💎 قصة قصيرة 💎
📌 مبغيتش الخضار بغيت الإخواني 📌
سكينة : علاش ختارتيني انا بالضبط
محسن : قال رسول صلى الله عليه وسلم " تنكح المرأة لأربع لجمالها ومالها ونسبها ودينها "
سكينة : ولكن انا راني ماشي زوينة ومال راني ميسورة حمد لله ونسب راك عارف اب ديالي على قد الحال
محسن : وي عارف مفهمتيش المستفاد من حديت اسكينة
سكينة : لا شرح لي
محسن : يعني بغيتك لدينك ودين حا في مرتبة رابعة لبيان ان زين كيمشي ومال كيمشي ويجي مع وقت ونسب مع وقت مكيبقاش ولكيبقا هو دين وانا بغيتك على دينك واخلاقك اسكينة
سكينة : دبا فهمت ها علاش بغيتو إخواني ماشي خضار
محسن : هههه هاهو اخواني وخضار قدامك دبا شنو قبلتي عليا
سكينة : منكدبش عليك بغيتك تكون نصف ديني وتوجه الى صواب وتاخد بيدي للجنة
محسن : ودبا خديت جواب من عندك دبا نتي مخوطوبة ديالي سكينة نتي عارفة في دين بزااف الحويج وعارفة بلي راجل مخاصوش يخرج مع خطيبة ديالو ولا يمسها حتى يعقد عليها عقد النكاح وانا منقدرش نبقى مزال بعيد عليك مكرهتش نضيرو ضريب صدااق في هاد سيمانة الا بغيتي
سكينة : انا عطيتك الموافقة ديالي دبا خاصك تهضر مع امي وابي
محسن : وخا ياله نوضي نخرج عندهم
سكينة : وخا نتا لول
خرجو من بيت بتجاه الصالة
كلثوم : امضرا اوليدي اش قررتو
محسن : صلي على نبي
كلثوم : اللهم صلي عليك ارسول الله الف مبروك ليكم
زهرة : راي راي الف مبروك
احمد : مبروك علينا اسي عبد اللطيف
عبد اللطيف : مغاديش نلقا محسن من ولدكم لبنتي الله يكمل بالخير ( ابي حتى انا اسمو عبد اللطيف توحشتك أ ابي الله يخليك ديما فوق راسي تاج )
كلثوم : ودبا مبقا لينا غير يلبسو خواتم
زهرة : ايه
جابت زهرة بلاطو صغير فيه ورد حمر وجوج خواتم غزالين عبد اللطيف ركب الخاتم لمحسن واحمد ركب الخاتم لسكينة عرفتو علاش حيت اخواني ولا يجوز له ان يمس مخوطبته حتى يعقد عقد نكاح ( ياربي ترزقني واحد بحالو ياربي ) لبسوا خواتم وزهرة حطات الغداء اش منك يا بسطيلة دجاج محمر لحم بالبرقوق كلاو حتى شبعو وتافقو على يوم ضريب صدااق غادي يكون من هنا لاربع ايام ومشاو وبقات سكينة وزهرة وعبد اللطيف
زهرة : شفتي رزقك ابنتي جا حتال عندك ونتي كنتي ديعااا تقلبي عليه
سكينة : لمكتابة ليا جات حتال بين يديا حمد لله
عبد اللطيف : حمد لله محسن ولد ناس
سكينة : اجي ابي علاش كنتي كتقول ليا خضار
عبد اللطيف : حيت حنا كنقولو ليه غير سي خضار مكنعيطوش ليه بسمية ديالوا
سكينة : اه هكاك وانا كان ماشي ليا بالي بلي هو خضاار هههه
زهرة : كملتي ونوضي نتعاونو على شقة الالة مولاتي
سكينة : وزعمى نهار نهار ونتي بغا تزيديني لشقا اماما حراام في اسلام قطعاااههه ( غير ضاحكة ههه)
زهرة : واتي نوضي قدامي دبا نوري لبنتي حرام وحلال و نزيدك على مشروط
سكينة : وخااا وخااا هاني طلعا نبدل علياا هاد حالة ونهبط
طلعات سكينة ياكو لبسات بيجامتها ياكو وهبطت فرحانة وتغني ياكو وبدات تحك في ماعن وتمسح وترجعهم لبليصهم
زهرة : ايه منك اعفريتة كنتي غير بارح تغوتي مبغاش خضار بغيت اخواني وليوم شفتك تلفتي فيه
سكينة : هههه ماما واش في خبارك هاد محسن راه شحال من مرا كنتلقاا بيه عند جامع وهو لكان عجبني عرفتي نهار عقيقة ديال سلوى علاش جيت نبكي راه هو لضربني
زهرة : اويلي لاضربك اش درتي ليه
سكينة : امور سرية بين الراجل ومرتو امامي
زهرة : اوا الله يرزقو الصبر
سكينة : واخيراا ساليت
دازت ربعيام ياخواتاتي معمري شفت محسن ولا هضرت معاه حتى فقدت فيه اﻷمل ههه ليوم ضريب الصدااق لبست تكيشطة ديالي في زرق ودرت شال وهبطت لقيت محسن غالس ومعاه جوج رجاال لبسين جلالب وابي واحمد اب محسن دخلت قلت سلام عليكم وغلست حدا ابي سنيت على عقد نعم نعم ياسدة انه عقد نكاحي مع رجل الذي تمنيته في حياتي كملت وخرجت من صالة ديال ومشيت لصالة ديال عيالات سلمت على الكل وغلست كان مطلوقين امداح وشاي وحلويات وريحة بخور تفوح نعم اننا عائلة دينية نيها هاها بقيت غالسة وساهية حتى جات عندي امل خت محسن
امل : ختي سكينة محسن كيتسناك في بيتك
سكينة : وخاا
خرجت نجري طلعت عندو ايه شحال مشفتو ولا هضرت معاه توحشتو حبيب قلبي طلعت لبيت دقيت
سكينة : محسن محسن فينك
دخلت وجا من وراياا وسد باب عنقني
محسن : ممم شحال وانا كنتمنى هاد لحظة تكوني قريبة ليا ونقدر نمسك
سكينة : محسن عفااك طلقني غادي يجي شي واحد
محسن : وراك مرتي الهبيلة واصلن انا هنا وطلبت ادن من عند باك
سكينة : اش بغيتي عندي
💕يتبع...
YOU ARE READING
💎 مبغيتش الخضار بغيت الإخواني 💎
Humor💎 قصة قصيرة 💎 سكينة بنت بقا بلا زواج والحلم ديالها تزوج بإخواني ولكن مجابش لها الله خرج ليها واحد خضار من الجنب باغي يتزوج بهاا وفي الأخير غادي توقع ليها أحسن حاجة في حياتها كنتمنى توقع نأي وحدة عندها حلم بحال سكينة. هاد القصة ختاريت ليها عنواان...
