Umeed-e-Seher

Episode 12

Marij ne zoya ko kaha tha woh usae aj drop kr day ga, woh university ki taraf aya hua tha...

Thori dair mei woh a gya tha us k saath Ahsan or shaheer b thay.

Zoya ne dheemi awaz mei Ahsan k salam ka jawab dia.

Shaheer chah kr b usae nazar andaz na kr saka jis ne kisi or se ki gaye ziyadti ka badla us k jazbaton ki touheen kr k liya tha..Zoya jo bazahir to lataluq si khari thi lakin apnae upr uski gehri nazrain mehsoos kr rhe thi..

"Shariq Uncle ki tbyat kaise hai ab" Marij sawal to Ahsan se kr rha tha
Lakin woh zoya k tasurat notice krna chah rha tha

Is tarah achanak istefsar pr Ahsan b chonka  tha.
Zoya k tasurat se andaza lagana mushkil tha k us k maan mei kia chal rha tha.

"Chalo hm kuch din tk chakar lagatae hain... uncle ko b to intezar hi hai"
Ahsan k jawab dainae pr Marij  hm pr zor daitae huae bola..

==*==

"Buhat lambi saza katti hai Shariq uncle ne woh b us gunnah ki jo unhn ne kia hi ni or yh baat tmhain mujh se behtar fatima maa se pata chali hogi.......aik beti ka hona jis ki shakal tk woh na daikh sakay.jis ki awaz sunnae k lye woh tarap gaye...........unhn ne to kisi se be-wafai tk ni ki.....Janti ho jb se unhain tmharay baray mei pata chala..tb se hr dafa mei jb b jata hn mujh se tmhari baatain krtae hain...intezar hai unhain tmhara, isi lye to  hmesha mje akailae daikh kr unki umeed toot jati hai"
Marij itnae dino se zoya se baat krnae ka soch rha tha, aj mauqa munasib daikh kr woh usae samjhanae laga..

"Kuch din faisla krnae k lye lo...phr hm chalain gaye unki taraf...zaruri ni jo hm sochtae hain halat waisae hi hn...fatima maa ne sb Shariq uncle k sakun k lye kia tha. lakin janti ho unka sakun tm ho.....isae pehlay zoya dair ho jaye, agay buhat sa waqt nikal chuka hai..."

=*=
Marij or Mausi maa k ba-raha samjhane pr woh is faislay pr pohanchi thii..yahan a to gaye, abi b woh ajeeb se waswason ka shikar thi....

"Phr kabhi a jayen gaye, abi wapis chaltae hain"

Shariq mansion ki dehleez k qareeb pohanch kr us k qadam tham gaye thay... himmat krnae k bawajud b woh agay ni ja pa rhe thi...isi lye woh Marij ko wapis chalnae ka kehnae lagi.

Marij ne usae samjhane ki koshish ki..lakin zayada zor ni dia woh usae kisi zehni dabao mei ni anay daina chahta tha jo us k lye khatray ka bais banay..

"Please, phr a jayen gaye... mei aj undr ni ja paon gi"

Is se pehlay woh koi faisla krta pechay se anay wali awaz ne un dono ko us taraf mutwaja kr dia

==*==

Shaheer jisae Marij aj anay ka bta chuka tha or kuch baaton ki talqeen b ki thi..

"Kun yahan adam khoron ki rehaish hai....jo ap ko khorak banane ka irada rakhtae hain....yah yh apki andr mojood logon k baray mei raye hai, waisae b oron k baray mei ap khudsakhtae raye rakhnae mei mahir hain"

Woh zoya ko is tarah ruktay daikh kr or phr us k is tarah k andaz ne usae taish dila dia tha. us k lehjae mei sakhti dar aye thi thi.

"Hm undr hi ja rhae thay..tm hmray rastay se hatto to sahi...or baksh do meri behan ko, is bechari ka qasoor ni woh kya hai na meri behan ka paala abi tk is khandaan k jis sapoot se para hai woh usae adam khoron se kaam laga ni"
Marij us k is tarah tapnae pr mehzooz hotay hua bola

==*==

Zoya abi b apnae makhsos andaz mei  Shaheer k saath paish aye, mukamal tor pr nazarandaz kr k.

"Ab to hr rastae mei main hi milon ga, kun k hr rasta meri taraf hi aye ga..or rhe bakshnae wali baat......
mei itni asani se bhulta ni.."

Akhri jumla zoya ki ankhon mei daikh kr bola tha.
Shaheer k mun se yh alfaz sun kr zoya thatki thi.. woh yh keh kr agay barh gya

Marij pehlay se hi thora agay tha woh ahsan or waris se mil rha tha... isi lye shaheer ko sun ni paya....

Zoya ko laga tha shaid Shaheer ab agay barh gya ho ga, waisae b janti thi kitni ladkian jo shaid hr mamlay mei usae kahin gunna behtar thi Shaheer ki dewani thi..

Zoya yh bhul gaye thi k woh Shaheer sikander Shah ki muhabbat hai, jisae woh akhri dam tk dastbardar ni honay wala tha.

==*==
waris ne agay barh kr us k sir pr haath rakha tha..
Waris or Ahsan usae jis khush ikhlaqi se milay , lag hi ni rha tha k un k saath uska sotelay pan ka taluq hai.

Marij usae liye huae shariq uncle k room ki taraf barha..

*****************************
========================

************************
Sorry for being late
Your feedback matters alot