#نورهان_والظل_المظلم
قۣۗـۙصۣۗـۙصٍ 📖ۆبۣۗـۙسۣۗ 💯
#بارت2
سلطان .. رحت للمطبخ داشرب مي وجان اسمع صوت طفل يصيح ماما 😳 ..
لايالله منو هذا احنه ماعدنه طفل سجاد شكبره هل صوت منو ...
كلت يجوز من التعب ديتهيئلي ...
فتحت باب الثلاجة شربت مي وسديت الباب رجع الصوت اتكرر يصيح ماما ... بس هل مره جان واضح .. لا مستحيل تهيئات هذا صوت طفل ابيتنه منو ....حتى الصوت عبالك طالع من جوه الثلاجة 😕 ...
طبعا فتحت الثلاجة وادري هل تصرف مال مجانين بس شسوي شي مينعقل ... لاكن مالكيت شي رجعت سديت باب الثلاجة .....شبية اخرفيت اني
انوب الصوت شوية يضحك شوية يبجي بس اكثر شي جان يصيح ماما ....
خرررب حظي شديصير بيه شنو السالفه ...بهل اثناء وجان تنطفي الكهرباء البيت صار اظلم هندس مكمت اشوف شي كدامي بقيت اتلمس
لحد ماطلعت من المطبخ جان اشتم بالبيت ريحة مطيبة ريحة جانت لاتطاق ...
مثل ريحة مجاري "يكرم القارئ" .....
اول مرة اشتمها ...
تعرفون الريحة المقززة من تصير قوية تدوخ ...
اني هيج صار بيه .... حسيت بدوخه و واتسندت ع الحايط وكمت امشي وحطيت ايدي ع خشمي ...
اتمشيت وايدي ع الحايط وجان احس ايد تلمس ايدي 😳 ..
ياستار منو هذا شغلت لايت التلفون داشوف منو.... باوعت ماكو احد بس اني موجود ....
اعوذ بالله من الشيطان الرجيم شنو هذا الي ديصير ويايه شي مينعقل لو اسولفه لاهلي يضحكون عليه ويكولون عني مجنون .....صعدت لغرفتي شفت ضوه غرفة الضيوف معلوكه وشفت ظل من جوه الباب يروح ويجي معقولة نورهان كاعدة ليهسه 🤔 ...
مكدرت ادك الباب عليها هسه شتكول عليه شعنده داك الباب بهل وكت فشله مترهم ...
طبيت لغرفتي ونزعت ملابسي وتمددت ع الجرباية وبقيت افكر بالي سمعته وحسيت بي ....
تالي من التعب نمت ومحسيت ع نفسي ....
نورهان ....صبحنه يوم جمعه والكل بالبيت مجتمعين ماعدهم لا دوام ولا شغل وملتمين ع الريوك ...
حلووة حياتهم الله يسعدهم ..
سلطان ... البارحة جيت بالليل شفت ضوه الغرفة مال الضيوف مشتغل جنتي كاعدة نورهان ....
نورهان ... ها ! ..لا اني عفته مشتغل لان خفت انام بالظلمة 😞
سلطان .. اتخبلت من سمعتها كالت لا ... لعد منو هذا الي جان يفتر بالغرفة بالليل ويروح ويجي ....
اني شفت بعيني ظل شخص من جوه الباب امبين واضح ...
ياربي سترك شديصير بالبيت ...
كتلها اهاا عبالي كاعدة ههههه لان اني اذا مو ضلمة ماعرف انام ....
نورهان ... ههههه اي صحيح اغلب العالم هيج بس اني اخاف من الضلمة شسوي اضطر اشغل ضوة حتى اكدر انام ....
سلطان ... والله مسكينه هل بنية اذا اني رجال البارحة اتصركعت من الي شفته وسمعته ....
كيف هيه بنت صغيرة ووحدها بالغرفة نايمة ... معقولة هم دتشوف وتسمع مثلي 🤔 والله مادري ...
كملت ريوكي وكعدت بالصالة علكت التلفزيون جان طالع برنامج صباح الخير ياعرب ع ام بي سي ....
اجتي امي دتنظف بالغراض مال المعرض وجان تجي نورهان كلتلها جيبي خالة اني امسحهن انتي روحي كملي طبخج ....
كلتلها تسلمين حبيبتي والله دتعبين ويايه هواي ولازم انتي تكعدين ميصير هيج ....
كلتلها لا خالة اني ماحب الكعدة حتى بيتنه جنت اشتغل لبيبي ومرت خالو ....
عاد امي راحت للمطبخ وبقت نورهان تمسح الغراض واني عيني بقت تلاحقها وعفت البرنامج والي سوا البرنامج .....
المعرض مالتنه ضخم وعالي مكدرت اتنوش الرف العالي .... اني ضحكت عليها ...
كتلها اساعدج
نورهان ... ههههه لالالا هسه اصعد ع الطاولة وامسحهن اشكرك ...
جبت الطاولة وصعدت عليها وبخيت المنضف ع الاخشاب ومسحته بالوصلة وجان رجلي كامت ترجف مدري شصار بيه فقدت توازني ...وجان اوكع اووويلي ماحسيت الا بأيد حظنتني باوعت شفت سلطان حاظني باثنين ايدة جسمي من لامس جسمه حسيته خدر ....
اصخام شصار بحالي اتخردلت بين احظانه بقينه لبضع ثواني عينه ابعض حسيت مثل السحر صابني عيونه چتاله بووويه ...... مدري شحجي بقيت ساكته وارجف بين ايده .....
سلطان ... جنت صافن ع نورهان من صعدت دمسح المعرض واسترقت الانظار ع جسمها .....من فوك ليجوه
حسيت بشي غريب انولد جوايه حسيت بشعور جميل ....
بس مادري شنو المهم خلاني انتعش 😍...
وعلى غفلة رادت توكع شفتها كامت تتمايل ع الطاوله لان اختل توازنها كمزت من مكاني ولكفتها اوووويلي من صارت بين احظاني حسيت بشعور اول مرة احسه عمري محاس بي .......
شي خلة گلبي ينبض بقوة اعصابي انتهت مكدرت اسيطر ع نفسي انوب دارت وجها وعينها الزرك صارت بعيني خرررب بالعشيرة خلتني اطير لغير عالم شنو من سحر بيهن جذبني بجمالهن ....
لو شفايفها اتكول تفاحه حمرة مبرطمه خرررب اتنهدت واتنفست بعمق وحطيتها بالكاع ....
كتلها غير اديرين بالج جان اتكسرتي ....
وجان ع غفلة اندفع بقوة ليغاد من اثرها وكعت بالكاع 😳 ...
انصدمت الصراحه ماكو احد غيرنه بالصالة منو هيج دفعني بقوة مثل الواحد الي يريد يبعدني عن نورهان ..
هيه اتصركعت من المنظر ركضت فوك صحت عليها اريد تفسير للي ديصير لان من يوم الاجتي نورهان ودخلت ب
