اسياد العراق

بارت٣٦

#اسياد#العراق

مثلك عندي كون هووواي
چا بليل ما اسهر
ما اسهر واكول فلان ليش يكصني من افتر
وهو خصم الكلام وياك احبك چي لكيتك ترف ومعتبر
.......................
حياة:-
صار نقاش حاد بيني وبينه هوه يحجي واني احجي دخل علي وعزام وعمتي على صوتنه علي جرني وعزام يسكت بسيف وهوه تخبل يصيح اخر شي كتله ...هوه اني اشفت من حياتي اشو تزوجنه ورحت انذار واجيت بليله وحده ورجعت واخذوك داعش ورجعت ابني بحضني ولباقي كضيته طلعات وسفرات ودازني لهلي زعلانه هيه هاي هم حياه عايشتها ارحمني وطلكني وخليني اعيش حياتي واتنفس ارحمني ارحمني
:-تردين الرحمه مني ولج لعد اني شنو حجاره مو بشر ولج شكبرني وشكدني وماعرفت شلون اعاملج كل ما اجيج تفلتين دروحي دنعل لساعه لتزوجتج بيها روحي حياة وعيشي حياتج بس اطلع من لمستشفى ورقه طلاكج توصلج روحي وشوفي لراحه ولرحمه من غيري الله ومحمد وياج درب الصد لا رد
حياة:-عيوني عليه وجها احمر ويحجي بحركه كلب دموعه برقت بعينه بس يكابر ما نزلت دمع عزام وملص لكانوله من ايده وخله لدم ينضح منها وراد يكوم فترت لدنيه بي وكع علسديه ركضوله كلهم يصحون بي علي دفعني لان جنت واكفه كدام لباب وخرني وطلع يصيح لطبيب لو احد يجي يشوفه
اجه لدكتور ولممرضين طلعونه خارج لغرفه ومدري شسوله كتله علي رجعني بعد ماتحمل وهوه هم عصب مني ولطريق كله يرزل بيه واني بغير عالم عايشه راح ابني وراحت امي وهسه راح رجلي محد بقالي المن اعيش والمن اتنفس واتحرر مو هاذا لاريده مو اريد اطلك ويتركني بحالي لعد شبيه اجيت اموت من تخربط
..
وصلنه للبيت ودخل علي يدرم عليه ابويه سئله شبيك نوب هاذا خاف ما رزلني زين هناك اجه كملها عليه وابويه طبك وياه على ابو لساني ما الزمه ولرجال تعبان وهوه بيا حال عفتهم ودخلت للغرفه جانت لساعه متاخره حيل لفيت راسي ونمت بساع كعدت على علي يندهني اسوي ريوك لبويه وهوه طالع للمستشفى ردت اسئله شلون صار بس شفت شكله عصبي سكتت وكمت تريكنه ابويه كال سوي ريوك للعمال سويت واجوي تريكو بلستقال وطلعو يمكلون شغلهم
...
للضهر واكفه اطبخ لغده للعمال اجه احمد سلم على ابويه وجايب جنط وغراض كومه شويه وراح صاحني ابويه طلعت كال ياخذي غراضج سيف دازهن بيد احمد سكت ورجع كال مووهاذا لتردينه وهسه ارتاحي اخذيهن وضميهن
ماعرف اوصف شعوري
ابجي لو اضحك لو الطم لو اطلع لو لولو
شحطت لجنط اني وفراس فتحتهن مامخلين شي مجايبينه كلشي ملابسي صيفي شتوي ومكياجي وعطوري كلشي حتى لخاولي ولشامبو ولذهب ولفلوس ولصور مسحوبات من لتلفون كلشي خاليه بجنط ودازينه كابلتهن وكعدت ابجي. صاحني ابويه اشوف لاكل كمت غسلت وكملته بملل صبيتلهم ودخلت للغرفه ماريد اكل
وره لضهر تقريباً ب ٤سمعت صوت رمي طلعت لبويه كتله شكو كال رجع سيف للبيت وصدقانه مسويله عشه لسلامته
هزيت راسي ورحت
كعدت كدام لشباك لعمال تشتغل يسوون سياج داير لبيت حتى محد يشوفنه لان بيتنه مكشوف بيوت عرب بعد ستغفرت ربي راح تصير خنكه بلزايد
..
اجه علي بدل وكشخ هوه وابويه واني اباوع عليهم فراس يريد يروح وابويه ميقبل لا اضل وحدي كتله اخذه بس وين رايحين كال سيف عزمنه على لعشه كتلهم وانتو رايحين كالو اي طبعاً نروح يعني تصيرون وياه ضدي لمفروض هسه سلام متسلمون عليه ليش هيج ويايه