السيرة النبوية باللهجة العامية

7

7
يلا صلوا على النبي 💜

عايزين نعرف لماذا مُحمد بالذات بقا هو النبي ﷺ؟

عن عبد الله بن مسعود قال : " إن الله نظر في قلوب العباد فوجد قلب محمد صلى الله عليه وسلم خير قلوب العباد فاصطفاه لنفسه فابتعثه برسالته "
يعني النبي بين البشرية كلها وقتها ، قلوب البشر اللي على الكرة الأرضية بحالها النبيﷺ كان أطهر و خير قلب فيهم..
النبي ﷺ من صغره وهو سليم العقل ، وافر القوى ، نزيه وعفيف ، فكبر ونضج وهو جامع للصفات الحميدة والأخلاق الحميدة ، فكان فكره صحيح ونظرة سديد ، ومثال في مكارم الأخلاق وأحسن الخصال ، امتاز بالصدق والأمانة والشجاعة والمروءة والعدل والعفو والزهد والحكمة والقناعة والصبر والشكر والحلم والحياء والوفاء والتواضع والتناصح..
كان النبيﷺ في قمة البر والإحسان ، كان وصول للرحم ، يحمل هم الناس ، يساعد المحتاج ، يكرم الضيف ، ويعين المهموم..

النبيﷺ من صغره وربنا سبحانه وتعالى حافظه فكان بيبغض الأصنام ، و الخرافات والأفعال السيئة اللي بيعملها قومه ؛ فلم يشهد أبداً في أعياد الأوثان ولم يحتفل احتفالات الشرك ، ولم يأكل من اي حاجه ذبحت لغير الله ، وكان لا يصبر ولا يتحمل الحلف بالأصنام بتاعهم اسمها " اللات والعزى " ولا عمره لمس صنم أو حتى قرب منه..

عمره ما شرب خمر ولا راح ملاهي ولا حضر مجالس فيها كلام فاضي من لهو وسهر أو النوادي اللي كان الشباب بيجتمعوا فيها في مكة..

عشان كده بقا فكره بعيد عن فكر قومه ، وبقا ﷺ يقلق من الفساد اللي بيشوفه دا وبقا نفسه يعتزل بعيد عنهم ويختلي بنفسه ويفكر في طريقة تنجيهم من التعاسة والهلاك اللي هما فيه..

طب يا ترى النبي ﷺ عمل ايه ؟؟
دا اللي هنعرفه إن شاء الله المرة الجاية..

#السيرة النبوية باللهجة العامية
#خدمة حفيدات النبي ﷺ 😍💙
#بنات وبس👑💜
_____________

للإنضمام:
إرسال رسالة صوتية بإسمك لـ:
+201210204190