هاي 💙🌞
- لا تخبر الناس عن الطفل الذي بداخلي عندما أكون معك فـ أنا امامهم عظيم لا أنحنى،
(انتبهوا حبايبي في البارت هذا فلاش باك و تسلسل احداث لا تنلخمون 😂)
500 كومنت = بارت جديد،
_____________________
ناظرهم ببرود، جلس و طلع دخانه من جيبه و اخذ وحده بين شفايفه و ولعها، رجع ظهره ع الكرسي و رجوله ع الطاوله الي قدامه،
تكلم واحد منهم : وش تبي ي خنيث وش بيني وبينك،
ضحك ع كلامه ولا اثر فيه، يدري انه خايف بس كل هذا هياط طلع سلاحه من جيبه و وجهه عليه ، حس الاخر بجديه الموقف و ملامح الخوف اعتلت وجهه وسكت،
ابتسم و بعد السلاح ورماه، تكلم بنبره مستفزه : شفت انك حشره و كل هذا هياط،
تكلم الثاني لعل وعسى يعرف ليش سوا فيهم كذا : وش تبي مني عشان تربطني،
ناظره بكره و تكلم بعصبيه : انت خصوصا انطم لا اسمع صوتك يا نكره،
سكتوا وناظروا بعض، طلع جواله و دق ع اول رقم عنده ابتسم و غمض عيونه يبي يسمع صوته، رد الاخر : هلا رعد،
رعد وهو ع وضعه : وينك،
استغرب زيد نبرته : انا في البيت ليش في شي،
وقف رعد و قرب من الي قدامه و اشر لسند بمعنى صورهم : برسلك الحين صور و الموقع تعال باسرع وقت،
و قبل زيد يرد قفل بوجهه، طلع سند جواله و صورهم وهو يضحك ع اشكالهم وبعدها صورهم فيديو و رعد ينتظره يخلص،
رعد بهدوء : خلصت،
ناظره سند و هز راسه ب ايه و ارسل لزيد الصور دقايق ودق زيد ع الرقم بس سند مارد عليه،
وزع رعد نظره عليهم و تكلم بسخريه : اعطيني مكينه الحلاقه بسوي لهم نيو لوك،
عقد سند حواجبه من افكار رعد : انتظر بشوف وينها،
جلس يدور بالاغراض لين لقاها وطلعها من صندوق خشبي قديم، كان يحط فيه اغراضه ايام وجوده هو ورعد بالمكان هذا،
اعطاه المكينه وجلس ع الكرسي ويراقبه : ان شاء الله انها تشتغل.
اخذها رعد و ابتسم له : اذا ما اشتغلت في سكين نحلق لهم فيها،
