حكايه فتاتان
الحلقه 4
انهي ياسر وايمن كليتهما اما حسام بسبب رسوبه متاخر سنه
اما ايمان فقد اصبحت ف 3 صيدله
سهيله ف 3 كليه الشرطه وهي كل فتره تتفوق عن اللي قبلها وتنشف اكثر فاكثر حتي ان الرجال الذين كانو يضحكون عليها بالامس ويقولون لها مال البنات ومال الشرطه واصبحت فريده من نوعها حتي انها تصارع اقوي الرجال بدفعتها والدفعات المتقدمه عنها
وبعد تخرج ايمن جاء له تاجيل ووجد عمل ف البحر الاحمر بمرتب احسن بكثير من العمل بالقاهره
واستمر به سنه وبعدها وهو باجازه ما
ام ايمن :عاوزين نخطبلك بقي ياحبيبي
ايمن :انا لسه بقول ياهادي دانا جبت شقه وبدفع اقساطها بالعافيه ولسه فيها سنه كمان علي مايجي العفش
امه:ماتشترك معانا يابو ايمن
نفسنا نفرح بيه بقي
ابوه :ياريت والله كنت بكلم واحد صاحبي ف الشغل واني نفسي اخطب لابني وعرفت عنده بنت منتقبه ف صيدله ولسه لها سنه يعني ع الطبطاب علي ماتخلص القسط بتاع الشقه والعفش تكون هي خلصت
ام ايمن :طب ماتكلمه ونروح نشوفها ف اجازته دي
ابو ايمن :خلاص بكره اكلمه
................
كانت ايمان ارتدت النقاب ليخفيها من العيون وليس تدينا ولكنها تعرفت ببنات نعم الصحبه علموها دينها واصبح ارتداؤها له عن اقتناع وليس لاخفاءها
...............
اما سهيله فتخرجت واصبحت ظابط
ونظرا لعملها وقبله كليتها الداخلي ابتعدت كثيرا عن ايمان ولكنهم علي اتصال كل حين وحين
.............
ابو ايمن :شوف يابو ايمان انا عارف ان ايمان لسه باقيلها سنه بس انا ابني مهندس ملتزم ماشاء الله
صلاه وصوم وقران من صغره وعرفت بنتك.منتقبه وصيدليه نفسي اخطبهاله وهيستناها سنه علي مايعمل العفش هو بيعمل نفسه بنفسه اشتري شقه تمليك.قسط قرب يخلصه وهيبتدي بعده ف العفش علي ماتخلص يجوزو
ابو ايمان :وانا مش هلاقي لايمان احن منكو وامن عليها معاكو دي عشره عمر مع بعضنا ولو انها بترفض
ابو ايمن :لو ع الكليه مافيش حجه هيستناها السنه دي
ابو ايمان :خلاص سيبها لله
..........
وذهب فرحان لمراته
الحقي ياام ايمان
ابو ايمن صاحبي عاوز ايمان لايمن واد بسم الله ماشاء الله ادب واخلاق والتزام اسمع عنه من ابوه من زمان ومهندس اكبرمنها بسنتين
ام ايمان :وكليتها
ابو ايمان :هيستناها سنه وهو شغال ف البحر الاحمر وجاب شقه قسط قرب يخلصها وباقي عفشه ف السنه يعني واد تعبان ف القرش وهيقدرها ويصونها
..........
وذهبت امها لها تحدثها عنه وعن محاسنه
ايمان :صاحت مش عاوزه اتجوز
مش عاوزه اتجوز
ممكن تسيبوني ف حالي
حد قالكو اني عاوزه اتجوز
مش هجوز مش هجوز
............
وطلعت امها وتركتها فاغلقت بابها تبكي
واتصلت بسهيله
ايمان:انا تعبت ياسهيله كل شويه عريس عريس وخلاص باقي سنه واخلص ماباقيش ليا حجج
وكمان ده ابن صاحب بابا
سهيله :طب ماتقابليه وتطفشيه
بدل ماكله رفض رفض ممكن يجبروكي مره
لكن مره رؤيه ومره رفض وطلعي فيه القطط الفاطسه وانه مس عاجبك ماحدش هيجبرك
ايمان:مش قادره ياسهيله صدقيني
مش قادره اشوف صنف راجل يجي يبص عليت ويشوفني مش عاوزه انا كرهت الرجاله كلهم
سهيله:مش كنتي دخلتي شرطه معايا كنتي هتفشي غليلك فيهم اللي تضربيه قفا واللي قلم وتلطشي براحتك
ايمان:ههههه والله انتي الوحيده الي بتضحكيني
سهيله :مسيري هعثر علي بن التيت ده وساعتها وتعتصر يدها لتبرز عضلاتها مش هخلي ف امه حته سليمه
ايمان وابقي موتي معاكي الواد اللي اعتدي عليا هو كمان وانتي بتموتي بتاعك
................
اما امها ذهبت تخبر ابيها برفضها
الذي هاج وماج لانه اعطي للراجل كلمه
YOU ARE READING
حكايه فتاتان
Mystery / Thrillerصديقتان تقع لهما حادثه تجعل ظروفهما تتشابه إلي حد ما ولكن رد فعل كل واحده تجاة الحادثه سيكون مختلف فماذا ستفعل كل واحده منهما لمواجهه مشكلتها
