حكايه فتاتان

حكاية فتاتان الحلقه الاولي

حكايه فتاتان
الحلقه الاولي
ام ايمان :قومي يا ايمان بقي يابنتي انتي ثانويه
امال عاوزه تخشي صيدله ازاي
ايمان:ياماما ماانا طول الليل بذاكر سببيني شويه بقي
امها :طب ردي علي موبايلك اللي بيرن
ايمان :هوفي غير سهيله الغتته المزعجه هي اللي بترخم عليا
ايمان :ايوه يارخمه عاوزه ايه
سهيله:انا رخمه ياغلسه

طب انا غلطانه اني اتصلت بيكي
الحق عليا هو في غيري بيعبرك اصلا
ايمان :ماشي ياست شكرا شاكرين افضالك

عاوزه ايه بقي
سهيله:مافيش بغتت بس هههههههه
ايمان:امشي ياكلبه مش بقولك رخمه فوقتيني وانا نايمه بعد الفجر
ماتنسيش معاد الدرس
سهيله:من عونيا الجوز
....................
ابو سهيله :الجميل عامل ايه ف مذاكرته
سهيله :ميه ميه ولا فراخ الجمعيه ياابو الكباتن
ابوها :يوه جاتك ايه دايما كل حاجه تقلبيها تهريج كده
يلا انا نازل القهوه عاوزه حاجه
سهيله تشكر يازوق
.............
ام ايمن :يلا حبيبي عشان تروح كليتك
ايمن:صباح الخير ياامي
ويقبل يدها
انا صحيتك الفجر تصلي بس مقدرتيش تقومي
ماترهقيش نفسك زياده عن اللزوم ف البيت 
امه:اعمل ايه بس يابني هو الشغل بيخلص
يلا وضبتلك  الفطار
ايمن :حاضر هتوضي اصلي الضحي واجيلك
امال بابافين
امه:راح الشغل انت بتنسي ولا ايه
ايمن :هي الساعه كام
امه:الساعه 10
ايمن:ياااه انا نمت كتير اوي كنت عاوز ارسم شويه رسومات مطلوبين ف السيكشن
يلا امااصلي وافطر وربنا يسهل
.......................
ام حسام :يلا يا دادا صحي حسام عشان كليته
تطلع الداده:يلا ياحسام بيه اصحي الكليه
حسام:يوووه يخربيت دي كليه انا عارف ايه دخلني هندسه انا ناقص ارف لا و5 سنين كمان واحنة لسه ف تاني سنه
ويقوم يفطر وياخد عربيته ويذهب للكليه
وعندم يدخل ترتمي عليه هذه وذاك من صديقاته من نفس الطبقه
ويجد ايمن داخل
حسام:اميمو
ايمن:استغفر الله العظيم
يابني حرام عليك انت جاي كليه ولا ملهي ليلي
حسام:لا ملهي ليلي ههههه حلوه صح
ايمن:لا بايخه يابايخ اوي
حسام:والله لو تسيبلي نفسك اظبطك دانت حبيبي
ايمن :مشكرين والله ياخويا شايلينك لوقت عوزه
يلا عندنا سيكشن
حسام :مسيري هظبطك