اسياد العراق

بارت ٣١

#اسياد#العراق

اتمنى ان اصحى ويصبح كل ما مضى حلماً
......................
:-صار صياح عالي اتوسل بخالد ينزل ايده ميقبل وكانو ولا يسمع عماد تخبل كام يشيل وشمر بلغراص وخالد جبل ميهزك ريح ولصادمني اكثر شلون دموع كاعده ومدنكه راسها ماخافت ولا صرخت لحضه كلشي وكف بعيوني اني وعماد لمن خالد كال
خالد:-تتذكرين من دخلوج عليه
دموع:-هششش اروحلك فدوه اسكت
خالد:-تتذكرين لكامرات ولفلم لصار
دموع:-اش اش اش لتحجي بعد ابوس يدك لتحجي
خالد:-كتلج دموع انتي مثل اختي ماكدر كلتيلي لا اني مو اختك توسلت بيج اطلعين بس ماطلعتي وبكل برود منج نطيتيني بطل مي واني بلمقابل ما كلت لا اخذته فرحان راح اروي عطشي بس ليش غدرتيني ليش خليتي بي مقوي ليش ولج خليتوني افقد وما اشوف منو. كدامي
دموع:-اسكت خالد لتحجي ابد
:-خالد على شنو كاعد تحجي فهمني والقران راسي بعد ميجمع
خالد:-اني اكلك. بيوم جنت محبوس عدهم وطبعاً بلمخزن اكو كامرت وسماعات يحاجوني منها ويصوروني ...فجئه بليل نفتح لباب ودخلت دموع بكامل اناقتها عروس بليله عرسها وتقدمت بخطوات تغريني وتطلب مني اعاشرها توسلت بيها تطلع وحاولت اقنعها تعوفني وتحسبني اخوها بس مع كل لاسف بشربه مي نكلبت شخص ثاني كلي رغبه وقوه عجيبه ماعرف شلون وليش صار هيج بس فزيت وشفتها بحضني مثل ما خلقها الله واني مثلها ضليت انعل بروحي وابجي اي اي لتباعون هيج عليه اي اني بجيت وعضيت اصابيعي ندم بس والله مو بيدي ماحسيت شلون سويت هيج كعدتها من كامت لبست كالت بلبطل لمي خاله مقوي جنسي لدرجه خلوني افقد وما اشوف منو كامي بتسمت بخباثه وطلعت ....ها دموع شو سكتي
:-بلعت ريكي بقهر ونداريت الها شفتها تبجي ومدنكه وساكته سحبت نفسي وطلعت لكراج اشم هوه احس راح انفجر ماتحملت ختنكت حيل رجعت عليهم وكلتلهم اني طالع. بعدين اجي وانت عماد عينك عليهم اخذت غراضي وبجهي للعماره وصلت وره لسبعه دخلت تعبان ومنهار على لاخر بوجهي لغرفه امي جانت كاعده تسبح فتحت عيونها مصدومه
:-يمه بعد ماتحمل لحكيلي
الحجيه:-يبعد كلبي شبيك سيوف شمالك دخلت هيج عليه ولك كوم حاجيني ولك تبجي لايمه ماهكيتها منك تبجي يول والك انته زلمتي شلون تبجي عيب امسح عيونك ابوي انته
:-يمه اني نچس يمه شلون اطهر يمه تعبت تعبت تعبت
الحجيه:-درفع راسك وحاجيني شمالك ياهو لمسوي بيك هيج
:-يمه اني رحت للحرام برجلي يمه لشيطان ركبني وزنيت
الحجيه:-يبوووو صخام لصخمني تعزيت وتلطمت ولك شتحجي ولك سويفان شسويت عاين عليه ورد
:-يمه حليها اليه ماكدر بعد احس روحي تلوب مختنك ماعرف شلون ظعفت كدامها مادري ساعه شيطان والله
الحجيه:-مني هاي وشجابها عليك انت مو وليت لدوامك
:-يمه دموع دموع خنت حياة بدموع يمه نمت وياها يمه اخذت مني كلشي وتملكت على جسمي ماكدرت امنعها وبعدها
الحجيه:-الله واكبر شمالكم يمه انته لصايم لمصلي هيج شيطانك قوي واستغفر الله ولك ماتطلع من حلكي الله واكبر عليكم ولد بطني طلعو خونه ويعاشرون بلحرام ولكم مين اتلكاها انت لو ذاك لحجي مو زوجتك حور لعين وجابتلك وليد بعد شلك بهاي لساقطه وتركض وراها
:-شغل يمه
الحجيه:-بس انتو شغلكم يلم بنات شوارع كوم مني سيف اطلع بره ستغفر ربك واشطف جسمك وتعوذ بليس وصلي بلكي الله يغفرلك
:-يمه لو اسبح بمي زمزم هم ما انضف اضل طول عمري نجس .....طلعت من غرفتها بوجهي للحمام غسلت راسي وجهي وكعدت بلصاله ذبيت لستره وكفيت ردن لقميص فتحت اول لدكم خليت رجل على رجل وصافن بلفراغ ورثت جكاره وكاعد عيوني ذبلو من لنعاس شويه ونزلت حنين تفاجئت بيه سلمت عليها من بعيد ودخلت لغرفه امي مستغربه تصرفي شويه وطلعن كعدن يمي ساكتات نزلن لبنات سلمن عليه بلكوه بتسمت بوجهم عاد امي دزتهن يسوون ريوك لجو متوتر ولموضوع مو راضي يطلع من بالي صداع براسي فضيع شويه ونزلت حياة تضاحك ابنها بلعت ريكي وغمضت عيوني صار هدوء فضيع رفعت راسي شفتها متعجبه بوضعي واكفه على اخر بايه
الحجيه:-شبيج صفتني جيبي لوليد وروحي حضري لسفره ويه لبنات
:-مجاوبت هزت راسها وخلت حمودي بحضن امي وطلعت للمطبخ نداريت لمي شفت حمودي يضحك ويناغيلها بتسمت بهدوء شلت لغراض وطلعت للمطبخ شفتهن كل وحده بشغلها حياة تحضر لستكاين تقربت يمها جانت واكفه وكدامها لكاونتر وترتب بلشكر صرت وراها نزلت راسي لمستوعا جفلت شميت راسها وبستها ندارت تباوع بعيوني بتسمتلها ومسحت خدها ....طلعيلي جاي للحديقه
حياة:-ليش متريد تتريك ويانه
:-ماشتهي اكلو انتو اريد جاي
حياة:-بعيوني هسه اجيبه
:-بتسمت وطلعت للحديقه بداخل شوق الها اريد اضم راسي بحضنها واكعد مثل قبل والكه كل لصار حلم وتلاشى فزيت على صوتها بيدها صينيه جاي دنكت عليه جنت كاعد بلكاع نزل ثوبها من صدرها بتسمت وبنضره خاطفه منها سحبت لثوب ورفعته ودخلت .....الوم بنفسي وين عنها اني شلون خجلت مني ولمت ثوبها واني رجلها والي حق بيها وذيج جن ماحيه لمستحه من حياتها .....رجعت دخلت خليت لستكان علسنك وفتت مني يمهم كلها تتريك صعدت بخيبات امل بلكوه اشحط برجلي دخلت للغرفه دك تلفوني عماد
عماد:-صدك جذب متكلي وينك ظل بالي عليك
:-اني بلعماره ليضل بالكم
عماد:-لتكفرني شوداك للعماره مو دنحجي ونشتغل
:-ماكدر عماد تعبت حيل ارتاح واجيكم
عماد:-بيك شي سيف
:-كلي شنو لمابيك عماد ماكدر ماكدر تعبت اني غلطت وماكدر اعيش بعد ليش ما متت بداعش وخلصت ليش ربي خلاني وياها لعبت نفسي من كل مره ماكدر اخلي عيني بعين مرتي شكللها خنتج ويه دموع لجانت كدامج هااا لو اسكت واضل احرك بروحي لحد ما اموت فهمني شتصرف والله بحضني هيه واني اتخايلها حياة
عماد:-اسكت سيف اسكت بعد لصار صار مابيدك تسوي شي استغفر ربك وهوه يحلها روح ارتاح وطمني عليك
:-سديت لتلفون وفتحت لباب اصيح حياة تفاجئت بيها كدامي ودموعها على خدها ضليت مبهوت ماعرف شسوي جريت نفس وكعدت على لجربايه اجتي وكفت كدامي
حياة:-طلكني
:-عقدت حواجبي وسكتت بقهر
حياة:-سمعتني شكلت طلكني وريحني
:-كمت اريد احضنها دفعتني حيل كامت تصرخ وتعيط
حياة:-طلكني ماريدك لعبت نفسي منك شلون شلون بعد ينفرش طولك على طولي وانته بعدني ممكمله خله ايده على حلكي وعيونه جمر احمر عاقد حواجبه تقرب حيل عليه وكال اسكتي ماريد اسمعلج حس فاهمه
اكرهك تعرف شنو اكرهك من يوم لدخلت عليه ولحد هسه مطايقه شوفتك رجال شايب مريض ما همه بس لقتل ولنسوان انته اكبر جذاب ماريد اضل يمك انته متحس متكول هاي طفله والها حياتها لاتعرف لحب ولا لمشاعر حجاره متحس انته الف واحد يتمناني اريد اطلك واخذ ليناسبني ليحبني ويحترمني ويقدرني ويفكر بيه مو مثلك شايب عايب حجي ندار عليه باوع وعيونه ضلام ميشاف منهن شي كد لعصاب طلع
يمشى من كدامي نزل جوه بساع خابرت علي يجيني اجه لميت ملابسي وطلعت حتى ابني ما اخذته كافي صايره خدامه اله ولبنه واهله وهوه يخون براحته الف واحد يتمناني طلعت وبعد ماعرف شصار ورايه
:-طلعت لبيت وروحي بخشمي اسوق ماعرف وين رايح وكفت بنص لبساتين نزلت ازوع شكو شي بطني بلكوه اخذت لنفس اله كلت متت رجعت لفيت لسياره وللبيت وكفتها بلباب ونزلت وجوه امي وحنين مو طبيعيه .....سئلت شكو
حنين:-حياة راحت لهلها وتريد ورقه طلاكها
:-ماعرف شنو اتصرف بوقتها لا بيدي ارجعها اصلا مالي عين اكللها ارجعي بس معقوله لهل درجه كارها عيشتي حتى ابنها ماخذته زين شلون وهوه وياخذ صدرها هزيت راسي لامي وصعدت للغرفه سبحت وتمددت ورحت بسابع نومه كعدت على حنين تكعدني عزام ينتضرني جوه
نزلت سلمت عليهم هوه ومرته وبناته طلعنه للديوان
عزام:-شصاير بينك وبين مرتك لبنيه خابرتني تريد تطلك
:-انسى لموضوع عزام
عزام:-سيف وتالي وياك الى متى هيج انته ماطايل لا ارض ولا سمه
:-والله مالي حيل احجي شي خلوني براحتي تريد تطلك بعيوني بس افرغ اطلكها وخلاص
عزام:-شتحجي انته واعي لنفسك لو شنو،،شنو طلاك شنو افرغ ،،غصب عنك تروح ترجعها
:-اعرف بيها بعد مترجع لو تنطبك لسمه على لارض خلاص حياة بعد متريد عشتي وياها
عزام:-لا بكيفك ولا بكيفها غصب عنكم ترجعون وتلم ابنك وتشوف حياتك عيب اني اعلمك شوف لشيب لبشعرك وانته متعرف تحتوي مرتك
:-عاينت عليه ودنكت اكوم حجي اطلع من لموضوع وخليك بروحك اني وحياة مانتضافه بعد
عزام:-ميهمني تتصافون تتمالخوان لبنيه ترجع لبيتها ولبنها
:-اتركها للوكت خليها ترتاح والله كريم كلشي ينحل هسه اني اطلع لبغداد والله كريم
عزام:-هم بغداد ادري وتالي وياك متجوز وترتاح
:-لكتاب راح يوصل قريب وراح ارجع للشغل .....صعدت فوك دك تلفوني عماد
عماد:-الو سيف تعال بساع
:-شبيك يول شويه واطلع من لبيت شصاير
عماد:-اطلع هسه لتكفرني اطلع بساع
:-يول احجي شبيك خالد بي شي
عماد:-دموع
:-شبيها صخمانه شبيها
عماد:-ماتت
:-شنوووووووو
عماد:-طلعت للطارمه واجتها طلقه براسها
:-تحجي صدك ولك شتخربط انته وينكم هسه
عماد:-بلبيت احنه منعرف شنسوي هاي بلمطبخ خلينها تعال بسرعه ليجي احد ويشوف لدمايه بلبيت خالد راح ياخبل
:-جاي جاي انتبه على خالد وقفل لبيت عليكم وطفي لاضويه لبره ولداخل ،،،سديته اخذت لسويج وطلعت بوجهي لبغداد.......يتبع

🍂🍂🍂🍂🍂🍂🍂
الى هنا تنتهي مسيره دموع الله يرحمها ويغفر الها

مليان خيانه مليان

توقعاتكم لوضع سيف وحياة؟

برداً وسلاماً على العراق
انتفاضه المضلوم على الضالم

           قريباًاًاًاًاًاًاًاً.......