له الج ....
نورهان ... لا عادي كلامج صحيح اصلا ماكو داعي الاعتذار ....
اني جنت عايشة ويه اهلي بتركيا ... ماما من اصل تركي وبابا عراقي .... بيوم اجه لتركيا وشاف امي وحبها وامي هم حبته وراد يزوجون بس اهل امي رفضوا لان مو تركي من غير جنسية ......
ف امي اصرت و وكفت كدام اهلها واخذته غصب عنهم .......وبابا اشترالها بيت كبير وحلوو وكعدها بي ... وبمرور الوقت اهل امي كاموا يترددون عليهم ولحد ما كعدوا ابيت ابوية لانهم فقراء وحالتهم تعبانه ...
طبعا بابا رحب بيهم لان امي تبقه وحدها من هوه يرجع للعراق .... ف خلاهم يعيشون ويه ماما .....
وراها ماما حملت بيه وحملها صعب جان ... وبيوم ولادتي اتوفت امي 😔
سلطان ... الله يرحمها
عبير .... اوووي حبيبتي ربي يرحمها ويجعل مثواها الجنة ....
نورهان ... اشكركم ويرحم امواتكم .....
وبعدين اهل امي ربوني ومرت السنين وبابا يجي كل وكت يشوفني وينطي فلوس لاهل امي حتى يصرفون عليه لحد مابلغت سن ال6 سنوات دخلني مدرسة عربية حتى اتقن اللغة الام باعتباري عربية الاصل ......وبابا دائما يحجي ويايه لحد ماتعلمت اللهجة العراقية ....
وراها اخر جيه من بلغت عمر 16 راد يبيع البيت وياخذني ويا للعراق لان يريدني يمه بس اهل امي رفضوا ومقبلوا ينطوني اله لان اني من ريحة بنتهم الوحيدة ....
صارت مشاكل بينهم ...بس بابا ماعرف شصار بي اتمرض ومرضه غامض محد عرف شبي ..... واجانه خبر من اهله هم اتوفه .... اني اتخبلت حييل انصدمت لان ابوية جان حنين عليه ويحبني ....
واني هم جنت احبه هواي .... بس هذا قضاء الله وقدرة منكدر نتحكم بي ....
وبيوم اجوي اهل ابوية ... جانوا هيبة ويخوفون ع حسب معرفتي الرجال الكبير جان جدي والباقي عمامي 2 اجوي حتى ياخذوني لان اعتبر اني لحمهم ودمهم .....
رادوا يقدمون شكوه بالمحكمة الي هناك بس اهل امي خافوا من هل سالفه مال الشرطة والحكومة ....
رأسا اتنازلوا عني .... وباعوا بيت ابوية واهل امي رجعوا لبيتهم الصغير وحقدوا ع اهل ابوية ........
اخذوني اهل ابوية واجيت للعراق .... وخلوني ببيت ويه مراة ماعرفها منو كالوا مؤقت بين مايحلون المسئلة ويه زوجة ابوية الي هنا ....
لان مجانت تدري ابوية الي هوه زوجها مزوج عليها مراة بتركيا .......
وراها شافني ابن عمي واتخبل اله يزوجني .... اني مقبلت وجدي كال هذا ابن عمج وغصب عنج تاخذي ....
اني خفت متحملت الي ديسووا بيه يجبروني اتزوج انسان ماريده ولا احبه .....
انهزمت من البيت وهاي صارلي اسبوع افتر بالشوارع وانام ببيت هيكل مبني ع النص ...
وداتعرض للحرشة من هل وحوش الي بالشوارع ....
لحد ما انت نقذتني ودخلتني بيتكم 😟 ...
سلطان ... والله سالفتج عجيبة ...زين اهلج مدوروا عليج مكالوا وين هجيتي من انهزمتي .....
نورهان .. اكيد هسه كالبين الدنيا عليه ... واني اخاف ارجع ليذبوحني 😭😭
سلطان ... لا لتخافين اني بيدي اوديج الهم واحجي وياهم واخليهم ينطوج الامان ....
نورهان .. واذا ذبحوني 😟
سلطان .. كتلج لتخافين اخذيها من هل شارب اوديج واخليهم يوعدوني كدامج ميتقربولج .....
نورهان ...شوكت توديني ..
سلطان .. هسه ارتاحي يومين يمنه ويصير خير زين مكلتيلي وين ساكنين بيت جدج حتى اروحلهم ...
بهل اثناء دخلت مرت ابوية وكالت .. هاي منو البنية الحلوة العدنه 🤔
اعرفكم بنفسي اسمي سعاد زوجة ابو سلطان وعندي ولد منه اسمه سجاد ..... عمري 45 سنة ....
سلطان ... هلا يمه هاي بنية خطية جانت بره واحتاجت مساعدتنه وساعدناها راح تبقه كم يوم يمنه لحد مارجعها لاهلها ..وكعدنه سولفنه قصتها كلها لمرت ابوية .
سعاد ...اهاا خطية ياعيني عليج حبيبتي .. هلا بيج تعالي داسويلج ريوك حتى تاكلين امبين عليج جوعانه ...
نورهان ... اشكرج خاله حبيبتي ... والله انتوا ناس طيبين مشفت مثلكم ونعم من اصلكم ....
عبير ... تدللين حبيبتي ....
ديله اني اتأخرت ع محاظراتي سلطان كوم وصلني ...
سلطان ... اوك يله .. يمه ديري بالج ع ضيفتنه ماشي ؟
سعاد .. تدلل وليدي بعيوني
نورهان ... حسيت بالامان يم هذولي الناس شكد حبابين ☺ ...
امهم مادري مرت ابوهم هم حبابه سوتلي اكل جنت ميته من الجووع اكلت بدون وعي ....
كملت وشكرتها ....
كلتلي اذا تريدين تنامين حتى اوديج لغرفة عدنه مال ضيوف جاهزة ..
كتلها والله تسوين عليه فضل صارلي اسبوع انام ع الكاع جسمي اتكسر 😔
سعاد .. اوي حبيبتي ياعيني تعالي يله صعدي ورايه ..
نورهان ... تسلميلي خالة جايه 😘..صعدت وره ام سجاد ودتني لغرفة الضيوف .. وكلتلي هاج هاي بطانية ومخدة وهسه اشغلج التدفئة اخاف تبردين لان غاسلة انتي ..
كتلها اشكرج سويت زحمة عليج .. طلعت المراة وبقيت وحدي بالغرفة الجو جان مرعب صوت الرعيد يخرع كولساع افز من مكاني تالي اتمددت وغطيت راسي ونمت من خوفي
سلطان ... بعد ما وصلت عبير للكلية رحت لشغلي وبقيت فكري شارد بسالفة هاي البنية واكثر شي شدني الها جمالها يخلي الواحد يصفن ...
جنت شارد البال وماحس
