His Greatest Downfall

CHAPTER 8

Chapter 8

HALOS araw-araw akong nakakatanggap ng mga bulaklak at tsokolate mula kay Sid. Lantaran siyang nagpapapansin sa akin. Kaya naman tinutukso na ako ng mga ka-blockmates ko at ng mga co-officers ko sa Student Council. Araw-araw niya rin akong hinahatid pauwi, hindi literal na hinahatid, kundi sinusundan pauwi. Ilang beses ko siyang tinatanggihan na ihatid ngunit ayaw niyang magpaawat, He's too persistent and it's making me frustrated.

"That's Serenity, right? Siya ba 'yong nababalitang nililigawan ni Sid?"

"Oo, siya nga. Ang ganda niya, 'no? Bagay sila ni Sid. Pero hindi ko maintindihan kung bakit nagpapakipot pa 'yan, e. Kung ako sa kanya, sasagutin ko na kaagad si Sid."

Inis kong tinapunan nang masamang tingin ang mga babaeng nagbubulungan malapit sa amin ni Marga. Nagbubulungan o sadyang gusto lang akong paringgan?

"Haba ng hair mo, meym. Sayang at taken ka na. Akalain mo, isang Sid Dela Vega ang patay na patay sa 'yo! Jeske! Binarang mo ba 'yon?"

Sinamaan ko rin ng tingin si Marga. Kasalukuyan kaming naglalaka sa gilid ng Quadrangle patungong library ng university para ibalik ang mag hiniram kong libro. Katatapos lang ng klase namin sa isang major subject. Patapos na ang semester kaya't hindi naman na masyadong nagkaklase. More like submission na lang ng mga projects at research.

"Alam mo, Marga, kung ipapabarang ko man siya, hindi para akitin siya, kundi para layuan niya ako. Masyado siyang mahangin, akala niya yata makukuha niya ako sa pabulaklak at tsokolate niya. Nagkakamali siya."

"Arte nito. Hindi lang naman ako makapaniwalang sa dinami-dami ng babae rito sa university, ikaw pa ang napusuan niya. Oo nga, maganda ka, pero marami rin naman iba pang magaganda rito at sopistikada pa. 'Di ba dapat ay maging grateful ka pa rin na nagustuhan ka ng isang kagaya niya?"

"Ewan ko sa 'yo. Bakit kaya hindi mo siya barangin para sa 'yo siya magkagusto?" pabalang kong sagot at binilisan ang paglalakad.

Naiirita ako sa tuwing may nakakasalubong akong mga kababaihan dahil agad silang titigil at titingnan ako. Pagkatapos no'n ay magbubulungan sila. I'm not quite sure if they're throwing their death glares behind my back.

"Ito naman, ang sungit. Parang lagi kang may dalaw. Bakit kaya hindi mo siya bigyan ng chance? Magmamahalan lang naman kayo, e. Ano'ng mali ro'n?"

Napatigil ako sa paglalakad at nilingon ang baklang kasama ko. Napaawang ako sa kanyang mga tinuran.

"Are you serious, Marga? Naririnig mo ba ang sarili mo? Are you suggesting that I will cheat on Ronald or break up with him?" hindi-makapaniwalang tanong ko.

"Hindi gano'n." Ngumisi siya.

"Hindi mo naman hihiwalayan ang dyowa mo, e. Dadagdagan mo lang siya."

"What?!"

"Biro lang." Tumawa siya nang malakas. Inis na hinampas ko siya ng clear folder na hawak ko.

"Hindi nakakatawa ang biro mo. Hindi ako gano'ng klaseng babae, alam mo 'yon. Oo nga't nagkakalabuan kami ni Ronald ngayon dahil masyado kaming abala sa kanya-kanya naming buhay pero hindi ibig sabihin no'n ay hindi namin mahal ang isa't isa."

"Oo na. Ikaw na ang banal mag-isip, ito naman. Siyempre, kahit mas boto ako kay Fafa Sid, hindi naman ibig sabihin no'n na hindi kita susuportahan kung saan ka masaya. Pero sana nga tama ang desisyon mong ipaglaban ang relasyon n'yo ni Ronald. Hindi ako o si Sid ang kalaban mo rito Serenity, kundi ang sarili mo. Hindi ako bulag para hindi mapansin ang kakaibang kislap ng mga mata mo kapag nakakaharap mo 'yung Sid na 'yon, 'no."