💎قصة قصيرة 💎
بعنوان :🎀مبغيتش الخضاار بغيت اﻹخواني 🎀
💞البارت الثاني💞
بقات واقفة عند باب جامع كضور في عينيهاا لخرج شي شاب تلاتيني كتمشي تقصدو
سكينة : سلام عليكم أخي بغيت نسولك
شخص:مرحبا اختي
سكينة : واش كتعرف عبد اللطيف الزياني أبي راني كنتسناه معرفتش واش خرج ولا لا
شخص : لا اختي معرفتوش
سكينة: جزاك الله خيرااا اخي الله يخلي ليك وليداتك (هذه منهجية باش تعرف واش مزوج و والد ولا لا )
شخص :أمين أختي جزاك الله خيرااا
سكينة : بسلامة عليك
مشا شخص لور ضورات عينهاا تاني وقفت عينهاا على واحد بوكوص لابس جلابة بيضاا مخيطا بالحمر وصلاية في يدهاا سكينة : أخي سلام عليكم ممكن نسولك
شخص : نعم مرحبا
سكينة : واش كتعرف عبد اللطيف الزياني
شخص : اه كنعرفو من أطيب النااس
سكينة : اه شكراا هدا أبي واش خرج من جامع ولا مزال حيت ملي صليت وخرجت وانا نتسنا فيه مزال مخرج
شخص: لا ليوم مجاش لجامع اختي
سكينة : وخا اخوياا جزاك الله خيرااا الله يخلي ليك ولادك
شخص : ههه هانية ولكن معنديش ولاد
سكينة :هي نتا ممزوجش
شخص : دبا لا ولكن من هنا لسيمانة غادي نخطب
سكينة :😱 الله يتبعك البلا نتا وياهاا
شخص : اش قلتي
سكينة : قلت ليك الله يكمل بالخير اخوياا بسلامة عليك
شخص: 🙂 شكراا بسلامة عليك
سكينة شدات طريق لدارهم وهي غادية وكتسب
سكينة : قالك مخطوب سير بغيت ليكم عكس حتى فرحت وقلوبة خرجو من عينياا 😍 و خرجو ليا جناوح🧚🏼♀ باش نطير انا وياك لجنة ونتا تقطع ليا كلشي بغيت ليك البرص في مؤخرة الله بغيت لخطيبتك هاد عوجة لغادي تخطبهاا زلقة وطيحة وسط شارع اي اااي ومي الله ياربي واش انا خطيبة ديالو باش نزلق ونطيح دعيت في جعواقة ديال خطيبتو وخرجت فياا انا وامي رجلي
شخص: اري يدك نوضي
سكينة :هداا نتا تاني واش كنتي تابعني
شخص :(لقال ليها غادي نخطب ) نتي لكنتي تبعاني انا طريقي هادي ونتي راك ساكنة في زنقة لخراا
سكينة: ونتا مالك سوقك بغيت نطلع لسوق نشوف راجلي الخضار
شخص : لا نتي مزوجة
سكينة : شد شد نوضني انا نعاود ليك
شخص : انا نسمع
سكينة : عفاك اخوياا اش سمااك الله بعداا
شخص : محسن
سكينة : ايه هنتا بغيت علامن نفش قلبي ونعاود ليه كلشي اش بان ليك نمشيو لشي قهوة تخلص علياا كافي كريم غير ب10درااهم وانا نعاود ليك كلشي يااله
محسن ؛: ههههه وراه نتي لخاصك تعرضي عليا
سكينة : بنت ليك هازة شي صاك شي بزطام
محسن : لاا
سكينة : دباا اشنو باغي تسمع مالي ولااا
محسن : ياله زيدي زيدي قدامي
سكينة : شد هاد صلاية بعداا نحلق على راسي مربنا نلقا ليباغا في قهوة
محسن : اري لهن
قدات شال ديالها وصوبات جلبتاها
سكينة : ياله ياله وناري تشوفك خطيبتك معايا تنتفني وانا مقادة على نتيف
محسن : هههه فين هاد خطيبتي راني ياله دويت مع باها سيمانة جيا عاد نمشي نخطب
سكينة : مزيان الله يسر
محسن : اجي ندخلو هنا
دخلو غلسو
محسن : جيب ليها اخويا لأخت كافي كريم وانا كافي نص نص
سكينة : اخ على سقراام لا حلوى لا والو مع قهوة مهم نعاود ليك دبا
محسن : انا نسمع
سكينة : اول حاجة انا راني غالسة معاك دبا ماشي حيت انا بنت الزنقة لا غالسة معااك حيت بغيت نخوي قلبي ملقيت علامن نخويه انا بنت بنت دارنا كنلبس طويل شعري ميشوفو حد
محسن : أما بعد
سكينة : لقوة سكت دبا أبي باغي يزوجني بخضاار كيبيع الخضرة وانا بغيت راجل اخواني هدا حلمي ودباا ابي عطاني فرصة سيمانة باش نجيب شي راجل اخواني اولا يزوجني بالخضاار من هنا لسيمانة وانا اخواني لنشوفو يطلع مزوج زهري معوج
محسن : علاش بضبط بغيتي اخواني
سكينة : بغيت اخواني ندير شي خطأ يرجعني لطريق ماشي بحال شي واحد عادي حتى دعااء زوااج معرفو اخ على بنادم ولا باغي ياكل ويفرغ شهواتو لا صلاة ولا قراءة القرأن
محسن : ونتي كتصلي وكتقراي قران
سكينة : وا بنادم انا قبلية لاش كنت في جامع كنت نطلب نزيدك راني حافظة 25 حزب ومزال كنحفظ
محسن : تبارك الله
سكينة : يالله خويت قلبي عليك وعاودت ليك لكين ياله خلص نمشي نزق لعشتنا راني مدرت فيهاا ميصلاح خارجة مع راجل وشاربة معاه قهوة
محسن : هههه لا متخافيش متحسبش ليك إثم حيت نيتك صالحة اﻷعماال بالنياات ههه
سكينة : شكرا ليك بسلامة عليك
خرجاات سكينة غاديا وتسب في خضار لغادي تقتلو بدعا قبل متشوفو وخلات محسن في قهوة كيضحك على هباالها وقال في خاطرو دبا تفرحي غير صبري وربي غادي يحقق ليك أمنيتك
يتبع😘
YOU ARE READING
💎 مبغيتش الخضار بغيت الإخواني 💎
Humor💎 قصة قصيرة 💎 سكينة بنت بقا بلا زواج والحلم ديالها تزوج بإخواني ولكن مجابش لها الله خرج ليها واحد خضار من الجنب باغي يتزوج بهاا وفي الأخير غادي توقع ليها أحسن حاجة في حياتها كنتمنى توقع نأي وحدة عندها حلم بحال سكينة. هاد القصة ختاريت ليها عنواان...
