اسياد العراق

بارت ٤

#اسياد#العراق

عندما تعشق فتاة في عمر الزهور 🌹
تاكد انتك تعشق النيران 🔥

-طلعنه بيت ابو علي او بيت نسابتي مثل ميكولون باركولي اهلي وعمامي
اول ما وصلت استلمني لبنات يحجولي عليها بالي يم هدى مراحت وياهن لان تعبانه

نوره : بابا متتخيل لبنيه شكد هادئه وتجنن

نواره : بابا عليها عيون يخلنك تصفن اني بنيه ونعجبت بيها بس اكو شي كلش اوفر بينكم انته ضخم وطويل وهيه عصفور مهلس كلش ناعمه يمكن بحياتها ماماكله لحم وشحم كصيره وظعيفه بس شعرها يموت طويل واشقر ع عسلي يجنن ولون عيونها اصفر ع رصاصي وحلكها صغير عبالك مال طفل وووو

-اكلج بابا ليش متكومين من يمي لا ادفرج انتي متستحين شلون توصفين لبنيه هيج كدامي

-بابا شبيك هيه غير صارت مرتك ليش معصب مني دمعت عيوني ورحت للمطبخ

-استغفر الله نواره بابا تعالي ما اقصد اصيح عليج تعالي وينج نوووواره ولج مابيه اكوملج اخ يابه رحتلها للمطبح شفتها ادردم يم السنكي باباتي نواره حبيبتي ما اقصد اصيح بوجهج بس والله تعبان وماريد هل زواجه لضيم يلا مسحي دموعج وروحي صيحي هدى اريد احاجيها وهاذا راسك ابوسه يلا بنيتي روحي لختج

-صار بابا

-اكلج هدى بابا يصيحج جوه نزليله اذا ما بيج حيل خلي يصعدلج
-لا خطيه هسه انزله
-اوك
-نزلت لبابا شفته كاعد بالصاله بست راسه وكعدت بصفه اي بابا صحتني

-حبيبتي ونور عيني هداوي بابا شبيج ليوم ليش وجعت حالتج احنه مو اتفقنه نستمر علعلاج وتعافه اشو رجعتي وتركتي ليش تسوين بيه هيج بابا اني تعبت ومو مثل قبل بيه حيل اركضلكم

-اسم الله عليك بابا اني مو متقصده اعوفه بس والله انساه وما ارجع اخذه ولبارحه نقهرت عليك من عصبت من بيبي وشفتها شلون حصرتك بزاويه مالك مهرب منها

-يابه اذا ع بيبيتج هم حقها واني كبرت ولعمر يمشي ودوامي صعب وداعش تعبني بس هيه ما اختارتلي لصح اني اريد مره جبيره وتفهمني ان شالله تطلع بنت ابو علي جبيره وتفهمني

-اااااء اي بابا ان شالله (بكلبي الله يكون بعونك يابه اذا تشوفها)

-يلا باباتي خلي بالج ع خواتج اني باجر التحق راح اتحضر بين متسوون لعشه اريد من ايدج بتيته سلك وعليها زيت الزيتون ونعناع مطحون وفلفل حار اذا متكدرين خلي وحده من اخواتج تسوي بدالج انتي ارتاحي

-لابابا هسه اسويلك اريد اتحرك لان مليت من لكعده ونمت هواي
-براحتج يلا بين ما اصلي واتحضر اريد لعشه جاهز

خلصت صلاه وصعدت فوك طبعاً ابد ما شفت امي من رجعنه
ادري بيها تتهزم مني بس بعديش بعد ما اكلتها بخاشوكه معدله
حضرت جنطتي وملابسي لعسكريه لباجر
نزلت للعشه مادين لسفره وينقلن لعشه بناتي ومرت عزام وبناتها لكبار وثنين صغار كاعدات يم ابوهن وابويه ع لتخم ياكل ميكدر للكاع وامي مطلعت من الغرفه مهزومه مني كلها كعدت عالسفره وامي ماكو عاد صحت بصوت عالي