عشقته رغم كل شئ

الفصل الاول

في مكتب محمد شعيب
جميلة : ايه اللي انت بتقوله ده يا بابا انا مستحيل اتجوز بالطريقة دي
الاب بضيق : انا ميهمنيش الكلام ده انا مش مستعد اخسر اخويا علشان دلع البنات ده و آدم هو الوحيد اللي مناسب ليكي و اي اعتراض مش هقبله
جميلة بصدمة: ايه اللي انت بتقوله ده يا بابا انت عمرك ماجبرتني اني اعمل اي حاجة تقوم جي وانا في السن ده عايزة تتحكم فيا و ارتفع صوتها في آخر كلمة
صفعة
الاب بغضب شديد : واضح اني دلعتك زيادة عن اللزوم لدرجة انك بقيتي بترفعي صوتك في وشي اتفضل روحي علي أوضتك و بكره آدم و عمك هيجوه و عايزك تتصرفي بطبيعتك و الا مش هيحصلك كويس
كانت جميلة تنظر له منذ تلك الصفعة بصدمة شديدة و ذهبت إلي غرفتها و هيا تبكي بشدة
                   ___________________
في أوضة جميلة
جميلة و هي تبكي بشدة : ازاي عايز يعمل فيا كده انا عملت ايه في حياتي علشان يحصل كل ده
الأم بهدوء : معلش يا حبيبتي باباكي وعايز مصلحتك
جميلة بحزن: مصلحتي اني اتجوز بالطريقة دي
الأم بحزم :باباكي عارف هو بيعمل ايه و عارف مصلحتك كويس اوي و مش عايزة اشوفك بتعترضي علي الموضوع ده تاني
و تركتها و رحلت
ندي بهدوء : انا نفسي افهم انتي مش موافقة ليه هو مش ده آدم اللي بتحبي و بتموتي فيه
جميلة ببكاء: انا كنت عايزة انا و هو نحب بعض و نعيش قصة حب بعد كده نتجوز إنما كده هيكرهني اكتر ماهو كارهني
ندي : انا هقولك طريقة تخليه يحبك و يبقي زي الكلام في صباعك
جميلة باهتمام:ازاي
ندي : بصي ________________
                  ______________________
في مكان آخر في مكتب احمد شعيب
آدم بغضب: يا بابا ايه اللي انت بتقوله ده انت عارف كويس اني مستحيل اتجوز
الاب بهدوء : انا قلت كلمتي و مش هرجع فيها ابدا و كمان جميلة كويسة
آدم ببرود : كويسة لنفسها مش ليا
الاب ببرود : انا اللي عندي قلته و انت هتنفذه حتي لو كنت مش موافق
آدم ببرود : وانا مش موافق انا مش صغير علشان تتحكم فيا
الاب بغضب : اسمع بقي الكلام اللي هقوله ده كويس احنا بكره هنروح نتقدم رسمي و لو معملتش اللي بقولك عليه هتشوف حاجة عمرك ماكنت تتصورها
آدم بغضب : تمام اوي بس متجيش تلوم عليا في اللي هعمله فيها و رحل بغضب 
                 ______________________
محمد بضيق : اهدي بقي يا ابني
آدم بغضب : اهدي ايه انت مش سامع كلام ابوك فاكرني عيل صغير عايز يتحكم فيه و هو عارف كويس اني مستحيل اتجوز
محمد بضيق : يا عم اهدي بقي و بعدين مانت مصيرك كنت هتتجوز فجميلة احسن من غيرها بكتير و طيبة و أخلاقها حلوة
آدم بضيق: حلوة لنفسها مش ليا
محمد بضيق : مفيش فايدة فيك ابدا انا ماشي
                _______________________
في غرفة محمد شعيب
الأم : انت متاكد من الخطوة دي
الاب : ايوه طبعا متاكد هي عمرها مهتلاقي حد احسن من آدم
الأم: ايوه بس ده بيكره صنف الحريم كله ازاي هديله بنتي
الاب بضيق : بكره لما يعيشوا هيحبوا بعض و مش هيكرها ولا حاجة
الأم بضيق: براحتك بقي بس خليك عارف لو عملها اي حاجة انا عمري مهاسمحك
الاب: يتعملها ايه يعني آدم راجل و يعتمد عليه و بعدين هي مش بنتك لوحدك هيا بنتي انا كمان و اكيد عايز لها الأفضل
رائيكم ❤
توقعاتكم ❤❤
فوت + كومنت ❤😹