اطلع للمحل اجيب جكاير تريدين شي اجيبلج وياية ...
سعاد .. لايمه سلامتك روح ..
سلطان ... طلعت بره وداروح للمحل اليمنه وماشوف اله سيارة مئلفه اجتني اله اشوية رادت تمردني عسريع شمرت نفسي ع الرصيف ....
شنو السالفه اليوم ثاني مرة ردت اندعم سترك ياربي ...
وصلت للمحل اخذت جكاير واشتريت جبس للبنات ونساتل ....
ورجعت طبيت ناوشت الجيس لعبير كتلها هاج وزعي الحبشكلات علينه ....
نورهان ... شكد حلووة حياتهم ... اتمنيت لو اني هم بنتهم ...
بس وين اووووف كلها كم يوم وارجع للقهر .
نطتني عبير جبس ونستله اكلناهن واكلنه الكيك والجاي .....
وجان يسئلني سلطان انتي بيا مرحلة جنتي ...
كتله بصف سادس علمي نجحت وبعد ماقدمت ع الكلية كعدت لان اجوي بيت جدي واخذوني ....
سلطان ...حرامات والله لو تقدمين هنا واتكملين
نورهان ... الله كريم بس خلي استقر واشوف مصيري شراح يصير بي ...
عبير ... ان شاءالله تتوفقين
سجاد .. عبير انطيني هذاك الجبس عيني عليه تره تختنكين موزين عليج 😂
عبير ... هههههه هاك ابو بطن ماتشبع .
سلطان ... يله اني اترخص طالع يم اصدقائي بالليل ارجع ..
كلنه .. مرخوص الله وياك ..
نورهان ... جنت خايفه ارجع لاهلي لا انذبح لو يزوجوني غصب عني اووووف لو ابقه يمهم وماروح 😔 بس شلون ....
كلهم كاموا وطبوا للبيت واني هم رحت دخلت وكعدنه بالصالة علكوا فلم رعب جان يخوف كله سحر وجن وشياطين ....
اني ناقصة هل سوالف خرررب .....
خلص الفلم وجان يجي سجاد جايب اللبلي وكعد شكلة ع التلفزيون وحط قرص لعبة مال طوبة وخلاني العب ويا كتله اختارلي فريق برشلونه
سجاد .. اني مدريدي للنخاع اليوم اله اسحلج ب10 اهداف
نورهان .. تحلم ياحلوو 😁
وسوينه الخطة مال اللعبة وبدينه نلعب اول شي هوه هدف عليه 3 اهداف وراها سحلته ب5 اهداف كام يكمز وشمر يدة الجهاز وبطل 😅😅
سجاد .. بعد مالعب وياج انتي تزاغلين 😒
نورهان .. ليش متكول انت متعرف تلعب 😂
شفته طنكر وعاف اللعبة وراح للمطبخ
صار وكت العشه حظرنه السفرة ويه ام سجاد التمينه كلنه بس سلطان ماجه اتأخر ظل بالهم عليه خابروا كاللهم اتعشوا اني اتأخر واحتمال اتعشه يم صديقي ...
اتعشينه وكملنه ولمينه السفرة وعاونت عبير بغسل المواعين وبقينه نسولف اني وياها ....
كملنه وصعدت لغرفة الضيوف حتى انام ...
سمعت انفاس شخص بالغرفة كمت ارجف من الخوف ...
بقيت الضوة مشتغل ماطفيته .....اوووف ياربي شوكت اخلص من هل كوابيس الي تراودني 😭😭
سلطان ...رجعت بوكت متأخر من الليل جانوا الاهل نايمين البيت اظلم ...
رحت للمطبخ جان اسمع 😳😳
#يتبع ....
ممكن نجمة⭐⭐🌟🌟متخسرون شي ترة
