💎قصة قصيرة 💎
💞مبغيتش الخضار بغيت اﻹخواني 💞
زهرة : انا غادي نوجد كلشي
عبد اللطيف : ياله انا مشيت
سكينة : ماما دبا انا سخيت بيكم تعطوني لخضار
زهرة : لواه ابنتي انا مكرهتش كون بقيتي معايا طول حياة ولكن راك عارفة ضروري خاصك تزوجي شي نهار
سكينة : الا معجبنيش منتزوج بيه
زهرة : اه ابنتي مالنا حنا غادي نبزو عليك شي حاجة لا
سكينة : الله يدير لفيها الخير ياربي ماما انا طالعة لبيتي مبغيتش نتعشا بلا متعيطي ليا
جمعت الحلوى لطيبت في سوبيرات وطلعت لبيتي دوشت وتكيت على مخدتي تفكرت التصرفيقة لعطاني محسن وهضرتو لخلات بصمة في قلبي وقررت نلبس خمار حيت بالفعل البنت كتدير فتنة في الرجال غير مجرد باش يشوفو يدها راه فتنة درس كبير تعلمتو اليوم حجاب فريضة وخاص بنت تلتازم بيه خديت هاد قرار حفظت 10 اياات ونعست متأملة صباح جديد واحدات رائعة
هبطت فطرت وجمعت الدار انا وماما ودخلنا لكوزينة هي طيبت دجاج ولحم وانا طيبت بسطيلة وصوبت شليض ماهي الا ساعتين كملنا كلشي
سكينة : اوف واخيرا انا طالعة ندوش من ريحة طياب
زهرة : اه وخا سيري
طلعت دوشت ودهنت لحمي ولبست فراشة ديالي واسعة في زرق مكتبينش فورمة ديالي ودرت شالي دوزت ريسل جبدت شفراني وغلوص خفيف وهبطت لقيت ماما لبسا قفطان باج وبابا لابس جلابتو وغالسين يتسناو في صالة حتى دخلت عليهم
سكينة : امالكم غالسين بحال لفي كنازة وطلقوهاا
زهرة : أعوذ بالله من شيطان الرجيم الله يتبعك البلا شلا مقلتي
سكينة : وراني ممزوجاش اعبااد الله غادي نشوفو صافي
عبد اللطيف : صافي غير شوفيه ومديريش ليناا الشوهة ليوم والله منزوجك ليك غير تهناي
سكينة : صافي وخاا مشات
زهرة : نوض اعبد اللطيف حل باب نتي طلعي لبيتك
سكينة : وخا
طلعات سكينة لبتهاا ومشات حلت شرجم طل منو لقات غير برد
سكينة : اخ منو زربان مقدرش يبقاا غير شوية عند باب حتى نشوفو
سمعات سكينة زغاريت وصلى وسلام على رسول الله
سكينة : من نيتهم هاد العبد ديرين هاد الحالة على والو
جبدات سكينة صلاية ديالها وعباية ديالها وصلات صلاة اﻹستخارة وطلبت من الله يرزقها الراجل لكتمناه اخواني ملتزم رجل دين بمعنى الكلمة صلات من صلاتها حلت زهرة عليهاا باب
زهرة : سكينة اجي هبطي ناس كيتسناو فيك
سكينة : لن اتزوج الخضاريا اماه تيقي بي لن اتزوجه
زهرة : في راسي وحفظت ديك كسيطة والله تشوفيه كيف دير غادي تكرزي عليه بسنانك
سكينة : وماما وخا كمال سويديري ولا امير كوزيو اغلو انا بغيتو اخواني فهمي
زهرة : حتى هدا اخواني زين تبارك الله عليه غير هبطي دبا شوفيه
سكينة : وخاا
هبطات سكينة وهي خاشية راسها لتحت وصلت لصالة سلمات على ام عريس كلثوم واختو مريم وكتافات لرجال بسلام من بعيد بدون ان ترى وجه اي احد كان هناك
غلسات وهي حشمانة راسها لارض كتعض في سنانهاا وتهضر في خاطرها
سكينة : ويلي ويلي اش هاد موقف ياسدة ياكرام فين مشات جبهتك اسكينة هزي راسك شوفي ليا هاد خضار كدير وناري مقدرتش ياربي مو متبغينيش راني مبغيتش الخضار بغيت الإخواني
قاطعت كلثوم تفكير سكينة
كلثوم : تبارك الله ازهرة بنتك زوينة تبارك الله عليهااا الله يحجبهاا ليكم
زهرة : امين احاجة بنتي مكينش بحالها في صواب واخلاق وكلشي
كلثوم : تبارك الله بينا فيها الله يسترها ويحفظها
زهرة : امين يارب
احمد (اب خضار ): سي عبد اللطيف راك عارف لاش جيناا عندكم ليوم جينا على قبل بنتك سكينة لولدناا بنتك عجباتنا و ولدنا عجبتو وقال لينا منها نخلاق وبغاها هي لتكمل ليه دينو
سكينة ( كتسمع وتهضر مع راسها ): تجيكم في راس باغي يكمل دينو بيا ويمشي يصلي ويتقا الله اش بغا بشي زواج قال ليك منها نخلاق والله مك حتى نحرر عليك عيشة غير بلاتي
عبد اللطيف : ايه اسي حمد مقلتي عيب هابنات قدامكم تفاهم مع الولد وهي تقرر انا منقول والو هي لتاخد قرار
كلثوم : لالة زهرة ولدي بغاا يهضر مع بنتكم سكينة واش تسمحو ليه
زهرة : ايه ضروري ميتفاهمو نوضي ابنتي سكينة هضري مع ولد
سكينة : وخا امي
خرجات سكينة من صالة وعريس الغفلة تابعها وكيضحك عليهاا حيت كانت كتهضر بصوت مسموع شوية
سكينة : غير زيد زيد والله حتى نحررها عليك ياربي سيدي ربي شكون هاد خضار وراني باغا اخواني اسيدي ربي راك عارفني وعاوني
وصلات لبيت دخلات وهو يدخل خضار من وراها وهو يسد الباب هزات راسها وهضرات وهي معصبة ومصدومة
سكينة :😳 متسدش ال ال ال
....؛: هضري مالك
سكينة : الباب حرام تسدو
...؛: عارف بلي حرام نسد باب وبلي مخاصنيش نخلو بيك وخاص ضروري يكون بيناتنا محرم من محارم ديالك ووو واسكينة واش نتي معايا فين مشيتي
سكينة : م م مح مح
....: محسن اااه محسن
سكينة : كيفاش نتا هو لخضار
محسن : كون خليتي باك يهضر ليك عليا كنتي غادي تعرفي بلي انا محسن خضار كنيتي ماشي مهنتي وفهمتي دبا
سكينة : لااا لااا شكون نتا دبا
محسن : هههه بقا مصدومة معليش انا محسن الخضار ولكن ماشي خضار عضو من فرقة انشاد عمري 23 سنة واخواني من فوق بقا شي حاجة اخرى ناقصة
سكينة : دبا هادي كنية الخضار ههه
محسن : هوهو ايه كنيتي وافتخر بيها
سكينة : مزيان هه
محسن : وغلسي راني عيت بوقفة يعطك الستر
سكينة : وخاا
محسن : سكينة واش موافقة تزوجي بيا
سكينة : علاش ختارتيني انا بضبط
💞يتبع💞
YOU ARE READING
💎 مبغيتش الخضار بغيت الإخواني 💎
Humor💎 قصة قصيرة 💎 سكينة بنت بقا بلا زواج والحلم ديالها تزوج بإخواني ولكن مجابش لها الله خرج ليها واحد خضار من الجنب باغي يتزوج بهاا وفي الأخير غادي توقع ليها أحسن حاجة في حياتها كنتمنى توقع نأي وحدة عندها حلم بحال سكينة. هاد القصة ختاريت ليها عنواان...
