البارت الحادي عشر
امي من سدت المبايل كالت شلون احراج هذا
اني مااكدر احضر عرس
بس ام باقر حرجتني
احسن حل
روحي انتي وتغريد خلي حسين ياخذكم
كتلها ع راحتج
بس ماما ماعندي ملابس حلوه مال طلعة
العصر اخذج للسوگ واشتري اليعجبج
اي فدوه ماما
صدك تغدينة وامي اخذتني للسوگ
اشتريت صاية اسلاميه سوده ع شكل فستان
كلش حلوه من كدام دكم
وكسرات ع الخصر
وردن بيه بزمة
كلش حلوه
اخذت حذاء اسود وجنطتها وياها
وامي اخذت لتغريد هم جنطة وحذاء
واشتريت اكسسوارات
وساعة وشال اسود
هاي اول مره اطلع اشتري الي يعجبني
من السوگ
رجعت فرحانة بيهن
امي گالت ضميهن وتالي نلف الكبة جانت عدنة طلبيه
امي من جانت تسوي كبب وبورك
تبيعن للاسواقات اليمنه
فرادوا منها طلبيه
كعدنة الف كبة وبورك
لحد الليل انكسرت ضهورنا
كملناها
كلت لامي اروح تراجع دروسي وانام
كالت روحي ماما
فتت لغرفتي وسديتها
حضرت الجدول زين ماعدنه شي صعب بس
تمارين انگلش
كعدت احلها عندي ملزمة
كملت كلت اخابر باقر
خابرتة
هلو حبيبي شلونك
وعليكم السلام حبيبتي شوكت تتعلمين
السلام الصح
كلت بدت المحاضرات
يابه السلام عليكم
شلونك
الحمد للة
باجر تجين
اي ان شاءالله اجي
اني وتغريد راح نجي
لعد انتضرج اريد اشوفج طگت روحي عليج
اي اني هم والله
اليوم رحت وي امي للسوگ اشتريت ملابس وشغلات
ها الف عافية حبيبتي
تره مصروفج ضامه الج
بس اشوفج انطيجياه
لا شسوي بي خير من الله
جاي اشتغل وي امي بالكبب
وتنطيني خطيه مصرف
وشنو احتاج تاخذلي
شنو تشتغلين
اي مو ماكتلك
اني وامي الف كبة وانبيع
صدگ تحجين ليش
شسوي ياباقر المصرف ميلحك
احنه كولنه مدارس
وحسين ميلحگ علينا گلنا نساعده
وهسه زوجته حامل هم خطيه
يريد يجهز للطفل
مصرف لزوجته
هم صحيح واني انطيه ٥٠٠ وين تكفي
من هذا الشهر راح اسويه ٧٥٠ الف
لا شنو ذنبك انت تنطي منك
ذنبي احبج ومااريد اتعبج
والله شغلة واگفة هاي مال
تشتغلين
وعندج دراسه
شسوي حبيبي ميخالف اساعد وياهم
ربي يوفقج ياروحي
يله اكيد تعبانه روحي نامي وانتضرج باجر
كتله ان شاءالله
الصبح رحت داومت وبالي كله يم الحنه
جان يوم خميس
طلعونه من وكت
كلت لنوسه همزين طلعت من وكت
اليوم حنت صديقتي
وعازمتني
كالت هنيالج راح اطلعين اخذيني وياج
كتلها اخذج والله تعالي ونروح
كالت شبيج منو يقبل يمعوده
ابوي يكلي التهي بدروسج
هو لخوالي ميقبل اروح
يله ميخالف حبيبتي غير لمصلحتج
اي بس والله تعبت من الدراسه
اريد اطلع شويه
ماكو طلعه تره اني عايده الثالث
والدروس مفتهمتها
انت لا
معليج بيه
وصلنا للبيت كتلها فوتي وياي
كالت لا اروح
طبيت للبيت
اشرت لتغريد استعجلي واغمز الها
وهي تضحك
دكلي اليوم عيدج
اي ولج مشتاقتله موت
ديلله عيني روحي تغدي
لا يسمعنه حسين ويسويلنه سالفه
بسرعة تغديت
ودخلت سبحت
ولبست ملابسي الجدد
رغم سود جانن بس كلش حلوات علي
صارت الساعة ثنتين
گتلها يله تغريد
يله عيني ننتظرج انتي
امي مشتريه هدية بطانية للمياء
كالت اخذيها وياج
وسلميلي هواي ع ام باقر
وتعذريلي منها
كتلها اوكي
دزيت رساله لباقر جايه بالطريق
اجر حسين تكسي ورحنا
وصلت شفت حبيبي فدوه لعينه
الدشداشه مبيضة ونضيفه تلمع
ولازم السبحه بيده
والمحبس يخبل بيده
ومنتجي ع سيارته
هو شافنه وفز عدل وكفته
اجه تقرب منه
نزل حسين تسالم وياه
ونزلت اني وتغريد
سلمنا عليه هو سلم
بس تغيرت ملامحة بسرعة
يمه لزمت كصتي خاف طالع شعري
ماكو شبي لعد
انوب خزرني
كمت مااعرف شلون امشي
وي طبتنا وصلوا اهل العريس
دخلت بسرعه سلمت ع خالتي ام باقر وع ضمياء
خطيه استقبلونه
بعدين رحت ع لمياء باركت الها
وكيفت بيه كعدتني بصفها
دخلوا اهل العريس
هلاهل وهوسات
بعدين كالوا العريس راح يطب يحنيها
ويغير الحلقات
ويدخل المصور وياه
ام باقر كالت عيني ام كرار يا مصور هذا
كالت الها مو غريب ابن عم كرار احنه جبناه حتى يكدر يطب
سكتت ام باقر بس لبست لمياء البرنص
ام كرار ضلت تحجي شنو برنص غير عروس وزوجها يريد يشوفها بالتسريحة
كالت الها فدوه لا تسون مشاكل النه
يطلع المصور ويشوفها
دخل العريس وهلهلن وجكليت وهوسات
دخل المصور بده يصور
شويه ونسمع صوت باقر يصيح
جانن يهوسن هنه
صار هدوء وصوت باقر علي
اني من يمي خفت كرصت تغريد شكو
كالت مااعرف
ضل يصيح خلي يطلع يلله
امه تسكت بيه
يكلها شنو دخل ع نسوانه
يا يمه غير مصور
يجيبون مصوره
طلع العريس والمصور
وكلها كامت تبسبس بهدوء
لا اكلكم ولا دگلولي كولوا خرب العرس باقر
خطيه لمياء ضلت تبجي
والله خبلنا باقر خنكني فد خنگه حتى بيوم حنتي هيج يسوي
هسه هو ابن عمه ويصور
وكرار ابن عمتي مو غريب
شبيه بعد
ضليت اسكت بيها
واني اكول لروحي
يتبع،،،،،،
آلگآتبهہ نآقتي بعآبآتي
💋💋
