ي للبيت .....
كامت تحدث هل امور الغريبة ......
شنو الموضوع ليش هيج ديصير بيه اني بالذات ....
لان محد من البيت ديشكي او ديشوف الي اني داشوفه او احسه ..
كلت لازم احجي وياها لازم ..
صعدت ورحت وراها دكيت الباب .. كتلها نورهان افتحي الباب اريد احجي وياج
نورهان ... اترجاك سلطان ابتعد عني لتتقرب اكثر اخاف عليك ..فدوة روح منا
اني اتسودنت شنو شبيها هاي ليش هيج تحجي ..
عاد كتلها ماريد شي بس اريد احجي وياج لان اذا محجيت وياج انجن !!
جان تفتحلي الباب وطبيت ..
كعدت ع الكرسي الي يم الميزتواليت .. وهيه كعدت ع طارف الجرباية ..
كتلها نورهان اترجاج احجيلي شنو الموضوع ...
ممعقولة الي داشوفه او الي احسه تهيئات اريدج اتجاوبيني وتحجيلي الحقيقه ....
نورهان 😔 ..
لا مو تهيئات .... كولشي شفته حقيقه بس والله مو ذنبي ولا الي يد بالي ديصير ...
اني مظلومة ومادري شنو هذا الي ديصير بيه ...
وليش بالذات اختارك الك هم شي مدافتهمه ....
سلطان ... هوه شنو الختارني احجي ليش اتخليني بحيره وقلق فهميني شنو الموضوع ....
نورهان ... ماشي راح احجيلك .... بس بشرط .
سلطان .. شنو هل شرط
نورهان ... متطردوني من بيتكم ولا تخافون مني لان والله اني مالي دخل بالموضوع 😭😭
سلطان ... لا ليش انطردج ... هاي مو من شيمنه ترانه تربات عرب واهل اصول ونخوة .. اني بس اريد تفسير للي ديصير ويايه لان شي مينعقل ابد
نورهان ... ماشي راح احجيلك ع الي بيه ...
من جنت بتركيا ابيت اهلي .... من جنت اصغيرة اسمع يكولولي البيت كله الج افتري بي العبي بي .... بس غرفة وحدة لاتتقربيلها ابد حسج عينج تمرين من جانبها حتى ..... دائما جانوا يخوفوني من هل غرفة وماعرف شنو السبب ....
كبرت ونفس الكلام دائما اسمعه ....ممنوع عليه اطب لهاي الغرفة ...
وبيوم الفضول كتلني كلت لازم اطب اشوف شنو بيها هل غرفة الي ميقبلون ادخللها ...
انتظرت مرت خالي راحت لاهلها خالي وداها وبيبي نايمة وجدي راح للكهوة ....
قررت اطب لان جانت فرصة الي هذا اليوم ...
صعدت ع كيفي امشي بخطوات حذره ...
تنفسي صار سريع ودگات گلبي زادت سرعتهن ....
مديت ايدي ع يدة الباب وجان افتحها لاكن لكيتها مقفوله 😣 ....
فكرت كلت اكيد المفتاح بغرفة مرت خالي لان هيه اكثر شي الي جانت تحذرني من دخول هل غرفة ...
رحت لغرفتها فتشت ودورت ع المفتاح تالي لكيت مفتاح بالمزهرية الي ع الكومدي ...
اخذته وجربته ...
وجان يفتح 😨 ...
مانكر حسيت بالرعب انتابني .... دخلت الغرفة جانت عبارة عن ظلام دامس ...
اتلمست بالحايط ع مفتاح الضوة لكيته وعلكته ...
وجان انصدم من الي شفته 😱 ....
الغرفة جانت كلها طلاسم وكتب قديمة .... وحيوانات ميته.... ودم ..وشعر كرات .... وشموع وبخور .... وشفت ع الحياطين مرسوم احرف بالمقلوب واشكال هندسية مثل المثلث والدوائر والمربعات وبنصها حروف غريبه متنفهم شي ....وبهل لحظة انطفت الكهرباء 😭 ...
حسيت شي اتقربلي وهمس بأذني وصاح بأسمي نوووووورهان .... جسمي صار بي قشعريرة وثلج انصدعت بمكاني ...
اريد امشي مكدرت اريد اشيل رجلي حسيتها انشلت الباب صار شبعده عليه وهوه مترتين بينه وجان ينركع الباب وانسد عليه كمت اصيح واعيط وابجي وجان يغمه عليه ....
سلطان ...من سمعت كلامها اتخبلت مكمت استوعب 😳😳
نورهان ... ادري انصدمت بس مو بكد صدمتي اني والي جرالي بذاك اليوم .....
وراها ماحسيت اله واني بغرفة خالي ع الجرباية وديصحون بيه فزيت شفتهم كلهم واكفين ع راسي ....
حجوا عليه ورزلوني لان خالفت كلامهم ودخلت للغرفة بدون موافقتهم .....
مرت خالي كالت الله يستر لا صار بيها مس من الجن ...
اني اتصركعت وكمت اصيح شدتحجين انتي .... ياجن هذا وشنو هل غرفة الي طبيتها ... وجنتوا مانعيني من شوفتها ....
واحد منكم يحجي فهموني شدسوون 😭
عاد مرت خالي كالت حبيبتي هل غرفة الي معيشتنه وهيه الي دتجيبلنه رزقنه ...
نورهان ... اي فهميني شنو هيه اريد اعرف لتخلوني اطرش بالزفه وماعرف شديصير ابيتي من ورايه ...
مرت خالي ... حبيبتي احنه نسوي اعمال سفلية وتحظير الجن ونسخره النه للي انريد انأذي او يخدمنه ومادم عرفتي بسرنه الي ضمينا عليج وانتي بيدج اكتشفتي هل سر .... راح اكولج ديري بالج لان الغرفة الي دخلتيها متروسه جن واحتمال واحد منهم عشكج واتلبس بيج هسه منو يدري 🤔
نورهان ... اصخام الصخمني 😱 ...
ادري متخافون من الله متكولون هل شي حرام ودجل وشرك بالله شنو من بشر انتوا ....
مرت خالي ... لتتجاوزين ياحبابة تره تتأذين احفظي السانج ماشي ....
سلطان ... من سمعت كلام نورهان حسيت الدنيا انهدت ع راسي شنو هذا الي سمعته معقولة متلبس بيها جن عاشق ......
لالا هذا كله خرافات ماصدك شنو هل خزعبلات ...
بس لا اني شفت بعيني وحسيت بي يعني صحيح الحجته يالله ......
كتلها زين شنو كمتي تشوفين وره هل حادثه ...
نورهان .... وره الحادثه صارت حياتي جحيم ...نعلت اليوم الي بي طبيت للغرفة المشؤومة ......
جنت احس واحد دائما
