زي ماوعدتكو اهي الحلقه الي وراها
حكايه فتاتان
الحلقه29
جاء يوم الفرح وايمن جاء
اما حماده طلب من احد اصدقاءه يزفه بسيارته واخذ ميار من الكوافير للقاعه وكانت كالقمر اخذت عقل حماده
حماده :احنا نقلبها دخله بقي كده مش هستحمل
ميار:اكلم علي ادك انت جبت شقه ولا عفش هننام ف الشارع
حماده :ياساتر ع النسوان تضيع اي لحظه
طب جاريني وعيشي اللحظه مش تكبتيني كده
ميار:انا بقي واقعيه مش عايشه ف الاحلام زيك
اجدعن وخلص
قال ياجاريه اطبخي كلف ياسيدي
حماده:طب طبخالنا ايه انهارده ههههههه حلوه
والله حلوه انتي اللي رخمه
ميار :والله لو مابطلت غتاته هسيبلك الفرح واروح
حماده:تروحي مين هو دخول الحمام زي خروجه
ميار:هيفرق ايه يعني
حماده:يفرق كتير طبعا
الواحد بيخش بحال يطلع منتعش وفريش
يلا ياعم الشبخ قبل ماترجع ف كلامها
ف اخر القاعه كانت تقف ايمان وعيناها تدمع لاتريد الاقتراب والاحتكاك باحد والكلام في شيء
فوجدت من يرتدي حلته وكان يبدو فيها وسيما
ويربع يديه ويقف بجانبها
فالتفتت لاعلي لتجده ايمن
ايمن :عامله ايه
ايمان:الحمد لله كويسه وانت
ايمن :الحمد لله عايش
امال بتعيطي ليه
ايمان:دي دموع الفرح
انا كويسه اوي علي فكره وكمان جايلي عريس
فالتفت لها ايمن
نعم ياختي عاااا ايه عريس عاوزه تجوزي عليه انتي اتهبلتي
ايمان:اجوز عليك ايه يامجنون انت مش طلقتني
ايمن :اه بس انتي لسه ف شهور العده
ايمان:وانا قلتلك هجوز دلوقت ماهو لما تخلص
فامسكها من ذراعها
تعالي بره ف الجنينه بقي عشان الناس ماتتلمش علينا لاني جبت اخري منك
قال تجوز عليا قال
ايمان:ايمن ماينفعش اللي بتعمله ده
ايمن:بلا ينفع بلا ماينفعش وخرج بها ف الجنينه
بقي سياتك هتعيشي حياتك وتنسي كل اللي بينا
ايمان:عشان اريحك من الكابوس اللي كابس علي نفسك
ايمن يغمض عينيه
ايمان انتي عارفه اول جوازنا واللي حصل كنت فعلا مش قادر اقرب منك ولا اشوفك ولا طايقك لكن لما عشنا سوا مابقتش قادر ابعد عنك
كل ركن ف الشقه هنا او هناك بيفكرني بيكي وهي تبكي
فيقول وانتي عارفه الشقه هناك كان يرمح فيها الخيل وانتي مبرطعه فيها
فتضحك علي كلماته وتضربه في صدره
ايمن :حقيقي كل حته بتفكرني بيكي اكلنا سوا صلواتنا حتي زرعك مع اني بسقيه بس حاسس انه دبلان وحزين ونفسه ف صاحبته حتي السرير المتر حاسس انه وسع عليا اوي وماحدش بيقلبني من عليه
حتي تعابينك وحشتيهم
ايمان:اه التعابين اللي كنت بتجبهم ف الكيس وتحطهم ف الحمام قبل مااستحمي عشان اطلع اصوت بالفوطه
ايمن :هههههه عرفتي منين
ايمان:لاحظتك مره داخل بكيس راقبتك وشوفتك
ايمن :اصل بصراحه كنتي بتبقي تحفه بفوطك دي ويغمز لها فتضربه انت قليل الادب والله
ايمن :مش بجراءك عليهم وحتي بقيتي تقتليهم
مانا لما عرفت قلت والله ماهنولهالك وقتلته
ايمن :والراجل بتاع التعابين بقي يشك اني بكلهم
ايمان:انت كنت بتشتريهم كمان وتضربه ومضيع المرتب عليهم ومستخسر الزرع
ايمن:ماهو الموضوع كان يستاهل الصراحه
ايمان:طب وسع كده
فيجذبها وحشتني
والله بحبك ومش قادر استغني عنك
فتبكي وانا كمان
ايمن :طب يلا بسرعه قبل ما المادون يمشي اردك ونكتب كتابنا
انا ماردتش اردك غيابي خفت تزعلي او تكوني مش عوزاني
وامسكها من يدها يلا بسرعه هيمشي اشيلك
ايمان:لا طبعا اتجننت اهو بجري بس الاسدال طويل
ايمن :انتي اللي قصيره ماتطولي حبه
ايمان:والله انت رخم مش عجبك بلاش
ايمن :عاجبني ياست اخلصي وسابها ونط ع الاستيدج مكان الماذون
واخذ المايك
تسمحلي ياعمي ارد مراتي حته من قلبي
انا بطلب منك ايد كريمتكم ايمان اكشن تاني مره
ابوها :وانا يابني كنت بتمني ترجعو لبعض وبدعي ف صلاتي وفعلا تم العقد ونزل حملها بالاذن احنا بقي
ايمان:ايه دا يامجنون احرجتنا
ايمن:ششششش دول عالم فاضيه ماوراهمش حاجه
ايمان:وانت اللي مشغول اوي وراك ايه
ايمن :ورايا انت ياقمر
حته بقي من عواجيز الفرح فيهة الخلاصه من الحموات
امه:انا شوفت ف عيونهم حب عمر مايعوقه اي حواجز وعقبات لازم هيتخطوها
امها :وانا شوفت لهفه وخضه عليها قلت ربنا يسعدك يابنتي لقيتي اللي يقدرك ويشيلك ف عينه ويحبك اكتر من نفسه
........
وطلع لقي عربيه الزفه وفيها صاحبها
فقاله العالم دي لسالها بدري تعالي سلي وقتك ووصلنا ينوبك ثواب وارجعلهم
وفعلا اخذهم وحملها ايمن لحجرتهم
وخلع ملابسه علي عجل
وايمان انت بتعمل ايه
ايمن :المره اللي فاتت جات اوت انهارده هنجيب جول ان شاء الله
فنظر لها بنقابها
انتي لسه بنقابك
ايمان:انت مستعجل كده ليه عامل زي اللي وراك مشوار
ايمن :مستعجل وجالك قلب تقوليها داانا مجوزك.من اكتر من سنه يامفتريه كان زمان عندنا عيل ف الاعداديه
ايمان :ليه هتدخله الاعداديه وهو كام شهر
ايمن:انا عيالي بيطلعو عباقره بينزلو ع الاعداديه عدل
فجذبها اليه ليخلع نقابها واسدالها ويحتضنها حتي يكاد يعتصرها
انا اسف علي اي لحظه الم سببتهالك وانا معرفش
كان نفسي اعمل كده من زمان
ثم يقبلها ليذوبها عشقا
فهما عاشقان وليسو حبيبان
وبعدها يجذبها علي صدره
من غيرك قلبي توقف لانك نبض قلبي
من غيرك كنت عايش بدون روح لانك روحي
من غيرك كنت بلا حياه لانك حياتي
ايمان بهبل وعبط
وانا والله ياايمن كنت كده بالظبط زي مابتقول
فيضربها علي نفوخها امال ياغبيه طلبتي الطلاق ليه وعذبتينا الشهرين دول بدل ماكنا استمتعنا بيهم
ايمان:ماتضربش انا مش غبيه مش انت اللي قلت عليا كابوس حبيت اخلصك منه
ايمن:ياهبله كنت بقول ع الموضوع نفسه مش انتي
دا انتي احلي حاجه حصلت ف الموضوع ده كله من غيرك ماكنتش هتخطي الموضوع انتي ساعدتيني اتعايش مع الامر والاخر تسبيني
ايمان:معلش حبيبي بقي انا فكرت كده
ايمن :بتقولي ايه
ايمان:قلت حاجه غلط
ايمن :عيدي الشريط من اوله كده
ففهمت
ايمان:بطل بقي ماهو انت عارف انك.حبيبي وعمري ماحبيت ولا هحب غيرك
لا بقي احنا مش هنخلص انهارده
وقبلها مره اخري
نسيب العالم دي شكلهم مش طالعين من هنا الا والعيل ف اديهم
ونروح نشوف مين كان معاهم ف الجنينه
هنسحبهم من قفاهم ونرجعهم الجنينه تاني عشان نشوف قصه الاتنين الحلوين اللي كانو ف الجنينه وقت ايمن وايمان ماكانو هناك ونشوف حصل معاهم ايه
ВЫ ЧИТАЕТЕ
حكايه فتاتان
Детектив / Триллерصديقتان تقع لهما حادثه تجعل ظروفهما تتشابه إلي حد ما ولكن رد فعل كل واحده تجاة الحادثه سيكون مختلف فماذا ستفعل كل واحده منهما لمواجهه مشكلتها
