البارت السابع والعشروون
ضليت اتگلب بالفراش منمت
بعدين كمت جنت جواعانة
هناك مااكلت
بطني ضلت توجعني من الجوع مدري من التعب مغص صار عندي
كمت طلعت من الغرفه للمطبخ
فحت الثلاجه طلعت صمونه
وجبن
وحميت الجاي
بس بطني توجعني
كلت من الجوع
ضليت اتلوه
هو سمع الصوت بالمطبخ طلع من غرفة المصلى
واجه شافني
ها شسوين
ماسوي شي بس جوعانه گلت اكل شي
ليش مااكلتي هناك
لا والله اشو ماشتهيت
والتهيت وي امي
اخخ ركض ها شبيج
مابيه بس بطني مغص
يمكن من الجوع
صدك تحجين مماكله انت شبيج جاهل
شلون تبقين بله اكل وانت حامل
كتله هاا راح ترزل مو
لج بابا مو ارزل بس اعلمج
يعني اكو وحده حامل متاكل
زداد المغص
شافني اتوجع
فاتن لا تخوفيني شبيج تره اني مااعرف بهاي السوالف
ماكو شي بس جوعانه والله من الجوع
دكلي اكلي،
بسرعه صبلي جاي
وخله صمون والجبن بصينيه
تعلي اكلي
طلع فواكه خلصي واكلي شي
لا مااريد بطني تلويني
استغفر الله
اخذج للمستشفى لا ايي
اعوذ بالله من الشيطان الرجيم
ركض جاب المبايل خابر امه
يمةة تعاي فاتن مدري شبيها
رحمه لوالديج بسرعه
اجت عمتي بسرعه
خطيه
هو لبسني الحجاب
ومدنگ يلبسني بالجواريب
كمت لبستني عباتي خالتي وتحجيى
شجاج يمه شبيج
ماادري يس، بطني توجعني
خاف مستبرده فايتج جوعه
اي
هو يستغفر، ويصيح جاهل ماخذلي جاهل اني
اكو وحده متاكل
لا وتريد تبات هناك مو اعرفج زعطوطه
امه تكله ع كيفك يمه تره ماكو شي
وهو طار بالسياره
لحد موصلنا
دخلوني للاستشاريه مالت المستشفى
فحصتني الدكتوره
وسوتلي سونار
كالت مابيها شي،
هاي تقلصات تصير وي الحمل مرات
ان شاءالله تاخذ، علاج وتصير زينه
ضربتني ابره
وطلعت
طلعوني رجعت للبيت
احس ارتاحيت ع الابره
وهو طول الطريق شلون صرتي
اكله زينه
يكلي اكيد
اي والله
وصلت للبيت
خالتي رادت تبات كلها ماكو داعي يمه
اعرفج متنامين بس، بفراشج
اني يمها
نومني ع الجربايه شلون صرتي
زينه
ليش هيج تسوين بيه والله يبس حلگس عليج ردت انجلط
بجيت ع حجايته وحضنتة
الله يخليك الي،
لج والله مااكدر افاركج مو ع مود شي،
مخليتج تباتين
سكتت بس كرهت روحي حسيت نفسي، صدك زعطوطه اني اطلع سوالف من جوه الكاع
كلي نامي ارتاحي،
راح جاب سجادة الصلاة مالته وقرانه
وكعد يقرالي قران
لحد منمت ع صوته جان بي خشوع وكلش حلو
كعدني وي صلاة الفجر فاتن شلون صرتي
تكدرين دكومين تصلين
اي اي مابيه شي،
كمت توضيت
ماكو مغص رايح كلشي مبيه
صليت وهو مكابلني ويباوع علي
شبيك مابيه شي
نزعت عباية الصلاه واجيت يمه
الف الحمد لله، كال
جرني واخذني للفراش،
🎀💓💓💓🎀💞😍😘💞
كعدت الساعة عشره الصبح
باقر شنو مرايح للشغل الساعه عشره
كال انعل ابو الشغل
هو المن اشتغل غير الج
باقر العرس جذبت علي كتلي من الصبح اوديج
الساعه عشره
هسه امي شدكول جايه مثل الخطار
كعد كال معليج اني اكللها مريضه
خلي نتريك ونروح
اخذني للعرس
وكل شويه مخابر ها شلونج
لازينه مابيه شي......
خلص العرس ورجعت......
بعد مرووور اشهر.......
خلصت شهري واني ماعندي طلوك
والطفل صاعد
الدكتوره حولتني عملية
متت خوف وبجي بيوم العمليه
ومجلبه اباقر اخاف باقر،
وهو يقرالي معوذات وادعيه
لا تخافين والله تنامين وتكعدين تلكين روحج جايبه
دفعوني بسرير العمليات واني مجلبه بيده
وعيني ع امي
ماما
وج ماما شلعتي كلبي لا تخافين
صلي ع محمد صلي ع محمد
دخلوني
واني ارجف خوف مدري برد
اجت الدكتوره فوك راسي
شسمج وتلعب بشعري
خلت الاوكسجين بخشمي كالت اخذي نفس
بعدها محسيت بشي
بس كعد اهذي ووجع مو طبيعي
اشوف باقر مغوش وامي وحسين
يحجون بس دووي
بعدها صحيت
ماما جبت
اي جبتي
باقر الحمد لله ع سلامتج حبيبتي
اجتنه طفوف اجتنه بنيه
شوفيها تخبل من ايه من الجمال
باوعت عليها بصفي خاليها
الولد كلهم فوك راسي علاوي وحسين وباقر ومحمد وصادق
وخالتي ام باقر وامي
كلها ضلت تتحمدلي بالسلامة
ثاني يوم طلعوني امي حاجت باقر اروح وياها
مقبل
لا خاله عدها بيت وتاخذ راحتها بي
وامي وضمياء واني يمها
طلعت لبيتي
والشهاده لله شالوني بكفوف الراحه
بس طفوف شلعت كلبي
بس تبجي
واني مااعرف ابجي وياها اضل
كبرت طفوف وصارت لعبتنه بالبيت هي
فدوه نموت عليها عبالك لعابه
ونلعب بيها باقر رغم عمرها اشهر
مخله لعابه مجابها الها
ويموت عليها
مرت ايام واشهر
بديت اتعود ع طبع باقر
وتعودت ع كعدتي بالبيت
بعد فتره حملت مره ثانيه
جان عمر طفوف عشرة اشهر
كلت لباقر فاتتني
يمكن حامل
كال رزق من الله
بس والله مااكدر اني هاي وشلعت كلبي
ع يجي الطفل الجديد
تكبر طفوف
اووف بس مااريد
لا تتبطرين ع نعمة ربج
هذا رزق بعد
والنعم بالله
مٌمٌگٍنَ تٍصِويِتٍ + تٍعلّيِق
