ع سيارة دكتلي هورن فزيت ردت اندعم رأساً لزمت بريك و وكفت .... خررررب شبيه اني اشو اتسودنت ...
كملت طريقي و وصلت لشغلي ... طبعا عدنه معمل مال كاشي قريب ع الشركة ولزمت معمل ابوية وابني بيوت وعمارات وابيعهن وشغلنه ماشي الحمدلله ......
والظهر رجعت للبيت ....
طبيت سئلت مرت ابوية وين البنية ...
سعاد ... خطية صعدت نامت .... خليتها بغرفة الضيوف تنام بين ماترجعها لاهلها ....
سلطان .. عاشت ايدج يمه سجودي وين لعد
سعاد .. بالمدرسة مجاي بعده وعبير هم شو اتأخرت ....ابوك ع جيه حتى نتغده سوه دك عليها شوفها وين ...
رايحه للمطبخ اني اشوف الاكل ...
سلطان ... ماشي هسه اشوفها ...
دكيت ع عبير كالت وصلت سده هسه حطب ....
اني صعدت لغرفتي ردت اطب وجان اسمع حس مثل الواحد الي مخنوك وديريد يصيح وميكدر ....
ركضت ع غرفة الضيوف اتسنطت جانت نورهان دتتلوه عبالك .... بس مكدرت افتح الباب مترهم سمعت صوت عبير صحتلها تعالي عالسريع ... اجتي ركض كتلها طبي ع نورهان شوفيها شبيها عبالك مخنوكه ودتصيح .....
ركضت عبير ع غرفة الضيوف ورحت وراها طبيت رأساً ... وجان اشوف ظل اسود امدد فوك نورهان 😳 ....
لا يالله شداشوف اني وجان راساً يختفي اول ماطبينه ......انصدمت كلت لعبير شفتي الي شفته اني
عبير ... لا ليش شنو شفت انت
سلطان ... 😕 معقولة ديتهيئلي شنو السالفه شبية يالله اليوم 😣 ..
اتقربت عليها جان تفتح عينها ع وسعهن خرعتني وجان تتنفس بكل قوتها مثل الواحد الغركان بالمي وطلع بره ...
سندتها وكعدتها كتلها اسم الله شبيج اخاف حلمانه بكابوس .....
نورهان ... خفت احجي البيه لا يخافون مني ويطردوني بره بيتهم بعد مالكيت الامان يمهم اووووف 😔 ..
كتلهم يمكن جان حلم وفزيت منه حسيت نفسي مخنوكه ...
سلطان ... دكومي غسلي وجهج ونزلي حتى نتغدة ويه الاهل .
عبير .... ديله اني رايحه لغرفتي ابدل ملابسي ...
نورهان ... ان شاءالله روحوا انتوا وهسه نازلة وراكم ...
من نزل سلطان خفت لايكون شاف شي الله يستر بس ....رحت للحمام وغسلت ورحت لغرفة الطعام سلمت وردوا عليه السلام شفت ابوهم .. طبعا سلطان نفس شخصية ابو هيبة ورزانه وثگل .... كلي هلا بنتي ان شاءالله مرتاحه يمنه سلطان حجالي عنج وعن سالفتج ....
نورهان ... هلا بيك عمو ... الحمدلله مرتاحه وماشفت اطيب ولا احن منكم ....
وان شاءالله اكدر ارجع لاهلي بدون ما ايئذوني ..
ابو سلطان... لا بنيتي ان شاءالله ميأذوج لتخافين احنه نروح وياج ونسلمج الهم ونحجي وياهم تدللين ...
نورهان .. اشكرك عمو سويت عليكم زحمة
ابو سلطان ... لا رحمة ان شاءالله ... يله مدوا ايدكم اتغدوا بسم الله
سجاد .. همزين انتي جيتي ودخلتي لبيتنه حتى الكه واحد يلعب ويايه بالبلي 😁
اعرفكم بنفسي اسمي سجاد عمري 15 سنة طولي 160 رشيق وشعري اسود وبشرتي سمره طالع ع امي ههههه
نورهان .. ههههه تدلل اصلا اني لاعبه ماهرة باللعبة البلي واي لعبة تعجبك اختمها الك شتريد بعد
سجاد .. هلا هلا الله ليعوزني عليكم عبير وسلطان جنت احفه لحد ماواحد بيهم يقبل يلعب وياية طوبة
سلطان .. ولك اثكل يول شوكت تكبر وتصير زلمة متكولي
سجاد .. وقابل شسويت هسه اني
ابو سلطان .. كافي عاد سجاد سد حلكك نعمة الله كبالك
سلطان .. يمه تره ضيفتنه مكاعد اتمد ايدها ع الاكل تستحي تاكل صبيلها بيدج
سعاد ..يا سودة بوجهي منتبهت والله جيبي ماعونج حبيبتي داصبلج تمن ودجاج ...
نورهان ... نطيتها الماعون وصبتلي الاكل جان كوولش طيب كتلها عاشت ايدج خالة نفسج بالطبخ يجنن ..
سعاد ... هههه الف عافية حبيبتي
سجاد .. بابا اليوم اخذت النتائج يعني بحبح جيبك اريد تحفيز وتشجيع هههههه ...
ابو سلطان ... اي تدلل شطلعت بله
سجاد ... طلعت الاول اكييد قابل اكدر اطلع غير شي وعندي اختي حبيبتي اتدرسني وتتعب ويايه 😘😘
عبير ... ههههه فدييت اخوية الشاطر ... الي ميضيع تعب اخته ... تدلل اني هم حنطيك حوافز شتريد بعد ...
كلنه ضحكنه وكملنه الغدة وساعدت ام سجاد بشيلة السفرة ....
لان عبير خطية تعبانه راحت نامت ...
نورهان ... خالة عوفيهن اني اغسل المواعين ..
سعاد ... لا حبيبة روحي ارتاحي اني اغسلهن متعوده شغلي هذا .....
نورهان ... كوه وخرتها و وكفت اغسل المواعين ..
هيه راحت اتصب جاي لسلطان وابو ...
سلطان .. جنت عطشان مي كمت رحت للمطبخ حتى اشرب .....
وجان اشوف نورهان دايره ضهرها ع المغسلة ودتغسل المواعين ......
عيني وكعت ع جسمها وصفنت كلت هل بنية شناقصها ياربي سبحان الي خلقها وكملها .....بعدين كلت احم حتى تنتبه اني موجود ....
دارت وجها كالت اتريد شي كتلها لا بس اجيت اشرب مي من البراد ...
شربت مي وصعدت لغرفتي اتمددت ع جربايتي فتحت الفيس شوية بقيت اكلب بي وجان اطفي الجهاز نمت ....
كعدت العصر نزلت جوه شفت امي سعاد دتحظر كيك وجاي .....
سئلتها وين الجماعة لعد ...
كالت بالحديقه كاعدين ....
روح اكعد وياهم هسه حجيب العصرونية واجي ...
سلطان ... ماشي اني راح
❤️❤️❤️
ممكن نجمة
