها مدام مابيها شي، زوجيها لرجلج مرت اخوج
صاحت خالتي كافييي، ولا تحترمن
قهمني شصاير
خاله اني اكلج
من مات عماد ولهسه يرسمن ع باقر
ويجرن فلوس منه واني ساكته اكول للايتام ميخالف
اتصوري خاله تخابر نص الليل
تعال بنتي، تخربطت
وهسه ابوها
يطلب من باقر يزوجها ويتحمل مسؤوليه الجهال
اندارت خالتي ع بتول صدك هالحجي
اي خاله وشكو بيها
والله ابني متزوج ومرته صغيره ووممقصره وياه ولا مريضه ولا عاقر
حتى يزوج فوكاها
شنو ماتملن متجوزن من باقر خالات عينجن علي
تردن تهجمن بيته
كالت شكو بيها يكسب اجر
خالتي جاوبت خلي، محمد يكسب اجر
وماعده خلفه لهسه
وياخذ ميعاد ويكعدجن ابيت عماد
هي تخبلت من خالتي
صعدت فوك وعافتني
اندارت خالتي
كالت يمة كبري عقلج وحافضي، ع بيتج
وديري بالج من ذن تره مو حبن اباقر لا
يردن يكسرنج
وعينهن ع فلوس، باقر
روحي لبيتج واني اصرف
رجعت لبيتي، صدوك سويت غده لباقر انتضره يرجع
خطيه رجع هم بعده ضايج
صبيت الاكل تغده
كتله شسويت كال مسويت شي، عمي خابر مجاوبته
خلص قررت اگطع علاقتي بيهم
شنو مخبل اني اورط نفسي، بارملة واربع جهال
كتله يعني انت ع مود متورط نفسك
متاخذها
ابتسملي لا ع مود مااحب ازوج اثنين وحده كافي وزايده علي
وع مود احبج ومااريد اغثج
ابتسمت
كال اي هيج ابتسمي والله تعبت اريد ارتاح فاتن
مشاكل بمشاكل واني مالي بيها
كتله حبيبي سوده علي اسفة اني
كال لا مو بس، منج هي كلها براسي
هسه لمياء، متعاركه هي وكرار
وخابرتني تبجي
ومنا امي معاركة بتول مررت محمد
ومحمد خابرني، يشكي،
والله طفرت روحي
المهم حبيبتي
اني هالاسبوع التحق،
اهووو باقر رجعنا لنفس الموضوع
كافي فاتن لا تحجين والله مالي خلك مشاكل
افتهمي جهاد واجب علي،
اذا اني، مااروح وذاك ميروح منو يدافع
عن الوطن
نعوفها نعوف داعش، تحتلنا
نخلي هذول الشرذمة يحتلونة
ويندسون مقدساتنا وجوامعنا وكنائسنا
لا والله انموت ومانخلي شبر من ارضنا محتله.......
بعد اشبوع....
ليش تبجين كافي فاتن خليني اروح وبالي مرتاح
باقر شلون اكدر افاركك عشره ايام
شلون راح انام واغفى وانت هناك
بنص الموت
عفيه لا تروح باقر
كافي فاتن صارلج اسبوع ع نفس الحجي مامليتي
اكلج اني مكاني هناك بساحات القتال
واني مفكرت بيه اني وجهالي
اني مأمن عليكم كلشي، متوفر الكم
مراح ينقصكم شي
اخذ، جنطتة وطلع
في امان الله ادعيلي ارجع سالم الكم
احس بادت رجلي وادي كعدت بالكاع
ابجي مودع بالله وباهل البيت
راح سلم ع خالتي وراح
لابس بدلة العسكريه
خالتي شويه واجتني لكتني ع كعدتي ابجي
خاله راح باقر اي يمه راح
ادعيله بنيتي
باقر من يوم يومه عنيد
الي يريده يسويه دبدوهً اَْلّيِگٍ هًهًهًهً
