أباطرة العشق (معدلة )

البارت الثاني عشر " معدل "

_ الفصل الثاني عشر _ 
في المستشفى ...
رحيم فضل قاعد جنب نرمين لحد ما فاقت
نرمين قامت وحاسة بوجع رهيب فى بطنها ودماغها بتوجعها اوى
نرمين:اه انا فين بطنى اها
رحيم:اهدى وخليكى مرتاحه عشان متتوجعيش
نرمين:انت انا فين واى اللى حصل
رحيم:انتى اى اللى حصل
نرمين:انا مش فاكره حاجه غير أن فى اتنين ادونى ورق وكان فيها قرر جيت اقرئها لقتها فاضيه ولسه هكلموا خدرونى وضربونى على راسى وفى بطنى واول ما قالت بطنها حطت أيدها على بطنها وبصوت خائف انا اى اللى حصلى
رحيم:انا أنقذت من الناس دى بس للأسف هما خبطوكى جامد فى بطنك وبسبب ده للاسف الشديد الجنين مات
نرمين سمعت كده وفضلت تبكى بصوت خافت
رحيم:اهدى بس المهم انك بخير يتعوض بس انتى ازاى حامل وبتشتغلى فى صحراء انتى مش عارفه أن ده خطر عليكى لي
نرمين ببكاء: غصب عني غصب عني
رحيم بصلها كتير وبعدين قرب منها وحضنها وهى فضلت تبكى اجى نص ساعه لحد ما ارتحت وبعدت عن رحيم
نرمين:شكرا
رحيم:العفو احسن دلوقتي
نرمين:اها
رحيم:المهم ادينى رقم جوزك اتصل بيه يجى ياخدك
نرمين:انا مش متجوزه
رحيم:اها اى نعم ازاى!؟؟؟؟؟؟
نرمين:انا مش متجوزه
رحيم:امال اى الجنين ده
نرمين بدأت تبكى تانى
رحيم:لو سمحتى اهدى بقا وقوليلى فى اى انا مش فاهم حاجه ياريت تحكيلى كل حاجه عارف ان دى حياتك الشخصية بس انا أنقذت حياتك يعنى المفروض تدينى حاجه فى المقابل ولا اى وانا عايز اعرف حكايتك اى
نرمين:هتكرهنى لو عرفت
رحيم:انا مصر انى اعرف ولازم اعرف ومش هكرهك
نرمين بصتله كتير
رحيم:يالا احكى
***********
فى الصعيد فى سرايا هاشم
خالد نزل هو وفريده
مريم:يا صباح الخير يا عرسان
فريده: الله على الاكل انا هموت من الجوع وسبتهم واقعدت تاكل
مريم بلهجة صعيديه:هو انتى متعرفيش اداب الاكل ولا اى
فريده: والله فى الاكل مفيهوش اداب ولو فيه يبقا انا معرفهاش وكملت اكل عادى
مريم بصت لخالد اللى واقف بيتفرج ومش بيتكلم
مريم:اى يا ولدى مراتك دى مش عملالى احترام خالص
خالد :يما كبرى دماغك احسن وهى متعرفش العادات هنا بكره تتعلم وسابها ومشى
مريم:شكلك هتتغير ياولدى علينا بعد مكنت بتسمعلنا هتكون بتسمعلها على جثتى انت هتفضل طول عمرك يا خالد خاتم فى صبعى وانا اللى بتحكم فيك ومفيش حد غيرى هيتحكم فيك ونشوف يانا يا هى وراحت اقعدت معاهم
فريده بتاكل ولا همها حد وخالد بيبصلها باعجاب ومريم بصلها بقرف
مريم: طب حتى اعزمى على جوزك انو يفطر معاكى
فريده:معلش بقا اصلى جعانه اوى ونسيت اعزم عليه
مريم:مكنوش بيوكلوكى فى بيت ابوكى !!!
فريده:لا كنت باكل بس كانوا بيمنعوا عنى الاكل عشان متخنش واكون زى حضرتك
مريم:نعم قصدك اى يختى
فريده:مش قصدى حاجه يا خاله يالا اتفضلى كلى
مريم قامت:نفسى اتسدت الله يسد نفسك ومشت
خالد:ههههه إللى انتى عملتيه غلط على فكره ومش معنى انى سكت يبقا عادى انا سكت عشان مش عايز اعمل مشاكل كتير وياريت الغلط ده ميتعدش تانى مفهوم
فريده:مفهوم
خالد:يالا كملى اكلك بقا
فريده:لا شبعت عن اذنك وسابته ومشت
خالد:هى زعلت ولا اى بس انا مقولتلهاش حاجه تزعل يعنى
********
فى كليه الصحافة والإعلام متيم دخل وهو متعصب على الاخر وفضل يدور على ايلاف وفى الاخر لقها قاعده فى الكافتيريا مع صحابها رحلها وشدها من بينهم وخدها مكان بعيد عنهم
متيم:اى اللى انتى منزله ده انتى مجنونه
ايلاف:لا مش مجنونة متيم بيه مش قولتلك انت اللى هتيجى تدور عليا مش انا
متيم:اها فهمت يعنى انتى عملت ده عشان تكسبى التحدى اللى انتى عملتيه
ايلاف:بالظبط وعشان اثبت انك بتخاف من البنات والارتباط
متيم:نعم انتى مجنونه
ايلاف: دى حقيقة علفكره عشان كده انت مش مرتبط ومتعرفش ولا بنت فى حياتك
متيم:هو انتى مرقبانى بقا
ايلاف: حاجه زى كده
متيم: معنديش رد غير انك واحده تافهه وانا مبخفش من الارتباط ولا البنات
ايلاف:لو مبتخفش اى رايك فى تحدى
متيم:انا موافق
ايلاف:استنا اعرف التحدى الاول
متيم:موافق من غير ما اعرف
ايلاف:هترتبط بيا لمده شهرين
متيم:موا اى انتى قولتى اى انا ارتبط بيكى ابدا لا ابدا مستحيل
ايلاف:نعم وانا مالى اى اللى مش عجبك فيا دانا اعجب بلد
متيم:فعلا تعجبى بلد بس انا لا
ايلاف:لي يعنى دانا هعجبك اوى خليك بس قد التحدى ولا هتطلع جبان
متيم:انا مش جبان وقد التحدى وانا مش بخاف من الارتباط ولا من البنات
ايلاف: خلاص اتفقنا يوم نتصرف على افكارك ويوم على افكارى اتفقنا ومدت أيدها عشان تسلم
متيم:اتفقنا سورى مبسلمش على الجنس الآخر عن اذنك وسابها ومشى وهى فضلت واقفه بصله باعجاب
ايلاف:لنرى من سيربح؟؟؟؟
********
فى قصر البديري
مصعب دخل مع سما اللى ماشيه جنبه وبتبص حواليها باستغراب وصدمه من حجم القصر
مصعب:اول مره هتحسى كده بس بعد كده هتتعودى يالا جدو مستنينا
سما:ماشى يالا
مصعب خدها ودخلوا قاعه كبيره كان قاعد فيها يامن ويارا وشيماء وعبدالرحمن
مصعب: صباح الخير
الجميع: صباح النور
مصعب:جدو اقدملك سما
عبدالرحمن بص على سما وب ابتسامه:نورتى القصر
سما:بنورك يا فندم
عبدالرحمن:بلاش فندم دى المهم جهزى نفسك خلال شهر هتكوتى واحده من أبناء البديري
سما:حاضر
عبد الرحمن:انا رايح ارتاح عن اذنكم
يارا:اجى معاك
عبدالرحمن:لا خليكى انتى معاهم انا هروح لوحدى
عبدالرحمن مشى
مصعب:سما اقدملك ده يامن اخويا الصغير
يامن:اهلا بيكى والف مبروك
سما: الله يبارك فيك
يامن:عن اذنكم انا كمان
مصعب:رايح فين
يامن:عندى شغل هخلصه
مصعب:تمام
يامن مشى
مصعب:ودى الممرضه يارا الخاصة بجدو والزوجه المستقبليه ليامن فرحهم بعد شهر بردو معانا
سما بصت ليارا باعجاب من حجابها الكامل وخدودها الحمرا ولنفسها:اى الجمال ده سبحان الله
يارا:الف مبروك واهلا بيكى
سما: الله يبارك فيكى والف مبروك ليكى انتى كمان
يارا: الله يبارك فيكى
مصعب:ودى شيماء مدام فاهر اخويا
سما بصت لشيماء واعجبت بشكلها البسيط ولون عيونه الجميل
شيماء: مبروك
سما: الله يبارك فيكى
مصعب:يالا يا سما تروحى لأختك بقا
سما:اها يالا عن اذنكم اشوفكم تانى أنشأ الله
شيماء:مع السلامه
مصعب خد سما وطلع ويارا بصت لشيماء باستغراب
شيماء:فى اى
يارا:هو قصده اى أنه ياخدها لأختها مش هو جيبها من عند اختها ولا اى
شيماء:مش عارفه والله ربنا معاكم بقا وميطلعش بختكم زى يارب
يارا:هو لي بيعمل معاكى كده
شيماء:مش عارفه
يارا:انتى عملتى حاجه لكل ده
شيماء:لا
يارا:امال لي كده
شيماء:من الواضح أن فاهر عنده مشكله كبيره فى الماضى وده ماثر على مستقبله
يارا:تفتكرى أن ده السر اللى بيخليه يعمل معاكى كده
شيماء:اها بس اى اللى حصل فى الماضى
يارا:مش عارفه
شيماء:لازم اعرف
يارا:هتعرفى ازاى
شيماء:مش عارفه بس هحاول اعرف
يارا:طيب خلى بالك على نفسك فاهر ده يخوف
شيماء:جدا هو انتى اى اللى جبرك تشتغلى هنا
يارا:الظروف بقا منهم لله
شيماء:هما مين قولى اهو نسلى نفسنا بالتعارف على بعض
يارا:فكره حلوه
شيماء:احكيلى اللى حصل
يارا بدأت تحكلها من وقت ما ابوها مات لحد ما قابلت يامن
شيماء بصدمه: مستحيل ازاى فى ام تعمل كده ازاى
يارا بوجع:اهو اللى حصل بقا
شيماء: متزعليش نفسك الحمدلله انك خلصتى منهم
يارا: الحمدلله
شيماء: الحمدلله شكل يامن مش زى فاهر الحمد الله يارب ميطلع زيه
يارا:يارب ويهون فاهر عليكى وانتى اى اللى جبرك تتجوزى فاهر
شيماء بكدب:اتحديته ويارتنى معملتها وادينى بدفع التمن اهو
يارا:معلش يا حبيبتي اصبرى فإن الله مع الصابرين
شيماء:يارب
يارا:يالا قومى اديلك مسكن عشان رجلك تخف بسرعه
شيماء:يالا
*******
فى مكتب متيم
متيم قاعد ماسك ورق فى ايده وشغال فونه رن برقم غريب مردش فضل يرن وفى الاخر رد
متيم:مين
:فى اى ساعه عشان ترد عليا
متيم:مين حضرتك
:انا ايلاف
متيم: استغفر الله العظيم يارب خير عايزة اى
ايلاف:انت نسيت التحدى ولا اى
متيم:لا منستوش عايزه اى
ايلاف:تعال خدنى من المول
متيم:نعم يختى حد قالك انى سواق عندك ولا اى لا فوقى وشوفى انتى بتكلمى مين انا متيم البديري
ايلاف:انا عارفه انك متيم البديرى مش ضرورى تقررلى اسمك كل شويه عربيتى اتعطلت ولا مش عارفه باظت ومش عارفه اعمل اى وانا معرفش حاجه هنا
متيم:اتنيلى اركبى تاكسى
ايلاف:يعنى أنت ترضى أن اختك تركب تاكسى لوحدها وبعدين احنا تقريبا الضهر
متيم:وهو فى حد بيروح المول الضهر
ايلاف:اها انا ده بيكون احلى وقت للتسوق يالا بقا تعال خدنى انهارده حسب الاتفاق انت تتحكم فيا يوم وانا يوم لحد اخر الشهر ولا انت عايز تنسحب
متيم: استغفر الله العظيم يارب مول اى
ايلاف: مول العرب
متيم:ماشى جاى
ايلاف:بسرعه عشان الشمس حرقتنى
متيم:طيب
متيم قفل معاها وخد جاكيته ومفاتحيه ونزل ركب عربيته ورحلها ووصل عندها لقها واقفه فى الشمس ولبسه هوت شورت اسود وعليه تيشرت كاب أصفر وفرده شعرها
متيم: استغفر الله العظيم يارب يارب سامحنى غصب عني يارب استغفر الله العظيم من كل ذنب عظيم
متيم نزل من العربية ورحلها
متيم :خير مستنيا عزومه عشان تركبى
ايلاف:مش المفروض تفتحلى الباب وتنزل تستقبلنى
متيم:نعم لا بقا انتى نسيتى نفسك مش ناقصه قرف يالا اتفضلى اركبى وبعدين انتى طالعه ازاى من بيتكم كده ازاى
ايلاف:انا حره
متيم:طيب يالا اتنيلى اركبى خلينا اوصلك
ايلاف راحه عند العربيه وجاءت تفتح الباب اللى قدام
متيم:لا اركبى وراء
ايلاف:لي
متيم:كده اركبى وراء ومش عايز اى اعتراض
ايلاف:طيب
ايلاف ركبت وراء ومتيم ركب وساق لحد بيتها ووقف
متيم: يالا انزلى
ايلاف:اى ده احنا وصلنا بالسرعه دى
متيم:اها يالا اتفضلى
ايلاف:هو انت لي بتكلمنى كده
متيم:عشان دى احسن طريقه اكلمك بيها يالا اتفضلى بقا كده فى خطر عليكى لو حد شافك
ايلاف:ماشى عن اذنك اشوفك بكره
متيم: أنشأ الله
ايلاف نزلت ودخلت البيت ومتيم فضل واقف لحد ما هى دخلت البيت و بعدين مشى
********
_ نرمين جمال _