Tenses of Love (Tennis Knights #9)

Kabanata 29

Kabanata 29

"HEY, RENZ, puwedeng magtanong?"

"Nagtanong ka na."

Napasimangot na lamang si Allie sa sagot na iyon ni Enzo. Huminto siya sa pagre-research sa laptop at binalingan si Enzo. Nakaupo ito sa sahig at nakasandal sa may kama niya. Sa kamay nito ay ang libro niya.

"Ano na nga?"

"Tsk."

Senyales iyon ni Enzo na magtanong na si Allie pero bigla siyang nag-alangan. "K-kailan mo nalaman na..." Nakagat ni Allie ang ibabang labi. "Never mind."

Nang magtama ang paningin nina Allie at Enzo ay kaagad na na-guilty si Allie. Bakit ba in-open pa niya ang issue na 'to? Nabura ang magandang mood ni Enzo. His eyes hardened; it was as if she was looking at a stone.

"I-I'm sorry," mahinang aniya saka napayuko.

Narinig niya ang pagbuntong-hininga ni Enzo. "Five years ago. Nang gr-um-aduate ako ng high school, hindi sadyang narinig kong nag-uusap ang adoptive parents ko. Pinagtatalunan nila kung dapat ba nilang sabihin sa 'kin ang totoo na ampon ako."

Parang may pumisil sa puso ni Allie habang nakikinig kay Enzo. His voice was so bland it was as if he did not have a care in the world; as if knowing he was adopted did not bother him at all.

Lumipat ng puwesto si Allie at umupo sa tabi ni Enzo. She has no words for him. Ang tanging maibibigay niya kay Enzo ay lakas sa pamamagitan nang pananatili sa tabi nito. Ginagap ni Allie ang palad ni Enzo at marahan iyong pinisil. Emptiness was in Enzo's eyes and she wanted to erase that.

"Sa huli, napagpasyahan nilang huwag sabihin sa akin ang totoo. Hindi ko na rin sinabi sa kanila na alam ko na ang tungkol doon. Napuno ako ng galit, Allie. Napuno ako ng galit, poot, at kung anu-ano pang negatibong emosyon. Lumayo ako sa 'yo nang panahong iyon dahil ayokong madamay ka. I'm not proud of what I had become. I don't want you to see me like that." Binalingan ni Enzo si Allie at isang mapait na ngiti ang lumabas sa mga labi nito. Iniangat ni Enzo ang isang palad at masuyong hinaplos ang pisngi ni Allie. "Seeing the lightness in you, I could not bear taint it with my darkness."

Darkness, huh.

"Sinubukan mo bang hanapin sila? Ang mga tunay mong magulang?" tanong ni Allie. Hindi sumagot si Enzo. "Bakit hindi mo subukan—"

Marahas na binitawan ni Enzo ang palad ni Allie. Napasinghap siya nang makita ang emosyon sa mga mata nito: galit.

"Stop it, Allie," mariing anito. He was gritting his teeth as if he was trying to suppress the rage he was feeling.

"Renz—"

"I said stop it! Ayokong makilala ang mga taong itinapon lang ako!"

Napapiksi si Allie at bahagyang napalayo kay Enzo nang marinig ang galit sa tinig nito. Ito ang unang beses na narinig niya ang ganitong klaseng emosyon mula kay Enzo. And his eyes... they were piercing her heart. His eyes were stone-cold but has some deep rage in them.

This wasn't her Enzo.

"I'm s-sorry," mahinang anas niya saka napahugot ng hangin.

Padarag na tumayo si Enzo. Eksaktong nasa may pinto na ito nang sabihin nito sa mahinang tinig ang, "Sorry." Pagkasabi niyon ay lumabas na ito ng silid niya na hindi man lamang siya nililingon.

Napapikit si Allie nang mariin. Kaya ba niyang tulungang alisin ang pait at sakit sa puso ni Enzo?

"Alam na pala niya ang tungkol doon," anang tinig mula sa pinto ng silid ni Allie.

Pinahid ni Allie ang mga luhang hindi niya namalayang dumaloy sa kanyang mga pisngi. Binalingan niya si Tita Lily na siyang pumasok sa kanyang silid. Ginaya nito ang puwesto niya at umupo sa kanyang tabi. Nakita niya ang lungkot at pagsisisi sa mga mata nito.

"Narinig ko ang pag-uusap ninyo ni Enzo, Allie. Bago siya makalabas ay nagtago ako upang hindi niya ako makita. Hindi ko alam... hindi ko alam na dahil sa paglilihim namin ng katotohanan ay nasasaktan na pala si Enzo. Kasalanan ko ang lahat ng ito. Kung pumayag lang sana akong sabihin sa kanya ang totoo, siguro'y naiwasan na masaktan siya," ani Tita Lily sa tinig na puno ng pighati.

"Wala ka pong kasalanan, Tita Lily," aniya. "Minahal mo po si Enzo na parang tunay mong anak."

"And it's not enough for him," mahinang ani Tita Lily. "It was ironic. Pinahanap namin noon ang tunay na magulang ni Enzo para kapag lumaki na si Enzo at nalaman ang totoo, maaari naming ibigay ang piraso na iyon ng buhay niya. Nang dahil doon, lalo lamang siyang nasaktan."

Allie could feel the pain coming from Tita Lily. Papaano ba niya matutulungan ang pamilyang kumupkop sa kanya?