هاي 💙،
والله ما تلقون كاتب مثلي يدلعكم ويحدث بسرعه و بارت طويل بعد🌚💕.
بعدك سبب لقلبي الكثير من الكسور و اصبحت مشتت و ضائع لانني فقدت جميع وجهاتي وهي انت،
800 كومنت+ (⭐️) =بارت جديد،
______________________
"بعد مرور اسبوع ..."
نزل من الدرج و هو حاس بتعب كبير في جسمه الي ما خفت رجفته و الم و غير هذا النزيف الي قبل بدا يزيد اكثر،
تنهد و كمل طريقه و لقى زوجه ابوه ام زيد ابتسم و قرب وسلم عليها : كيفك خالتي،
ناظرته ام زيد وعقد حواجبها لما شافت بشرته الشاحبه : سيف وش فيك،
سيف ومازالت ابتسامته ع شفايفه : ولا شي ... شويه ارهاق،
تكلمت ام زيد بنبره غضب : انت وزيد فيكم شي مو طبيعي اصحى بالليل اسمع صوته يتكلم بروحه ومعصب و احيان يبكي ولما ادخل له يقول تذكرت جدتي و انت وجهك كذا وتقول ارهاق،
بلع سيف ريقه : صدقيني ما في شي لو في شي مستحيل بخبي عنكم،
تخطته ام زيد مكمله مشي للمطبخ : بشوف اخرتها معاكم،
وقبل تبعد اللتفتت له : امك البقره مو ملاحظه انك تعبان،
رفع سيف كتفه بمعنى ما يدري و اتجه للحديقه بس قبل يطلع اخذ العصير الي ع الطاوله و فتح الباب و لقى احمد جالس وحاط السماعات في اذنه و حاط نظارات ومتمدد،
ابتسم و قرب له و جلس جنبه وسحب السماعه من اذنه : لهدرجه تبي تتجاهلني،
عدل احمد جلسته و فصخ النظارات : ايه يا ليت تفهم لاني مو طايقك،
ناظره سيف فتره و بعدها ضحك بسخريه : عجيب،
احمد وهو عاقد حواجبه : مدري مين المفروض يزعل بصراحه،
لحس سيف شفايفه وقرب لاحمد : المفروض م احد يزعل لان جد مافي شي من الي فبالك،
وقف احمد و نزل عشان ياخذ اغراضه بس سيف مسك يده : افهمني احمد انا امر في ظروف زي الزفت حالياً وتخيل اني اتحملها بروحي،
احمد وهو معصب : وش هالظروف الي تخلي واحد يوصلك كل يوم،
تافف سيف و بنفس نبره احمد : لاني مريض،
