💎قصة قصيرة 💎
تحت عنوان : 🎀👑مبغيتش الخضار بغيت اﻹخواني 👑🎀
لالة زهرة : جيتي خارجة تصلي العصر صدقتي مصلياا معااك عشاء
سكينة : ايه بقيت كناخد دروس من عند امام
لالة زهرة : الله يمصخك دخلي دخلي
عبد اللطيف : امضراا لقيتي اخواني ليباغا
سكينة : بلاتي مبغيتش نزرب راه مزاال وقت اجي ابا هااد خضاار كيصلي
عبد اللطيف : اه كيصلي وديما في جامع واناقة ضرافة
سكينة : اه محولي شفتو ليوم في جامع
عبد اللطيف : اش قلتي ابنيتي
سكينة : هاد الخضار واش ديال الحومة ديالناا ولا لا
عبد اللطيف : لا في حومة لخرااا شافك خارجة من جامع ودزتي من تم وجا قالهاا لياا راجل مزياان مفيهش ميتعااب ولد ناس
سكينة : اه مزياان وانا بغااه اخواني ا أبي وماما جعت
لالة زهرة : حطي ديك جلابة وسخني داك طاجين اري ناكلو
سكينة : وخاا دباا
ماهي الا 14 دقيقة كانت سكينة في بيتهاااا متكية على مخدة وكتدكر تفاصيل محسن ومبهورة فيه
سكينة : اح اقلبي كون مكنتيش ناوي تخطب كون دورت بيك سمطة سعدات لغادي تاخدك ايه اسكينة هادي لغادي تاخدك غادي تعيش في نعيم وحب وحلال ونوض بركا من حلام نعس حيت غدا خاصني نمشي لعقيقة ديال سلوى نفكر بعدا اش غادي نلبس عاد نعس غادي نلبس قفطاني كحل مخيط بصم باج وشال باج وصندالتي عالية باج وصاكي صغير باج وندير الينر وعكر حمر غير شوية باش ميبانش بزااف اح جيتي
فقت مع صباح اخوتاتي فطرت دوشت لبست وقاديت الحالة كيما حلمت بيها لبارح
سكينة : امي طلعي لواحد 200 درهم
لالة زهرة ': لاش بغيتيها
سكينة : وا امي زرورة ملي ناس يبداو يعطيو في كدوات اش نعطي انا نعطي يدي خاويا نسلم عليهم ونخرج
لالة زهرة : هاكي والله ميجي باك وترضيهاا ليا حتى نتفك
سكينة : امي مالك قديمة انا بقا ديال نتيف
لالة زهرة ': نتي راك ديال الهراوة والزرواطة والسيوفة مبقاتش تقدي فيك اليد ( تحية لماماتي من هاد منبر نحبك اماماتي الله يخليك لياا )
سكينة : ههه طيرتيني اميمتي انا ماشية لعقيقة مربنا نلقاا شي منشد تم إخواني نتزوج بيه
لالة زهرة : سيري ابنتي وحظي راسك الله يبعد عليك ولاد حرام
بست راسها وهزيت جليلي ودردبت لقاعة سلوى راجلها ميسور الحال كانوا ديرين جوج قاعات متنقلات وحدا لرجال ولخرا لعيالات كانوا جيبين منشدين رجال ياسدة جلالب ولحية مطراسية داك شي أجي شبابين كانوا غالسين في قاعة رجال ومصلين مكبر صوت لقاعة لعيلات اخ علاش فرقونا كنت بغا نضبر على شي عريس غفلة منهم الله يا سلوى نشوفك ناكلك
سكينة: سلوى ختي
سلوى : سكينة أهلن مرحبا بيك
سكينة : ترحب بيك الجنة اختي مبروك عليك اش غادي تسميو خنفوس
سلوى : سماه باه يعقوب
سكينة : يربى في عزكم ياربي ان شاء الله
سلوى : امين حتى نتي الله يرزق الذرية الصالحة
سكينة : امين كنت ناوية ندي راجل من هنا ليوم سعا تصدمت لقيتكم مفرقين رجال على نساء مالكم اختي
سلوى : هههه ضحكتيني اصحبتي راه راجلي لبغا هكاا
سكينة : دبا انا محلقة على حالة ومقادة وفي لخر ميشوفني حد
سلوى : هههه اجي معايا ندخل يعقوب لباه وتمنضري شوية ونخرج دغيا دغيا
سكينة : اه عفاك غير طليلا
سلوى : ياله قدامي
مشينا هزات يعقوب ودخلنا لقاعة رجال ياحليلي بديت نضور في عيني حتى جات عيني في عين محسن لكان مخرجهم فيا وكارز وعلى سنانو اح شحال كان فن جالس وسط مجموعة اﻹنشاد لبس جلابة زرق ومخيطة بلونها وطقية بيضا يالله كم هو جميل انا غاديا انا سلوى عند راجلها لكان وسط رجال وعيون رجال كلها عليا صراحة معجبنيش الحال حيت كانوا كيشوفو فيا درت فتنة ياسدة حرام عليا وصلنا يعقوب لاب ديالو وخرجنا ضرت نسرق نضرة لمحسن سعا ملقيتوش
سكينة : اخ اخ اسلوى علاش دخلتيني معااك كرهت هاد موقف
سلوى : نتي لبغا دخلي انا مالي نخليك نمشي نشوف ضياف مرحبا بصحبتي
سكينة : ترحب بيك جنة حبوبتي
مجيت فين نكمل هضرت حتى حسيت بيد جراتني على جهد حتى تضربت مع حيط ياسدة انه اﻹخواني
محسن : سكينة اش هاد شي درتي
سكينة : اش درت تاني و حيد ايدك بعدا
محسن : داخلة وسط رباعة ديال رجال كاملين كيشوفو فيك
سكينة : حياتي هاديك ونتا مالك اش دخلك اصلن دخلت مع صحبتي لا غير وراه عادي
محسن : كيفاش عادي واش نتي مخليا رجال كاملين يشوفو فيك وكتقولي عادي فين هي سكينة خلوقة لمكتهضرش مع رجال ولبغا تزوج اخواني
سكينة : اي حاجة قولها عليا الا باش تقول ليا بلي انا ماشي خلوقة منسمحش ليك 😭 حتى ملي كنت داخل عرفت راسي درت الفتنة ولكن اش ندير سيدي ربي خلقني هكا ولمت راسي قبل لا تلومني نتا وزيادة على دلك منسمحش لشي واحد غريب يهضر معايا هكا ولا يعاملني بهاد طريقة شكون نتا كااع😭 سير ديها غير في خطيبتك غادي تكون هي فتنة بحد داتها
قاطعها محسن بواحد مولاتي ملوية عرفتوها اش ناهي ياك تصرفيقة لهي طرشة صافي
سكينة :😭 هيء شكون نتا ولاش تعاملني هكا اش بغيتي عندي بعد مني
محسن : سكينة سمحيليا والله مقصدت انا منبغيش شي واحد يهضر بهاد طريقة على بنت لغادي نخطبهاا وغدا غادي تعرفي شكون انا
سكينة : بعد مني
محسن : سمحي ليا اسكينة
مسحت دموعي ودردبت لدارنا دخلت تسلت لبيتي سعا ماما حصلاتني
لالة زهرة : شفتك دغيا رجعتي علاش
سكينة :معجبنيش الحال راه كينين غير نسا الكبار مكينش بنات قدي مليت وانا نجي
لالة زهرة : ملي جيتي اجي نطيبو شي حلويات نخزنوهم
سكينة : وخا امي نيت مكين ميدار
حطيت قفطاني وشمرت على دراوعي وبديت في دليك وانا كنطلب في الله تكون هادي حلوة خطبتي انا بشي راجل اخواني ماشي الخضار طيبت يابنات صابلي فقاص غريبة كعب غزال ....
دخل ابي لقانا كنطيبو في حلوى
عبد اللطيف : زهرة زغرتي
لالة زهرة :علاش خبر الخير
عبد اللطيف : الخضار جاي غدا يخطب
سكينة: وابي فين هي سيمانة لتافقنا عليها
عبد اللطيف : يجي لمعجبكش بلاش والله منزوجو لبنتي بزز على راحتك
سكينة : صافي وخاا اوف منين خرج ليا هاد خضار تاني
عبد اللطيف :زهرة هاكي هفواكه
💞يتبع💞
VOUS LISEZ
💎 مبغيتش الخضار بغيت الإخواني 💎
Comédie💎 قصة قصيرة 💎 سكينة بنت بقا بلا زواج والحلم ديالها تزوج بإخواني ولكن مجابش لها الله خرج ليها واحد خضار من الجنب باغي يتزوج بهاا وفي الأخير غادي توقع ليها أحسن حاجة في حياتها كنتمنى توقع نأي وحدة عندها حلم بحال سكينة. هاد القصة ختاريت ليها عنواان...
