هاي💙.
"وعذرتهُ لمّا تساقط دمعهُ
و نسيـت أيّامًا بـها أبكاني"
(البارت لا يخلو من الهلاوس لاني كتبته وفيني حراره تجاهلوا😂❤️🩹)
"900 كومنت + ⭐️ = بارت جديد"
__________________________
قرب له و هو مصدوم و خطواته كانت بطيئه بين التصديق وعدمه حس ان ثقل الدنيا كلها صار على صدره شعور الخوف والرعب من الجاي والي بيسمعه،
وقف للحظات ما قدر يكمل اكثر وكأن الارض مسكت رجوله بلع صقر ريقه وعيونه تتنقل بين مطر الي واقف و مبتسم و ساجي الي م اعطى اي وده فعل،
رجعت لساجي ذكريات و احداث قديمه جداً وكأن الذاكره بدت ترجع له بس كل شي مشوش وغير واضح ضحكات طفل صغير وشخص يلعب معاه و ينادي باسمه الي ما كان الا .. مطر،
نطق مطر بصوت ثخين و هادي : و اخيراً جئ الوقت الي نتقابل فيه يا ساجي،
م رد ساجي و عيونه م فارقت الشخص الي قدامه لسانه انشل تماماً تنحنح صقر و قرب له و حط يده ع كتف ساجي،
صقر بصوت خافت : اذا مو مستعد انك تسمع اي شي اجلها لوقت ثاني ... شرايك،
ناظره ساجي بكره وحقد وبعد يده بعنف : و الوقت بنظرك سنين صح انا .... انا ماعدت اعرف مين انت حتى،
تكلم صقر بطريقه اقرب للغضب : متى تفهم اني مو السبب في سجنه ابوك هو الي امر،
بعد ساجي عنه و قرب لمطر : انا اعرفك ... انت اخر شخص اتذكره بعد ابوي انا اعرفك بس احس...،
تنهد ساجي و غمض عيونه بتعب وكمل : يمكن لانك اكثر شخص كان يعز علي بذيك الايام تذكرتك اول م طاحت عيوني عليك،
مسك ساجي يدينه و عض شفته : انا ضعت يا مطر ضعت و خسرت و انقتلت و انا عايش .... انا ضايع،
ابتسم مطر وحط يده ع كتف ساجي : عمرك م غبت عن بالي لان اعرف مستحيل يخلوك وانت ابوك ارغد،
رفع صقر حاجبه بالعاده مطر ما يتكلم كثير و يظل ساكت رغم التعذيب ورغم انه استخدم معاه كل الاساليب بس ما نفع،
تكلم ساجي بهدوء : ليش انت هنا و ليش ابوي سوا هالشي .... و لا تخبي عني لاني تعبت من الكذب و الاسرار،
ناظر مطر لصقر الي واقف و بعدها حط عيونه بعيون ساجي الي متشبث فيه وكانه النجاه بالنسبه له تنهد بتعب ونزل راسه،
