اسياد العراق

بارت٢٥

#اسياد #العراق

....................................

سيف:-اسمعيني زين دموع متعنيلي اي شي ولو صارت وتزوجتها لو جبتها للبيت بس لحتى ائمن عليها لا اكثر فخليها بالج دموع لا شيء بحياتي لعاطفيه وانتي افهميها براحتج وهسه رجعي لغرفتج ورتاحي

حياة:-كافي عذاب منك وقهر ماريد اعيش بعد وياك متستاهلني
......بعدني ممكمله كلامي اجه وكف كدامي وضربني راشدي خله اذني تصفر متحملت اهاين اكثر رحت للغرفه كعدت ابجي بنهيار مسحت دموعي بحركه وطلعت للبنات بلغرفه اخذت تلفون نواره وتصلت بعلي يجيني حتى مافهم مني شي بس ابجي عرف بيه متعاركه واريد اجيهم كال شويه واجيج تحضري رجعت للغرفه جان كاعد عالجربايه اول مدخلت اجه عليه وحضني باس راسي وراد يسحبني للجربايه دفعت ايده ورحت للكنتور الم ملابس هوه سكت محجه شي خلصت ملابسي بجنطه فتحت جنطه حمودي وخليت ملابسه اخذت غراضه ولفيته بلحماله مالته نزلت لجنط رجعت صعدت اريد اشيل حمودي وكف كدامي وكال
:-الطيب ميطلع من بيت ابوه
:-سيف ابني ماعوفه يمك
:-واني كتلج ابني ميطلع بيته تردين اهلج روحيلهم وبعد تحلمين ادخلين بيتي وابني هاذا مكانه
:-تمنعني من ابني
:-ما امنعج انتي تردين اطلعين وتعوفينه
:-خليني اخذه وخر .....حاولت ابعده لزمني وطلعني خارج لغرفه وقفل لباب عليه من جوه دكيت لباب مره مرتين حاجيته ميرد شويه واجتي نواره كالت علي يتصل نزلت فتحت لباب كتله :-سيف ميقبل ينطيني حمودي
علي:-هوه وينه سيف
:-فوك قفل لباب وطلعني
علي:-خلي ينزل يحاجيني هوه شنو ياخذ ابنج فهميني شنو لمشكله
:-ماكدر بعد اتحمل اعيش وياه صعب مينحمل
علي:-حياة لزواج مو لعب صحيح انتي صغيره وزوجناج بس بعد صرتي ام بيت وعندج طفل تحملي وصبري عليه والله يفرجها
:-ماكدر اصبر اكثر من هيج تعبت ومالي طاقه اتحمل مشاكله
علي:-روحي صيحي خلي احاجي وافهم منكم هوه يدري بيه راح اجيج كلتيله
:-لا ماكتله بس شافني من لميت لملابس
علي:-دمشي صيحي خلي يحاجيني ماكدر اخذج واطلع هيج بدون علمه ميصير
:-تعال فوت للستقبال بين ما اصيحه
علي:-لا عيب وين افوت خلي يجي اسلم عليه واحاجي وانتي رجعي لبنج
:-دقيقه هسه اصيحله .......دخلت للبيت اول ما وصلت لدرج اريد اصعد طلع هوه من لغرفه ونزل بيده حمودي نايم نطاني حمودي وطلع بره بدون اي كلام طلعت وراه سلم على علي وكف يمه
حجه علي:-الله بلخير ابو الطيب
:-الله بلخير بعلاوي تفضل ليش بلباب فوت جوه هاي مامفوتك اختك متعرف لاصول
علي:-لا والله دخلتني بس اني مستعجل والله طلعت بدون ميدرون اهلي
:-خابرتك وجابتك ركض مو
علي:-اي والله سمعتها تبجي واجيت افتهم شصاير
:-ماكو شي لحالها خابرت طبكت لفيوز عدها وخابرتك بهل ليل
:علي:-يلا نعذرها بعدها بيها بنج ماثر عليها
:-اي والله لما لعمليه جان تصرفت وياها غير شي بس بختها لان مريضه
علي:-وانت هم بهداي وياها بس خلي ترتاح وربيها شويه شويه
:-ها سمعتي بعد اخوج ويحجي هيج اني شخصني
حياة:-شفتهم ثنينهم طبكو عليه عفتهم وصعدت ماكو فايده بيهم اخويه يدك ناعم لسيف كله علمود مصلحته حتى يرضى ياخذ نواره .....عفت لجنط على حطتهم نيمت حمودي بفراشه وكعدت افكر بلموضوع شويه ودخل سيف اول شي رزلني لان تصرفت هيج وبعدين كال صيحي نواره وياها لتلفون رحت صحتها ورجعت بدون اي كلام وياها اخذ تلفونها مدري شسوه بي وبعدها سئلها على علي وكللها متقدم الج ضلت ساكته وكالت بكيفك هز راسه ونزل جوه ضلت تباوع بوجهي بتسملها وطلعت لفيت راسي ونمت ما كعدت اله ثاني يوم لساعه ب٩لصبح اسمع صوت جوه وسوالف وضحك ستغربت غسلت ونزلت وبيدي حمودي ....جانو كاعدين كلها بصاله عمتي ولبنات وحنين وبنات عزام ومريه اول مره اشوفها جبيره بلعمر بكصه عمتي سلمت وكعدت عرفتني عمتي عليها كالت:-ام خالد صديق سيف راح يكعدون يمنه فتره وهاي حياة مره سيف وهاذا الطيب ابن سيف
حياة:-رحبت بلمره وكمت اعاون لبنات بلبيت بس مافهمت ليش يبقون عدنه شنو ماعدهم بيت عفتهن يسولفن وخليت حمودي بحضن جدته وكمت للبنات خطيه هنه مقبلن اشتغل بس اني ماحبيت اكعد واسمع سوالف لعجاير يمللن وكفت علماعين وهنه لمن لبيت وحنين تطبخ لفيت لشال على راسي مثل لمصريه واكفه اغسل ايدي كلها زاهي راحت حنين تجيب تمن من لمخزن وهوه دخل لمطبخ انتگه علحايط بياوع عليه رفت راسي ونزلته تقدم وصار ورايه لف ايده على خصري ودنك باس ركبتي قشعر جسمي منوحركته بتسمت بس بداخلي كسر جبير منه بحركه عفويه بعدنه تحسست من شواربه رفع راسه وباوعلي صفح كال:-شلون صرتي ليوم
جاوبت وعيوني علماعين :-احسن لحمدالله
:-شعندج بلمطبخ روحي ارتاحي لبنات يشتغلن
:-لا ميحتاج ارتاح كلشي مابيه
:-وشبيج تحجين من وره خشمج
:-مابيه شي كلامي طبيعي
:-زين تعالي يمي بلغرفه مشاقلج
:-عندي شغل ماكدر
:-كتلج تركي لشغل لبنات يكملن
:-خليها غير مره ماكدر هسه ملتهيه ومنا لمره عيب منها
:-يولي ماسوي شي بس اشبع منج راح اطلع
تركت لماعين ونداريت اله :-وين تروح
:-راح نطلع اني وعماد للموصل فتره ونرجع
:-شعدكم هناك
:-شغل
:-وشكد تضلون
:-بحدود لسبوعين
:-تحجي صدك
:-اي ليش
:-عفت لمواعين عسلت ايدي واني اتوسل عيوني متنزل دموعها هسه عيب لمره بلصاله شلون اطلع كدامها سحبت نفس وطلعت بساع ركضت علدرج دخلت لغرفه فقدت ابجي من كل كلي نهاريت ابجي بكل حركه كلب وقهر فتح لباب ودخل ضل يباوعلي واكف يم لباب