حكايه فتاتان

حكاية فتاتان الحلقه 8

حكايه فتاتان
الحلقه 8
نسيب سهيله االغارقه بدماءها ف العمليات
ونشوف ايه حصل مع ايمان في هذه الفتره
بعد مامشيو
ميار :تعرفي ان حماده اخو ايمن ده لذيذ اوي
فنظرت لها ايمان بغضب
مالكيش دعوه باخوه ده نهاءي
ميار:ليه انتي هترفضي
ايمان :لا طبعا هوافق
ميار:امال مضايقه كده ليه
ايمان:اللي بقوله تسمعيه انا اكبر منك واهرف مصلحتك عشان لو في مشاكل بينا ماتاثرشعليكي
وطبعا عرفنا ان ايمن وافق
يبقي الخطوه الجايه يجيب الاهل الاجازه الجايه ويتفق
وفعلا بعد شهر تقريبا جاء وذهب باهله حيث اتفقو علي كل شيءوان تحدث خطوبه ولما تخلص الزواج يقعدو ف شقتهم وياخدها معاه ع البحر الاحمر ويرجعو ف الاجازات
ولكن ايمن كان له راي اخر
كان يريد كتب كتاب حتي يستطيع الاتصال بها والاطمئنان عليها دون الوقوع بحرمانيه
وايضا عندما ياتي زيارات فلا ترتدي النقاب
ووافقه الاب علي ذلك
واتفقو الاجازه القادمه بعد شهر تكون ف نص السنه واجازه لايمان ايضا يكتبو ف الجامع ويلبسو الشبكه ف البيت عائلي
وهذا ماحدث بالفعل
وكتبو الكتاب وعلو الجواب
وذهب لعمله ويحاول الاتصال لاترد
ونزل اجازه وطبعا ذهب لزيارتها وهو مخنوق فهي لاترد
وعندما دخلت سلام عليكم
ايمن :وعليكم السلام
في ايه ياايمان انا زعلتك ف حاجه
ايمان:لا ابدا هتزعلني ف ايه
ايمن:امال مابترديش علي تليفوناتي ليه
ايمان:لا ابدا بيبقي سايلنت دايما عشان مايزعجنيش عشان اصحابي بيتصلو وكده ويعطلوني فبعمله صامت فماسمعتوش
ايمن :ياسلام ومابصتيش فيه بعد كده تشوفي مين اتصل
ايمان:معلش ببقي مشغوله وانت عارف كليتي عمليه ومحتاجه كل دفيقه ومش عاوزه اسقط ونضطر ناجل الجواز سنه كمان
ايمن :خلاص ياايمان وانا مش هعطلك ويحاول مسك يدها لتجذبها منه بسرعه وتقوم
تشرب شاي
ايمن :ماهو قدامي اهو
ايمان:طب قهوه تلاقيك مصدع من السفر
ولا عصير
فيستغرب من طريقتها وفزعتها

ايمن :اهدي ياايمان انا مش عاوز حاجه
عاوز اقعد معاكيواا انتي مش عاوزه
ايمان:لا ابدا بس قلقانه عشان عندي امتحان بكره وماذاكرتش اوي
ايمن :طب انا ماشي عشان ماعطلكيش وطمنيني لما تخلصي امتحان
ايمان:امتحان ايه
ايمن :اللي لسه قايله عليه
ايمان:ااااه الامتحان شوفت بقي
ايمن:ماشي اخدي وركزي وادعي ادعيتك وربنا يوفقك
ايمان:ان شاء الله
انت جاي تاني
ايمن:ايه مش عاوزه تشوفي خلقتي تاني
ايمان:لا بسال بس
ايمن:ايمان عاوز اسالك سؤال
حد غصبك ع الجوازه دي
ايمان:لا طبعا ايه الي بتقوله ده انا وافقت عليك بارادتي
ايمن :ماشي
سلام عليكم
ايمان وعليكم السلام
ماقلتش هتيجي تاني
ايمن :لا انا مسافر عندي شغل
ايمان:الحمد لله
قصدي تروح وترجع بالسلامه
...................
كانت ميار تمشي وهي راجعه من الدرس
فوجدت من يجذبها من ذراعها
ميار:حماده بتعمل ايه هنا
حماده:بتمشي رجلي جابتني لهنا
ميار:بتتمشي !!
قلتلي انت مفكرني جيرانك اللي بتضحك عليهم ومفهمهم انك ف الشرطه
هتتمشي من القاهره للجيزه
حماده:اعمل ايه الشوق غلبني
وحشتيني جيت اشوفك
ميار باحراج كده مره واحده
وانا مقدرش اقف معاك كده ف الشارع الناس تقول ايه عليا
حماده:لا عاش ولا كان اللي يكلم عليكي داانا اقطع لسانهم من لغاليغه
ميار:تخفي ابتسامتها
ياسلام
حماده :انا بحبك من ساعه ماشوفتك وانا بفكر فيكي انتي خشي معهد ولا كليه عاديه عشان اخلص واخطبك او ف رابعه اخطبك واستناكي سنتين
ميار:ماتاارررش فيها لحسن شكلي حتي المعهد ماهطوله
حماده :خلاص ريحتي حولي دبلوم واخلصي
ميار:امشي ياحماده من قصادي بدل مابطحك
حماده:واحده اقولها بحبك تقولي ابطحك ايه الرومانسيه دي
ميار:اهو ده اللي عندي لوعجبك
حماده:عاجبني سلام ياحبي
..............

جاء ايمن من السفريه
وذهب لزيارتها
مابيحرمش الواد ده والله صعبان عليا ف القصه دي
المهم وجد ايمان تدخل بالجوانتي
الناصحه بنت الناصحه عشان مايلمسهاش
ايمن:انتي لابسه الجوانتي ليه
ايمان:عندي حساسيه فقلت اغطيها يمكن تخف
ايمن :طب تعالي اوديكي لدكتور
ايمان:انتي ناسي اني صيدلانيه انا مظبطه نفسي وباخد العلاج اللازم
ايمن:طب ممكن اشوفها في ايه فيها
ايمان:لا معلش خليها متغطيه لتبرد
ايمن :معلش تعالي علي نفسك ووريهاني
فشالت جوانتي من واحده
ياسبحان الله خفت
بركاتك ياشيخ ايمن
ايمن :ههههه لا والله
في ايه ياايمان
احنا خلاص علي فكره جوازنا كمان شهر بعد امتحناتك وانتي بتخافي المس ايدك حتي
ايمان:ابدا عشان بكسف بس وعمر ماحد مسك ايدي قبل كده
وف سرها
الا انت طبعا بسخريه
ايمن ؛ ماشي ياايمان همشيها كسوف اما اشوف اخرتها معاكي
ايمان:اخرتها فل ان شاء الله
ايمن :مش باين خالص
لو مش عوزاني من اولها قولي ولو مغصوبه قولي وانا هخليها من ناحيتي عشان ماحدش يكلم معاكي
ايمان:ليه بتقول كده
اكيد لا طبعا دا جواز ولازم بكامل ارادتي اختارك وماحدش يقدر يغصب عليا
ايمن :ياريت اامل ذلك
طب عاوزه مني حاجه
ايمان :جزاك الله كل خير
ايمن :جزانا واياكي
والاجازه الجايه هاخدها كبيره شويه عشان الفرح
ايمان:اااه ان شاء الله