آتمـنهہ آلگمـ قريهہ
مـمـتهہ•
بكُل مدينة العشگ باهت ؛
• إلا ذيچ الـ إنتَ بيها ؛♡'
البارت السادس
صعدنا بسيارة باقر
امه صعدت بالصدر
واني وابتهال وجيرانه ام حيدر ويانه
ليوره
طول الطريق ابجي
وباقر موجه المرايه علي
ويحجي كولن يا الله الميت مجوز علي بس الرحمة
الله يرحمة
يحاول يهدي بينه ويخفف علينا
يحجي وي امي
والله دمرونه هسه شنو معناها الي جاي يسووه
الله يرضاها عليهم هيج
شنو فرقهم ع الحكم القبلهم
شنو الجديد والشي الزين الي يسوه
عود حرية حرية الگشره عليهم
لا اله الاالله
وصلنا للمستشفى
باقر كال ع كيفجن كولن يا الله
والله يصبرجن راح
دخلنا للمستشفى
شفنا عمامي وحسين يصرخ بويه يابويه
كتله وين ابوي حسين
كال بالثلاجة دخلوه
اريد اشوفه فدوه
اريد ابوي كمنا نصرخ
واحد من عمامي كال شجابكم
ارجعوا للبيت
ميطلعونه هسه راح يشرحونه يله
وتتاخر الاجرائات يجوز
ضلوا يحجون ع مو د التشريح
باقر عنده عرف جوه
دخل عليهم وحاجة مدير المستشفى
كوه قبل يطلعونه بله تشريح
راحوا طلعوا
احنه واگفين ونبجي
تالي، طلعوا خلوه بتابوت
وصعدوه ع السياره
كتلهم بس خلي اشوفه مقبلوا
صعدنا بالسياره
ورجعنا سوه للبيت
نزلوا التابوت بالبيت
واحنه نمنه فوگاه
طبت امي هم نامت ع التابوت
كسرنا التابوت وخرنه الغطة
وشفنا شلون نايم
عمت عيني عليه
معذبينه تعذيب
الله لا يوفقهم حتى عينه مطلعيها
والله اليهود متسوي سوايتهم
ليش، هيج اكتلوا وخلص ليش هالتعذيب
الله يقبل الكم
مو لا تمثلوا حتى بالكلب الوقور
لعد انتم اطبقون بس الي يناسبكم من الاسلام....
شالو ابوي گوه من عدنه
وطلعوا بيه للنجف
احنه مارحنه
حتى امي ماراحت جانت كلش مريضه ووضعها موزين
شكل الضغط عدها بس يصعد كام
واحتارينه بيها
٣ ايام ضلت الفاتحة والناس عدنا
وراها طشت الناس كلمن لبيته
وفرغ البيت علينا
انوب توحشنا اكثر
مكان ابوي فراش ابوي ملابس ايوي
اغراضه
صوره
كلشي بالبيت يذكرنه بيه
تعبنه كولش
اصعب مرحله بحياتنه
تركت المدرسة ماداومت بعد
امي هواي حاولت ترجعني بس مارحت
مااريد اواجه الناس
وحقدت ع الكل
احس اي واحد يشوفني
راح يكول هاي بنت الحزبي الي قتلوه
باقر وره السبعه
رحت لمبايلي
لكيته طافي من كد ما مخابر علي
شحنته
لكيت كومه رسايل بس خلي اسمع صوتج
بس طمنيني
والبقيه بحياتج
والله كطعتي كلبي
ووووو كومه رسايل ومكالمات
مالي نفس احجي وياه نفسيتي تعبانه
وره كم يوم
امي صاحت علي
فاتن تعاي ماما
ها يوم
يمه ليش ماادومين
داومي يمه ليش اتركين دراستج
ماما مالي نفس بالدنيا كلها مااكدر
كالت ابوج جانت امنيته يشوفكم
واصلين
حققي امنيته وكملي دراستج
بنتي الحياة لازم تمشي
وهذا قدره ابوج وهذا يومه خلص
شوفيني اني صح تاثرت بالبداية
بس لازم اوگف ع حيلي
و اتحمل مسؤليتكم
لازم تمشي الحياة لان مراح توكف ع احد
اني اريد تصيرين قويه وتكلملين دراستج حبيبتي
انتي واخوانج وافرح بيج
ماما اكدر لا تضغطين علي فدوه
عوفيني هاي السنه يجوز السنه الخ اكدر
واتجاوز هاي المرحله
بس هسه مااريد
ضلت تحجي ميصير هيج حرامات ماضل ع الامتحانات شي
نزلت تغريد
كالت شكو
امي كالتلها بلكي تقنعيها
تعبت واني اكلها ارجعي ومترجع
خاله عوفيها هاي السنه خليها ترتاح
نفسيتها تعبانه
تره متكدر حتى لو تمتحن تره مراح تنجح
وهذا ثالث بكالوريا
ووزاري يرادله تركيز وقرايه
عاد امي سكتت
رجعت ع علاوي اخوي
صاحت علي
الزم كتابك وراجع الدروس الفاتتك
ومرتضى هم خلي يقره
مو عبالكم ابوكم مات
وماتقرون
اني راح اصير ابدال نعيم
الدراسه عندي اهم شي
حسين نزل امي كالتله تعال يمة اكعد يمي
كلها كولي يمه
يمة انت ابني الجبير وانت هسه بمكان ابوك
يمه اخوانك ولد
اريد تضبط عليهم وتخليهم يخافون منك
اريد تكرص اذانهم ع الدراسه
كلهم اهم دراستكم
واتابعهم الي
صار يمه من عيوني
عوفيهم علي ومعليج.....
بالليل دك علي باقر
كلت خلي اجاوبه خطيه صار اسبوعين محاجية وياه
قفلت الباب
وجاوبت اول مكلت الو بجيت
مااعرف ليش
كتله باقر محتاجتك هواي
عيون باقر شلونج
اني يمج لا تخافين حبيبتي
باقر الليل ماانامه كل شويه افز واتحلم احلام مرعبه
حبيبتي اقري قران قبل لا تنامين
وتروح كل هاي الاحلام
شلونج والله طگ كلبي عليج
والقران عبالك ابوي ميت
هيج مقهور لان اشوفج مقهوره
باقر اني هواي احب ابوي
ولا متوقعه هيج يموت موته بشعه
لو بس اعرف ليش قتلوه
معقوله ابوي جان يقتل ويعدم
اشو ابوي احسه حنين ويخاف الله
مااصور يكتب تقارير ع الناس ويصير سبب اعدام الشباب
مااستوعب هالحجي الي تحجي الناس مجاي اصدك
يمكن لان ابوي
حبيبتي مو كلشي نسمع صح
واحنه منعرف الحقيقه ما نكول الله يرحمه
ويغفرلة اذا جان الكلام صحيح
و اذا مضلوم كلشي عند الله ميضيع
ربج هو الي يحكم بيوم القيامه
يتبع....
آلگآتبهہ نآقتي بعآبآتي
💋💋
