Gaano ba Katagal ang Isang Saglit?
Parang kaytagal mo naman yatang bumalik
Ilang daang araw na akong nananabik
Ngunit hanggang ngayo'y hindi pa rin nanunumbalik.
Paalam mo sa 'kin noo'y tatakas ka lang saglit
Iiwasang pilit ang mga salitang nakakasakit
Sapagkat pagod ka nang mahusgahan ng mundong malupit.
Gaano ba katagal para sa iyo ang isang saglit?
Katumbas ba ito ng habambuhay mong pagpikit?
Saglit na pagtakas mo nama'y sobra kung makasakit.
