حكايه فتاتان

حكاية فتاتان الحلقه 14

حكايه فتاتان
الحلقه14
ذهب ايمن وايمان
الي سهيله في مكتبها
ايمان:طبعا ايمن جوزي
سهيله :اهلا وسهلا اتفضلو تشربو ايه
وندهت للعسكري اتنين ليمون
ايمان :لا بلاش عصاير عشان ايمن بيتعب منها
  فتنظر لها سهيله
سهيله:طب خليها شاي
سكر بره
سهيله:طبعا انا عارفه الموضوع حساس للكل
ايمن :الموضوع اخطر مما نظن
دي ناس قلبها ميت وماعندهمش رحمه
اللي خلاه يعمل كده ف صحبه اللي بيخدمه لوجه الله
هيعمل ف واحده زي ايمان ايه لو علم انها هتشهد ضده
سهيله:طبعا كل دي احتمالات وانا فعلا ماضمنش النتائج ولا رد فعلهم لما يعرفو
بس اللي اقدراقوله ان الموضوع هيبقي في سريه تامه وانا كلمت مسؤل كبير وعرفته بالتطورات وطبعا عرفته انك ضحيه زينا وهنشهد بكده واولنا ايمان والجلسات هتبقي سريه وممنوع النشر يعني ماحدش هيعرف بحاجه بس الموضوع اكبر من الاغتصاب
احنا هنشتغل الاول علي موضوع السلاح والمخدرات ودة مهمتي انا
هدخل وسطيهم
ايمان:لا ياسهيله دول مايرحموش ممكن يعملو فيكي حاجه
سهيله:سلميها لله
ايمن:انتي متهوره ومافيش حاجه تبقي عليها
لكن المسكينه دي دنبها ايه تروح ف الرجلين
ايمان:قلتلك مش هتخلي عنها حتي لو بموتي
ايمن :وانا هثبتلكو ان اي شخص عاقل هيبعد
اتصل بياسر وفتح الاسبيكر
ايمن :ايوه ياياسر طالب منك خدمه
ياسر:اؤمرني
ايمن :تقدر تشهد باللي قولته ليا عن اللي عمله فيا حسام وموضوع المزه وكده
ياسر:انت مجنون اكيد مش ف وعيك
انا عندي عيال عاوز اربيهم انت ماتعرفش حسام واهله دول حيتان يبلعونا
ايمن :خلاص ياياسر وانا مايرضنيش ضررك
ياسر:معلش ياصاحبي الضنا غالي
ايمن :ولا يهمك انا مقدر ياحبيبي ربنا يخليهوملك ويخليك لهم
سلام
هاااااا شوفتو كلامي هنثبت ازاي اقوالنا ولا لو قلب الحقايق وقال انتو اللي رحتوله  وبقت فضيحه وبدل ماتاخدو حقكو تضيعو اكتر
سهيله :كل شيء وارد عشان كده مش هنمشي ف القضيه دي الا بعد مايقعو ف المخدرات والسلاح ومايبقاش لهم قومه هنصبر شويه وهتفضلو سوا لحد مانخلص من القواضي التانيه هنمشي ف دي انا بس عاوزه اجهزها وتبقي ع التسليم عشان كده لازم نروح الطب الشرعي لان لازم الكشف وصحبتي هناك هتكشف وتعمل تقريرها ومش هتارخه عشان التاريخ لما نيتدي القضيه
ودخل فراس
صباح الفل انتي عندك ضيوف ولا ايه
سهيله:اه ايه اللي جابك وداخل كده بدون استذان
فراس ينظر لها
انا اسف سياده الرائد كنت بس بطمن عليكي
عن اذنكو
سهيله :يوووه يافراس
ايمان انتي احرجتيه اوي روحي اعتتذريله
سهيله:وانا عملتله ايه هو اللي بيتحشر ف اللي مالوش فيه
ايمان:سهيله قومي
سهيله:حاضر ياسيتي
ومشيت
ايمان:شوفت عنيه
ايمن :نعم ياختي
وانتي تبصي لعنيه ليه طرطور جمبك ولا يقولو جوزها مش مالي عنيها
ايمان:الله في ايه مش دخل بسرعه فبصيت
فشفت نظره الحزن اللي فيها
ايمن :وكمان قاعده تحللي عنيه المفروض تغضي بصرك ياست هانم مش قاعده تبصي ف عيون الناس وتحليليها
ايمان:يووه انت مش فاهم حاجه 
ودخلت سهيله
ايمان :خلاص صالحتيه
سهيله :ايه صالحته دي ماتنقي الفاظك ابت بدل ماعملك تحري
ايمان :يانهار اسوح هتعمليلي تحري يامفتريه
يلا ياايمن بدل ماتلبسنا قضيه دي مفتريه وانا عرفاها
سهيله :المهم تقابليني عند الطب الشرعي بكره
نعمل الكشف الطبي
ايمان:اوك
وطلعو بره
ايمان :انا عاوزه اروح لفراس

ايمن :نعم ياختي
لا انتي زودتيها اوي مش عشان وضعنا مفكراها سايبه وهفوتلك
انتي مراتي ولازم تتعاملي علي كده بدل والله ماهيحصلك طيب
ودا حب من اول نظره بقي
ايمان:ايه التخلف ده انت فاهم غلط
ايمن:انا متخلف ياقليله الادب وانا اللي مفكرك محترمه
ايمان:يابني افهم بقي انا حسيت ان فراس بيحب سهيله
لكن زي مانت شايفها كده لوح تلج وعمرها ماهتديه فرصه
وكمان انا خايفه من تهورها يضيعها
فنكلم معاه بحيث يتابعها من بعيد لبعيد ونطمن منه عليها
ايمن :مش تقولي كده
حرقتي دمي داهيه تحرق دمك
ايمان:وانت ايه حارقك كده
ايمن :مش مراتي انتي هبله ولا ايه مش شيفاني راجل قدامك
ايمان:بردو ايه يضايقك احنا مش هنطلقك
ايمن :لما نبقي نتنيل ابقي دوري علي حل شعرك زي مانتي عاوزه انما طول مانتي علي زمتي تراعي انك مراتي وماتبصيش لراجل غيري
انتي فاهمه
ايمان:اولا انا محترمه وعمري مابص لاليك ولا لغيرك وايه ادور علي حل شعري دي
ايمن :انتي مش ملاحظه اننا ف المديريه  وقاعدين نتخانق بدل مايحبسونا لاني شكلي هلزقك ف الحيطه دلوقت
ايمان:طب وفراس مش هنروحله
ايمن :يادي زفت
هاخد تليفونه منه واكلمه ونقابله بره ماينفعش هنا هتشوفنا وتشك وممكن تزعل منك
ايمان :ماشي
شوفت اما بتفكر بتبقي جميل ازاي
ينظر لها طب اطلعي اسبقيني بره علي ماحصلك بدل ماتشوفك