اسياد العراق

بارت٥

#اسياد #العراق
عيشته شنهي ليفارگله عزيز
وليل كله بلايه هوه
"""""""

-كملي دموع

-اخذوني لسوق وجان اكو بنات واكفات منقبات معرف شكولهم
بعدين دخلوني لخيمه بيها بنات بعمري
-منقبات لو مثلج؟؟احاجيها وعيوني بلكتاب نقلي للموصل

-شنو قصدك بمثلي؟رف كلبي من كال موصل اخ يامحافضتي وروحي شصاير بيج هسه اهلي ناسي كرايبي
-صدمتني من جاوبت درت وجهي ليها ورفعت تك حاجب لتجاوبين بسؤال
-اي ما اجاوبك بسؤال بس لتحجي عليه بهلطريقه حضره الرائد سيف
-اوزني كلامك وعرفي ويه منو تحجين فاهمه
-اني اعرف كلامي كلش زين ولبالك غلط عموووو
-اولاً مابالي شي وثانياً كلامج كله غلط واني مووعمو فاهمه كولي سيدي
-اني اريد ارجع خاله خلي نرجع للبيت
-مو بكيفج ترجعين بعدني ممخلص كلامي وتفضلي اكعدي بمجانج واسئل وتجاوبن وماريد كلمه زايده مفارغلج ورايه روحه للموصل
ام مصطفى اخذي لحجي وطلعو
-لا خليهم
-لا يطلعون ام مصطفى شحجيت مهتميت لكلامها ولا راح اهتم
بعد ما طلعو هيه كاعده ع لتخم واني مقابيلها ع مكتبي وكدام لمكتب طبله جبيره وتخم كدام لطبله كمت الها وكعدت ع لطبله مقابيلها صارت ركبه رجلي مقابيل ركبه رجلها
-اي دموع سولفيلي وبعدين شصار داخل لخيمه
-اااا اخذوني لرجال جبير وكتب اسمي وعمري بسجل وبعدين اخذوني بره واجه رجال بعمرك ونفس شكلك
-احجي عدل ولتشبهيني بهيج حيوانات
-ها هسه صارو حيوانات وانته من كاعد كبالي واطخ برجلي شنو فرقك عنهم
-اهنا دخن راسي هاي شتخربط شتحجي اني شنو همه شنو
لج احجي ويايه عدل شلون تقارنيني بيهم ولج اني وزلمي بنص لموت حته ندافع عنجن وطلعناجن من سجنهم ولج اني لو مثلهم جان ....اخ منك لساني ماريد احجي كلام صدك يقهرج خليني محترمج وساكت ومره الف اكلج وزني حجايتج
-كملي دشوف تاليتها وياج
-من اجه لرجال وباوع عليه وراح للخيمه وره شويه طلع
-من باوع عليج جنتي مفرعه لو لمنقبه ؟
-لامفرعه
-هااا يعني كلها تعاين عليج مو وانتي مزوكه وتتمخترين كدامهم موووو
-واني شبيدي اسوي غير مجبوره
-لتكليلي مجبوره محد ينجبر انتي مو عند اهلج ويجبروج انتي عد داعش تعرفين يعني شنو ولج يكدرون بنص لشارع يغتصبوج كلهم ولا يرفلهم جفن
-متحملت كلامه سديت اذاناتي وظليت ابجي شلون يكدر يحجي ويايه بهلطريقه ما فكر بمشاعري مكافي عليه لشفته واجه هاذا لعقده كملها عليه
-اخذت نفس استغفرالله    يلا يابه مسحي دموعج وشربي هاذا لمي مديت ايدي انطيها لمي
-رفعت لنقاب حته اشرب لمي اخذت لبطل بدون ما اباوع عليه شو هاذا ماينطي لبطل اجر بالبطل ميهده يااا هاذا شبي كلته عمووو لمي اريد اشرب
-ها اي عمو هاج هاج تفضلي   اخ يابه هاي شنو من بلوه بلحضه من رفعت لنقاب وشفت شكلها احس نغزه بكلبي جن عشكتها!!
-شبي هاذا صفن ياربي خلصني من هلعذاب
-اي كملي وبعدين من طلع شصار ؟
-طلع ودز عليه بنيه بعمر خالتي
-واني اعرف خالتج حته اعرف عمر لبنيه
-خالتي بدايه لثلاثين
-اي كملي
-اخذتني ورحنه مسافه ودخلنه لبيت صغير باب واحد ومرر صغير وضيق وبعدين مطبخ وراه صاله وعله صفحه حمام وتواليت سويه وبعدين غرفه نوم
-اي ولصحيات بنص لصاله صايرات لو عصفحه اكلج فدمره كليلي الاثاث شلونه اني دا سئلج لرجال ليش اخذج ماريد تصمام لبيت يلمقاوله
-مدري اضحك مدري اضوج يلا هيه بقت ع هاذا   ماعرف هوه جابني للبيت وطلع ولبنيه نطتني ملابس وكالت خلي نسوي اكل لابو قتيبه اول مدخلت ابدل سمعت صوت نفجار طلعت للبنيه صافنه مثلي مدري شكو
بعدين ندك لباب وطلعت لبنيه كللها ابو قتيبه استشهد ظلت تبجي وتصرخ وره شويه سكتت وطلعت بعد ماعرف شصار
-لعد شلون اجيتي بلقافله وياهن ؟
-من طلعت من لبيت لان ضليت وحدي واني اخاف
-ها تخافين تضلين وحدج بس ما اخفتي من طلعتي للشارع وكله دواعش رفعتلها حاجبي معناها مامقتنع بيها
-هسه انته تحاسبني لو تعرف شلون اجيت وانته شعليك بيه خلصتني من داعش الف رحمه ع اهلك ومشكور رخليني اطلع لان ضوجتني
-لحضه لحضه انتي تعرفين شتحجين ولج بابا انتي بايعه روحج لداعش يعني هسه انتي منهم ولازم تتحاسبين مثلهم وعليج محكمه
-اني مو داعشيه ولا منظمه لداعش اني اشرف منكم ومن امثالكم عساس دا تحمونه وكل شويه مدخلك وحده هنا بحجه تساعدها وتاخذلك غير درب مووو يا حضره الرائد
-كلامها صدمني لج بابا اتني شتحجين شهل تمضرط هاذا شو انتي متحترمين يادرب يا راحه ولج اني رايح للموت حته اطلع اهلج واساعدج واوفرلج لامان ومكان تعيشون بي
-اذا صدك تريدني اعيش بامان اخذني للموصل الله يخليك عمو بلكي الكه اهلي شتريد انطيك بس وصلني لهلي
-يابه وين اخذج ولج لموصل نار ماتنطب شتحجين ابويه كعدي ويه ام مصطفى هنا ارحملج اصبريلي بين ما ارجع اشوفلكم مكان بلمخيم وائمن عليجن
-لا لا والله لو اكتل روحي لو ترجعني بلموصل احلفك بكل عزيز عليك احلفك بام البنين  تاخذني وياك للموصل
-ام البنين   ستغربت من حلفت   انتي شيعيه؟
-لا اني سنيه بس عرفتك شيعي وحلفتلك لان انتو لشيعه تحبون لحلفان
-اول شي ماكو شي اسمه شيعه وسنه احنه كلنه اسلام وثانياً احنه من نحلف مو لان نريد احد يصدكنه لا بس لان معزت اهل لبيت جبيره عدنه ونحلف بيهم وشلون عرفتي بيه اني شيعي
-من كلامك مبين محافضات
-شنو قصدج بلمحافضات ليش انتي جايه من بعاصمه
-مقصدي شي وهسه تاخذني لو انتحر
-هاج هاذا مسدس ونتحري يلا سحبت اقسام ونطيتها لسلاح
-صفنت بوجه من نطاني لسلاح بله هاذا صدك يحجي لا عمو مشكور ماريده اريد ارجع للبيت وين ام مصطفى
-ولو عندي اسئله هواي بس يلا خليها غير مره
-ليش راح نلتقي بعد
-اكيد
-بااي
-دموع ...
-ها
-خلي بالج ع نفسج
-تعجبت من كلامه يوصيني ع نفسي كتله ان شاء الله عمو
طلعت لام مصطفى بساع اخذتني للبيت
دخلت للغرفه ماعدنه لا شغل ولا عمل بس نصفن لو نبجي مصطرنه مجهول
-اني دموع من لموصل نولدت بغداد وبعدين طلعنه للموصل ابويه ميت من اني وصغيره عندي اخ واحد ومتزوج وعنده ولد وامي شمعه حياتي امي انسانه فقيره الى درجه مالها صوت ع كد نياتها امي اصلها موصليه عمري ٢٣سنه ما متزوجه لان محد شايفني بحكم اني حلوه واجيب لعين حته مدرسه مبطله منها كل ما افاتح اهلي ع لمدرسه يكولون انتي حلوه ومتكدرين ادبريها واخوج مفارغلج يوصلج يوميه احس شكلي عادي بس لناس عدهم فائقه الجمال طولي ١٦٠وزني ٦٠ جسمي مرتب صاحبه معالم انوثه عاليه من صدر وخصر وخلفيه عاليه اني مريضه بلبهاق لدرجه جسمي بياضه فاقع يعني مبالغ بي بس مابي بقع سود بس ابيض وحساس كولش من اي شي اتحسس وهاذا لشي كلش يحرجني عيوني خضر حشيشي و حواجبي مرسومه سود وشعري قصير لنص ضهري واسود كيرلي حيل عندي شامه جوه حنجي لونها اخضر ع اسود هاي مميزه بوجهي حيل لايكتلي احب البس مخصر وضيك واحب لمكياج كولش اربع وعشرين ساعه متكحله واعلج 
هاي حياتي بس تغيرت بدخول غرابيب سود لموطني ...