أباطرة العشق (معدلة )

البارت السادس عشر " معدل "

_ البارت السادس عشر _

فى المول
ايلاف واقفه مستنيا متيم فضلت واقفه ربع ساعة وبعدين متيم جه
متيم: صباح الخير
ايلاف: صباح النور ما لسه بدرى انت قايل مش هتتاخر
متيم ببرود: واى يعنى لما اتاخر
ايلاف:صبرنى يارب على البرود ده
متيم:يالا
ايلاف:هنروح فين
متيم:هجبلك لبس
ايلاف بعدم فهم وغباء:نعم!؟؟انت شايفنى مش لابسه ولا اى !!!!
متيم:المكان اللى هاخدك فيه مينفعش تدخلى فيه كده
ايلاف:لي أنشأ الله هو انا لابسه بدله رقص
متيم:ههه حاجه زى كده ممكن نخلص بقا عشان منتاخرش
ايلاف:بس انا مش موافقه على اى حاجه قبل ما اعرف احنا هنروح فين
متيم:مش بمزاجك لازم تنفذى كلامى بالحرف ده حسب الاتفاق اللى انت عمله لو عايز تنسحبى معنديش مانع
ايلاف بصوت هامس عشان متيم ميسمعهاش:حقير
متيم:انتى قولتى حاجه
ايلاف:لا مقولتش بقولك يالا عشان منتاخرش على المكان اللى رايحينو
متيم:ماشى يالا
متيم خدها وراح محل ملابس اسلاميه
ايلاف:فى اى انا مش فاهمه حاجه ولي المحل ده بالذات
متيم:ثوانى وهتعرفى وسابها ودخل يدور في المحل على اللى هو عايزو وبعد عشر دقايق رجعلها وهو ماسك عبايه سوده ومعاها حجاب
ايلاف:اى ده
متيم:خدى اللبس ده معاكى ربع ساعة تلبسيهم وتطلعى عشان منتاخرش ومش عايز اعتراض عشان متعصبش عليكى ونعمل مشكله هنا مفهوم وياريت بسرعه والا انتى كده منسحبه من التحدى
ايلاف:لا لا خمس دقايق وهكون جاهزه
متيم:تمام انا هستناكى تحت عند العربيه
ايلاف:ماشى
متيم نزل عند العربيه بعد مجاب شويه حاجات واقعد يستنا ايلاف
عدا تلت ساعة ومتيم زهق نزل من العربية يشوفها اتاخرت لي لقها جايه ولبسها العبايه وماسكها فى أيدها ولفها الحجاب غلط بس شكلها كان لطيف اوى فى اللبس ده متيم رحلها
متيم:اى اللى انتى عملها ده
ايلاف:اعملك اى يعنى العبايه طويله اوى وانا مش عارفه الف البتاع اللى على راسى دى
متيم: العبايه مش طويله انتى اللى قصيره وبعدين دى اصغر مقاس واللى لبسها دى اسمها طرحه مش بتاعه يالا خلينا نمشى
ايلاف:طيب
راحو عند العربيه ايلاف لسه هتركب ورائه
متيم:لا اركبى قدام
ايلاف:مش معنى انهارده
متيم:فى حاجات فى العربيه من وراء
ايلاف:اممم حاجات اى
متيم: هتعرفى لما نوصل يالا اركبى
ايلاف:طيب
ايلاف ركبت ومتيم ساق وفضل سايق اجى نص ساعه وبعدين واقف فى مكان واسع وفى ناس كتيره
ايلاف:اى المكان ده
متيم:ده الحسين
ايلاف بعدم فهم:يعنى اى
متيم:انتى متعرفيش حاجه عنه خالص
ايلاف:لا انا اول مره اعرف الحاجات دى
متيم:ده يستى الحسين حفيد الرسول صلى الله عليه وسلم
ايلاف:عليه افضل الصلاه والسلام ابن السيده فاطمه الزهراء رضي الله عنها
متيم: رضى الله عنها اها
ايلاف:سمعت مره عنهم بس اول مره اجى المكان ده
متيم:انزلى معايا المكان هيعجبك اوى
ايلاف بحماسخ:ماشى
ونزلوا ومتيم خدها ودخلوا الحسين من جوه
ايلاف:واو المكان هنا روعه روعه روعه جميل جدا
متيم:قولتلك هيعجبك
ايلاف:معاك حق هو عجبنى جدا هو لي مفيش حد هنا غيرنا رغم أن فيه ناس كتير بره
متيم:عشان يستى حاجز المكان نص ساعه عشانك
ايلاف:عشانى انا
متيم:اها كنت حاسس انك متعرفيش حاجه هنا قولت عمل معاكى معروف واجيبك هنا
ايلاف: عشان كده خلتنى اللبس كده
متيم:مكنش ينفع تيجى هنا بلبسك
ايلاف:شكرا
متيم:العفو يالا عشان نوزع صدقات
ايلاف:ده ازاى
متيم:تعالى وانا هعملك ازاى
ايلاف:ماشى يالا
متيم:الاول هنروح العربيه نجيب الحاجات اللى هناك ونيجى
ايلاف:ماشى يالا
متيم خدها وراحو عند العربيه ورجعوا تانى
*****
فى قصر البديري
يامن طالع من اوضته لاقى يارا واقفه وكانت لسه هتخبط
يامن بصلها باستغراب: خير
يارا بخجل: كنت عايزة اتكلم معاك شويه فاضى دلوقتي
يامن:اها فاضى اتفضلى
يارا: مينفعش فى اوضتك
يامن:اوبس معاكى حق يالا ننزل نقعد تحت
يارا:ماشى يالا
يامن نزل هو ويارا واقعدوا فى الحديقة
يامن:فى اى بقا
يارا:هو حضرتك عايز تتجوزنى عشان عبد الرحمن بيه طلب منك ده
يامن:حضرتك !!!وبيه!!! اى الرسميه دى اولا انا الاول كنت هتجوزك فعلا عشان خاطر جدو بس بعدين فكرت ولقيت فيكى كل المواصفات اللى انا عايزاها
يارا بخجل:يعنى اى واى اللى المواصفات دى
يامن:يعنى انا كنت عايز واحده عارفه ربنا كويس وبتخافه واكيد هتكون زوجه صالحه وده كله متوفر فيكى
يارا بخجل وتردد:طيب لو انا مش اتجوز
يامن:مش بمزاجك وطلاما عبد الرحمن البديرى قرر أن انا وانتى هنتجوز يبقا هنتجوز براضكى أو غصب عنك مفهوم
يارا بصتله وابتسمت بخجل:مفهوم عن اذنك
يامن: اتفضلى
يارا مشت ويامن فضل قاعد مكانه لحد ما مشت وشويه واليأس جه واقعد مهموم
يامن: مالك
الياس:مش عارف
يامن:اى؟؟؟؟
الياس:مش عارف مالى
يامن: طيب حصل معاك حاجه
إلياس:ها لا
يامن:الياس فى اى
الياس:مفيش حاجه انا بس تعبان من الشغل
يامن:طيب قوم ارتاح ...
اومأ له ونهض من مكانه متجها الي الاعلي ...
******
فى لندن
فاهر وشيماء نزلوا من الطياره على سطح مبنى كبير وعالى جدا
شيماء:انت مقولتليش انو احنا مسافرين لي
فاهر:هو كان لازم اقولك
شيماء:فاهر ابوس ايدك بطل البرود ده انت مسافر عشان شغلك انا مالى تاخدنى معاك لي
فاهر:مراتى وخدتها معايا انا حر وكفايه كلام بقا ويالا
شيماء:احنا فى اصلا
فاهر:لندن
شيماء:ها
فاهر مسك أيدها وشدها
فاهر:امشى معايا واسكتى
شيماء مشت معه وهى مش فاهمه اى حاجه
فاهر خدها ونزل تحت م الواضح أن المبنى كان فندق كبير خدها ودخلوا اوضه
فاهر شدها واقعدها على السرير
شيماء بخوف:فى اى
فاهر:مفيش حاجه انا عايز منك خدمه
شيماء:اى هى
فاهر:تحطى رأسك دلوقتي وتنامى وهدى اعصابك عشان اللى هيحصل محتاج انك تكونى هاديه
شيماء:هو اى اللى هيحصل؟؟؟؟
فاهر: ارتاحى دلوقتي ولما تقومى هتعرفى كل حاجه
شيماء بخوف:طيب
فاهر:انا هسيبك تنامى دلوقتي هخلص حاجه وارجع تكون انتى ارتاحتى شويه تمام خدى اشربى ده
شيماء:اى ده
فاهر: عصير هيساعدك انك ترتاحى يالا اشربى
شيماء كانت هتعترض بس خافت من فاهر وشربته واول مشربته حست بوجع كبير اوى ونامت من الوجع
فاهر:ده الحل الوحيد اللى كان قدامى هسيبك دلوقتي وهرجعلك كمان شويه وغطاها وسابها وطلع
********
فى الصعيد فى سرايا هاشم فى اوضه خالد
خالد ومريم قاعدين جنب فريده مستنين أنها تفوق بس مفيش فايده فريده مفقتش
خالد:هى الدكتوره اتاخرت لي
مريم:زمانها جايه يا ولدي
الباب خبط
خالد:دى اكيد الدكتوره انا هقوم افتحلها
مريم:بسرعه يا ولدى
خالد قام ومريم استغلت ده وقامت بسرعه وحطت حاجه تحت راس فريده واقعدت مكانها تانى ولا كن حاجه حصلت
خالد فتح لدكتوره ودخلت وكشفت على فريده
الدكتوره باستغراب:هى مالها
خالد:نعم امال انا جايبك لي
الدكتوره:قصدى هى مفهاش حاجه وكويسه
خالد:قصدك اى
الدكتوره:قصدى أن المدام بتدلع على حضرتك شويه
خالد:يعنى هى كويسه
الدكتوره: مافيهاش اى حاجه
خالد:امال اغمى عليها لي
الدكتوره:دى تلاقيها ماكلتش حاجه من الصبح عشان كده اغمى عليها
خالد بص لفريده باستغراب وبص لدكتوره باستغراب اكبر وهو متاكد أن فريده فيها حاجه شكلها كانت بتهلوس بحاجه وخايفه
خالد:طيب متشكرين يا دكتوره
الدكتوره:العفو عن اذنكم
مريم:استنى يا دكتوره انا جايه معاكى
مريم خدت الدكتوره وطلعت
وخالد اقعد جنب فريده لحد ما فاقت
خالد:انتى كويسه فريده
فريده قامت ماسكها راسها:اه اى اللى حصل
خالد:هو انتى مش فاكره اى اللى حصل
فريده:لا هو اى اللى حصل
خالد:اى اخر حاجه فكرها
فريده: اخر حاجه فكرها انو انت كنت بتتكلم فى الفون
خالد:مش فاكره اى اللى حصل بعديها
فريده:لا هو اى اللى حصل بعدها
خالد:ها لا ولا حاجه ارتاحى انتى وانا هروح اعمل مشوار كده وهرجعلك وخليكى مرتاحه فى السرير لو احتاجتى حاجه اطلبيها من حد من الخدم ماشى
فريده:طيب
******
فى القاهرة فى الحسين
ايلاف ومتيم واقفين قدام العربية
ايلاف:بجد شكرا على اليوم الحلو ده انا مبسوطه اوى شكرا
متيم:العفو يالا بقا نرجع المول تانى عشان تغيرى اللبس
ايلاف:لا مفيش داعى
متيم:يعنى اى
ايلاف:انا بصراحه عجبنى الهدوم دى اوى وهفضل لبسها
متيم يصلها باستغراب
ايلاف:يالا بقا روحنى وبكره تعدى عليا الساعه اتناشر الضهر
متيم:انتى لسه مستمره في التحدى
ايلاف:طبعا ومش هستسلم
متيم:ماشى يستى وانا قدك يالا خلينى اوصلك
ايلاف:ماشى هركب وراء وركبت وراء
متيم بصلها باعجاب وابتسم وبعدين ركب ووصلها لحد البيت واستنا لما دخلت وبعدين رجع القصر مره تانى
********
فى لندن
فى أحد أكبر المستشفيات في لندن
شيماء قامت من النوم وهى ماسكه راسها
شيماء:اها يا راسى بتوجعنى اوى هو اى اللى حصل انا فين
فاهر: حمد الله على السلامه
شيماء باستغراب من كلامه:اى؟؟
وحطت أيدها على رأسها تانى حست أن راسها متجمده كان فى مرايا فى الأوضه شيماء بصت فيها لقت راسها مربوطه استغربت اوى وسؤال واحد يدور في رأسه هو اى اللى حصل واى اللى جابها هنا وهى مش فاكره حاجه لي
فاهر: متقلقيش محصلكيش حاجه
شيماء:ها
فاهر:مش انتى دلوقتي بتفكرى اى اللى حصلك واى اللى جابك هنا ولي مش فاكره حاجه
شيماء بصتله باستغراب وصدمه:عرفت ازاى انى بفكر فى ده
فاهر:بيان عليكى اوى المهم انا لما ادتلك على العصير كان فيه منوم عشان اخليكى تنامى عشان كنت عارف انه من غيره مش هتعرفى تنامى وبعدين شلتك وجبتك هنا واتعملك عمليه
شيماء باستغراب:عمليه اى
فاهر: زرع شعر
شيماء:اى؟؟!!!!!!!
فاهر: الحمدلله العمليه نجحت وخلال شهر ولا اتنين شعرك هيرجع طبيعي زى الاول وانا حبيت اعملهالك هنا عشان هنا ضمان اكتر عن مصر
شيماء:لي
فاهر:هو اى اللى لي
شيماء: لي عملت كده
فاهر اقعد قدامها وبسخريه:أصله بصراحه مينفعش مرات فاهر البديري تكون من غير شعر
شيماء حست بالإهانة اوى وكان نفسها تعيط
فاهر: مينفعش مرات فاهر البديري واحده من غير شعر ولا انتى اى رايك
شيماء:منا بقيت كده بسببك
فاهر:ششش اخرسى يالا خدى علاجك وارتاحى ومش عايز دوشه كتير
وسابها وطلع اول مطلع شيماء فضلت تعيط
شيماء ببكاء:يارب لي كده هو جيبنى هنا عشان يهنئ يارب
*********
فى مصر فى الصعيد فى سرايا هاشم
خالد رجع من بره لاقى فريده قاعده سرحانه
خالد:سلام عليكم
فريده خدت بالها أنو خالد رجع
فريده: وعليكم السلام ورحمه الله وبركاته
خالد:لسه صاحيه لي
فريده:مش جيلى نوم
خالد:اممم طيب ينفع اقعد معاكى شويه
فريده:اها طبعا
خالد اقعد قدامها
خالد:فريده كنت عايز اقولك حاجه
فريده باستغراب:حاجه اى
خالد:انتى أنهارده كنتى واقفه شبه نايمه كان باين انك فى عالم تانى وعماله تقولى كلام مش مفهوم
فريده باستغراب:كلام اى
خالد:كنتى عماله تقولى نار حاجه زى كده
فريده بصت لخالد باستغراب وصدمه بس متكلمتش
خالد:فى اى هو فى حاجه انتى مخبيها عليا
فريده:لا مفيش حاجه بس انا مش عارفه لي بيحصل معايا كده
خالد:يعنى دى اول مره يحصل معاكى كده
فريده:لا دى خمس مره يحصل معايا كده
خالد:طيب لي مروحتيش لدكتور
فريده:كل مروح لدكتور يقولى انا كويسه مفيش فيا حاجه
خالد:امال اى اللى بيحصل معاكى ده
فريده:مش عارفه انا حاسه انى خايفه وتعبانه انا باردنه اوى
خالد:باردنه ازاى احنا لسه فى اخر الصيف
فريده:مش عارفه انا باردنه اوى
فريده بدأت تحرك أيدها على جسمها بطريقه غريبه
خالد:انتى كويسه اجبلك دكتور
فريده:انا خايفه اوى وباردنه اوى
خالد حضنها وفضل يطبتطب عليها عشان تهدأ
خالد:اقرالك قران امكن ترتاحى
فريده هزت راسها بمعنى ايوى
خالد شالها وحاطه على السرير وغطاها وراح جاب مصحف ورجع واقعد جنبها وبدأ يقرالها قران بصوت عذب قرالها هود ويونس وخلص وبص عليها لقها راحت فى النوم قام ورجع المصحف مكانه ورجع تانى اقعد جنبها فضل يبصلها لحد ما راح هو كمان فى النوم
********
مر شهر ونصف علي كل هذا دون أي أحداث سوي ان نورهان قامت بتأجيل فرحها حتي تتعفي صديقتها تمام مع تذمر منذر لكنه اقتنع بالاخر .. وبقي فاهر وشيماء في لندن حتي استمرار علاجها .. ، والحالة بينهم في جفاء ....
***********
في يوم زفاف رحيم ...
فى قصر البديري بعد صلاه المغرب
مصعب ويامن ومتيم واليأس دخلوا بعد مصلوا المغرب فى مسجد قريب منهم
مصعب:يالا اجهزوا بصراحه عشان نروح لرحيم
الياس:تمام ربع ساعه واكون جاهز
متيم:وانا
يامن:وانا هروح اجهز واقول ليارا بالمره
الياس:انت هتجبها معاك
يامن:اها
مصعب:طيب يالا بسرعه
يامن:تمام
كل واحد طلع على اوضته يجهز ويامن راح ليارا وقالها تجهز عشان تروح معاهم وهى وافقت
فى جناح مصعب
مصعب خلص لبس وطلع فونه واتصل بسما وبعد محاولات ردت
مصعب بقلق:انتى كويسه
سما بخجل:اها
مصعب بارتياح:امال مردتيش من الاول لي
سما: كنت جوه مسمعتش الفون
مصعب:طيب الحمد لله المهم
سما:فى اى
مصعب:انا رايح دلوقتي فرح واحد صحبى وعايزاك تيجى معايا
سما بخجل:انت اكيد رايح انت وأخواتك انا اجى لي بقا
مصعب:يامن ويارا رايحين عشان يارا متكونش لواحدها بينا يعنى وكده
سما بغيره حولت تدريها:وهى اسمها يارا كده حاف مش دى المفروض زوجه اخوك المستقبليه يعنى المفروض تقول عليها مدام يامن البديري
مصعب فهم أنها غيرانه واحب يستفزها:وانتى مالك اتعصبتى كده لي
سما بخجل وفهمت أنه فهم أنها غيرانه:وانا اتعصب لي
مصعب:هههه هعدى عليكى كمان ربع ساعة تكونى جاهزه تمام
سما:تمام
مصعب:خلى بالك من نفسك ولو حصل حاجه كلمينى حالا
سما:حاضر
مصعب قفل ولسه هيلبس جاكيتوه الباب خبط
مصعب:ادخل
يامن دخل
يامن:بقولك ممكن تطلب من سما انها تيجى معانا عشان يارا متكنش لوحدها بس
مصعب:انا طلبت منها فعلا انها تيجى وهعدى عليها اخدها دلوقتي وبعدين متنطقش اسمها على لسانك اسمها مدام مصعب البديري تمام
يامن:ماشى تمام عن اذنك اسيبك تخلص لبس
مصعب لبس جاكيتوه:انا خلصت وانت
يامن:وانا كمان خلصت
مصعب:طيب يالا ننادى على الباقى ونمشى
يامن:ماشى يالا
كلهم جهزوا ونزلوا وراح كل واحد على عربيته الياس خد متيم معه فى عربيته ومصعب مشى يجيب سما ويامن خد يارا معه فى عربيته
******
فى فيلا منذر
قدام عربيه منذر
منذر بتذمر:بالذمه ينفع كده
نورهان:ههههه فى اى
منذر:مفيش حاجه يختى يعنى بكره فرحنا وكلو جاهز وصحبتك جايه تتجوز انهارده اى النحس ده
نورهان:هههه طيب واى دخل كل ده فى فرحنا
منذر:كنت عايز أنام بدرى
نورهان: اى؟؟؟؟؟لي؟؟؟؟
منذر:عشان افضل نايم لحد نص نهار
نورهان باستغراب:لي
منذر:عشان مش هنام بكره وغمزلها
نورهان بخجل:انت قايل الادب
منذر:منا عارف ههههه يالا اركبى يستى احنا لسه هنعدى عليها
نورهان:اها يالا بدل منتاخر
منذر:اركبى
نورهان ركبت ومنذر ساق لحد بيت نرمين ووقف واستنوا انها تنزل وفضلوا واقفين شويه لحد منزلت نرمين وهى لابسه فستان نبيتى ضيق من فوق لحد الخصر ونازل على واسع وفى حزام اسود ولبسها طرحه سوده عليه كان شكلها حلو اوى
نرمين ركبت وراء
منذر:هو انتى متاكده انك عروسه يبنتى
نورهان:هههههه
نرمين بعدم فهم:اها لي
منذر:ياناس فهمونى فى عروسه تلبس اسود يوم فرحها اى الشلل ده يارب
نورهان:هههههه
نرمين:عجبك ولا مش عجبك
منذر:مش عجبنى
نرمين:انا مخدتش رايك اصلا
نورهان:ههههه بوم
منذر: استغفر الله العظيم يارب يارب صبرنى بدل مخلص عليهم وارتاح
نرمين:اخلص سوق وانت ساكت
منذر:طيب
نورهان:هههههه
منذر:بطلى ضحك
نورهان:مش قادره الصراحه هو انتو مش هتبطلوا شغل الاطفال ده احنا كبرنا
منذر:فكرتينى بزمان لما كنا نلعب مع بعض كنا دايما نتخانق انا ونرمين كنتى لطيفه اوى وانتى صغيره اللى حولك كده
نرمين:وانت اتغيرت لما كبرت بردو ولا اى الزمن بيغيرنا
منذر وافتكر اى اللى حصل خلها يتغير كده:الزمن فعلا غيرنا
نورهان:يالا بقا هنتاخر
منذر:ماشى يالا
نرمين قاعده سرحانه ومنذر ونورهان بيتكلموا
فون نرمين رن برساله كانت من رحيم
رحيم:خلصتى ولا لسه
نرمين ردت عليه:اها
رحيم بعتلها رساله تانى:قربتى توصلى
نرمين:اها خلاص خمس دقايق واكون عندك
رحيم:تمام
**********
_ نرمين جمال _