🎀 مبغيتش الخضار بغيت اﻹخواني 🎀
سكينة : اش بغيتي عندي
محسن : بغيتك تمشي معايا لداار اسكينة
سكينة : علااش غادي نمشي معاك اصلن بقا لعرس غير سيمانة ونمشي معااك خليني ندوز هاد وقت مع دارنا
محسن : وخا دبا حيدي زيف خليني نشوف شعرك 😉 لا تكوني كادبة عليا تكوني قرعة
سكينة : قرعة لهلا يحيك اولد ناس شعري راه واصل ليا ختال لخصر ديالي
محسن : واري نشوف
سكينة :وراه حرام امحسن
محسن : وناري على مراا عندي كان حراام نتي دباا مرتي فهمتي حيدي داك زيف خلاص
سكينة : وراني نحشم ومنقدرش
محسن : ويااه عارف انا هو اول واحد غادي يشوف شعرك
سكينة : اه
محسن: وحيديه ولا نحيدو انا
سكينة : حيديه نتا
حل ليها العقدة دياال الزيف وحيدو ليهاا شاف شعرهاا لكان طويل حد خصرهاا كحل
محسن : مشاء الله زوين
سكينة : شكراا دبا انا قرعة
محسن :لا أنا لقرع
سكينة : هههه وي صافي كملتي
محسن : مزاال
سكينة: اشنو
محسن : كين شي حاجة في عنقك انحيدهاا ليك
سكينة : وحيدهاا خلاص وشنو هي
قرب لعنقها وباسهاا
ملي باسني شداتني دوخة ورعشة وتغيليفة كنت غادي نسخف كنحس بفمو فوق شنيف يالله هذا منكر اش من منكر اسكينة راجلك هادي اول مرة يمسني شي واحد يالله على راحة تزوجت وتهنيت رجعت لوعي قول رجعنا لوعينا كانت ماما عند باب
سكينة : نعام اماما
زهرة : اجيو تغداو
سكينة : وخا اماما
سكينة :اوف اش درتي ليا نتا
محسن : مشفتي والو
سكينة : انا اصلن لاش طلعت عندك هناا اوف
محسن : ههه الحال ميشاور امرتي
سكينة : وياله نهبطو
محسن : وقادي حالتك اموصيبة بغا تشوهيناا
مشات سكينة عند مرايا
سكينة : اوف منك كيف رجعتيني
جمعات شعرها وقدات شالها محسن قاد حويجيو بحال لكانو في حرب نابيلون هبطو تغداو داز نهار بامداح بقات سيمانة لعرس سكينة كتهضر مع محسن غير في تيليفون دازت سيمانة كلهاا توجاد وتقديا لعرس ليوم العرس فقت بكري توضيت وصليت فجر وصبح وطلبت الله لبست قفطان بسلهام في بااج خرجت من دار وانا كنودع في دارناا حيت هادي اخر مرة غادي نرجع ليهاا كأني بنتهم غادي نولي مرت راجل أخر غادي نولي نجي كضيفة ماشي كبنت لعاشت معاهم ورباوها خرجت لقيت ماما عند باب هي وابي وعائلة عنقتهم وبقيت نبكي مسحت دموعي وركبت في لوطو ومشينا لصالون قداتني الكوافورة طلعت قوقة عين الحسود فيها عود اول مرة نشوف راسي زوينة لبست قفطاني الخضر ودارت ليا نكافة شالي وغطات ليا وجهي بشبكة خفيفة في بااج خرجت من عندهااا نيشان لوطو توجهنا لقاعة العرس وقفت لوطو عند باب قاعة
هبطت من لوطو وكلشي بدا يزغرت ويصليو على نبي لقيت عمارية كبيرة عند باب طلعت ليهاا وجاو عائلة كيتصورو معاياا هزوني ودخلوني لقاعة وانا كندير باي باي على اغنية " زغرتو يالبنات هاعروسة جات " من بعد هبطوني غلست في برزة كانت كبيرة غنة بالبيض وباج لقيت نقاشة غالسة ولوازم نقش حدهاا غلست نقشات ليا والناس محيحة قدامي محسن مبانش ليا في قاعة اكيد انه اخواني ياسدة هاهو جاي دخل تصور معايا وخرجنا لبست تكشيطة البيضا دخلني محسن وتصور معايا وخرج تاني بقا غير كيدخلني ويتصور معايا ويخرجني ختكم برزت غير بحدهاا هيء هيء ولكن سري انا لبغيااه اخواني وصلات لغوب طلع عندي محسن لبيت تغير ملابس
محسن : سكينة مغاديش تلبسيها راه مكروزة عليك بزااف شوفيها
سكينة : وراه عادي كلشي كيلبسهاا هكدا
محسن : الا بغيتي تبقاي لبساها ديري من فوقهاا شال طويل يغطي ليك جسمك من الفوق
سكينة : اوف وخا اش داني نتزوج بإخواني
محسن : وخضار من فوق ههه
سكينة : ههه صافي هكا مزيان ياله نهبطو
محسن : أحبك في الله هه 😘
دخلنا لقاعة على أنغام موسيقى " بارك الله لكما " شربنا حليب كليناا تمر لبسنا خواتم تصورناا وتصورو معانا عائلة وسلمت على عائلتي وبالبكا وخرجت من القاعة بالبكا ومحسن شاد ليا في يدي
على انغام موسيقى "خرجات العروسة بشدة دهبية الزين والجوهر وتاها هاهي العروسة زينة ونجمة في سماها الله يحفظها العالي حنات حناني ودمعو عينيها قولو ليماها ترضى عليها قولو لباباها لحجوب عليهاا دعي معاها ويطيع مبيها "(أغنية رائعة )
ركبنا في لوطو غاديا ونبكي ونشط في خينيني
محسن : دبا بغيت غير نعرف علاش كتبكي
سكينة : هيء 😭😭😭😭 مغاديش تحس بيا حيت ماشي نتا لخرجتي من داركم خليت عائلتي بحدهم ماما شكون غادي يعاونها في شقة توحشتهم رجعني عندهم دبا
محسن : هبطي ياهاذ موصيبة راه وصلنا لدار
سكينة : إنا دار
محسن : دارنا
سكينة :ااه
هبطت جمعت جليلي في يدي وعاوني محسن دخلنا لدار شعل الضو كانت دار صغيرة وزوينة دخلت لبيت حطيت داك كفن ولبست بيجامة ديالي وخرجت
محسن: مرحبا بيك في دارك كنتمنى تقبلي بيهاا
سكينة : حمد لله كلشي زوين
محسن : كيف بقيتي شوية
سكينة :😭😭 علاش فكرتيني
🌸يتبع🌸
YOU ARE READING
💎 مبغيتش الخضار بغيت الإخواني 💎
Humor💎 قصة قصيرة 💎 سكينة بنت بقا بلا زواج والحلم ديالها تزوج بإخواني ولكن مجابش لها الله خرج ليها واحد خضار من الجنب باغي يتزوج بهاا وفي الأخير غادي توقع ليها أحسن حاجة في حياتها كنتمنى توقع نأي وحدة عندها حلم بحال سكينة. هاد القصة ختاريت ليها عنواان...
