كنت اظن انها النهاية (قيد التعديل)

💞الفصل الثاني عشر💞

كنت اظن انها النهاية
الفصل الثاني عشر
💞 يارب يعجبكم 💞
فى المكتب الخاص بسيف طلب شهد وبعد دقائق دخلت شهد إلى المكتب.
شهد:ايوه يا بشمهندس
سيف: عايزك تتجهزي ورق الاجتماع مع شركة الدمنهوري للتجارة وعايزك تجمعي معلومات عن الشركة دي عندك هنا قسم المعلومات تعرفي منهم كل حاجه وتجمعيهم وموقف الشركة حاليا في البورصة وكمان عايزك تطلبي من الشؤون القانونية العقد عشان اشوف البنود لو سمحتي كده يجهز انهارده اه على فكره الاجتماع انهارده الساعة ٥ يعني قدمك حوالي ست ساعات كده
تحاول تخلصي بسرعة عشان اشوف كل حاجه قبل الاجتماع تمام
كانت شهد تقف فى صدمة من كمية العمل أما سيف كان يتابع تعبير وجهه بابتسامة.
سيف:انا عارف انه شغل كتير وانتى لسه اول يوم
ممكن تخلى نهى تساعدك
شهد: لا تمام انا لو احتجت حاجه هقولها
سيف: على فكره انتى هتحضرى الاجتماع معايا
شهد: تمام يا بشمهندس حاجه تانية
سيف:لا تمام لحد كده
خرجت شهد من المكتب وابتدت تعمل وتقوم فى جمع المعلومات المطلوبة منها.
•••••••••••••••••••••••••••••••••
على جانب اخر وصل أدهم إلى الشركة مع حامد وصعد معه
حامد: ها يا ادهم اخترت الحرس الى هيكون مع ميرا بنتي
ادهم: ايوه يا باشا اخترتهم متقلقش كله تمام.
حامد: تمام اووى كده
ادهم: بس اسمحلي يا باشا في حاجه عايز اعرفها
حامد: اى هي
ادهم: بما ان حضرتك بتغير طقم الحرس كل كام شهر ليه فى ٣حراس موجودين مش المفروض
هما مع طقم الحرس الى كان قبلي
حامد: لا دول موجودين معايا من زمان وانا
بثق فيهم جدا وهيفضلوا موجودين معايا
انا عندى شويه شغل فى الشركة وبعد كده عندى مشوار بس هاخد الحرس التانى انت خد الحرس
بتاعك ووصل ميرا البيت
ادهم: تمام يا باشا اوامر تانيه
حامد: لا روح انت خلاص .
خرج أدهم ونزل إلى مازن وباقي الفريق.
ادهم: يلا بينا هنطلع على المكان الى بنتجمع
فيها عشان في حاجات مهمه نتكلم فيها
مازن: في اى يا ادهم
ادهم:هتعرف لما نوصل يلا بينا
بعد مرور نصف ساعة وصل ادهم وباقي الفريق المكان الذى   يجتمعوا فيه
مازن: ها يا ادهم اى الى حصل مش المفروض
نكون مع حامد في كل حته
ادهم: لا حامد هياخد الحرس التانى
مازن:اشمعنى يعني
ادهم: الحرس الى معاها دول دراعه اليمين
معاه في كل حاجه والعمليات الى بتحصل
وهو حاليا لسه مش بيثق فينا
مازن:وهنعمل أى دلوقتى عشان يثق فينا
ادهم: هو عمره ما هيثق فينا احنا مجرد حرس
كام شهر مش اكتر
مازن: والعمل اى دلوقتى عندك اى فكره
ادهم:انا لزم انضم للحرس دول لزم اكون
راجل منهم بيثق فيا ويفهم ان حمايته معايا
مازن: ودى هنعملها ازاى بقى فهمنى
ادهم: هقولك°°°°°°°°°°°°
ها فهمت كده ولا اى
مازن: ها كله تمام كده
ايمن: تمام يا فندم بس ده خطر على حضرتك
ادهم:متخفش انا هظبط كل حاجه ودلوقتي انا عايز مجموعة كويسه تكون مع ميرا بنته دايما ودلوقتي احنا هروح لها المستشفى زى ما قالى
وبعدين هنطلع على الڤيلا يلا اتحركو
••••••••••••••••••••••••••••••••••
عند جميلة فى المكتب الخاص بها
جميله:ها عندنا حالات تانيه يا صفيه
صفيه (الممرضه): لا يا دكتوره خلاص كده
دى كانت اخر حالة
جميلة: تمام اووى انا هنزل الكافتيريا اشرب حاجة وراجعه
خرجت جميلة إلى الكافتيريا وهناك وجدت ميرا تجلس بمفردها.
جميلة: مساء الخير يا دكتورة
ميرا بابتسامة: مساء النور يا دكتورة جميلة
جميلة: قاعدة لوحدك ليه
ميرا: لا عادى اصل انا معرفش حد لسه هنا
جميلة:هتتعودى انا كنت زيك كده في الاول
بس بعد كده اتعرفت على دكاترة زمايلنا
ميرا: بس انتى شاطره انك تعملى لوحدك
مستشفى وتكون ناجحه كده
جميلة:لا انا لسه راجعه من السفر والمستشفى
دى بابا شريك فيها مع دكتور عاصم وانا
استلمت الشغل مكانه ودكتور عبدالله هو
الى ساعدنى كتير اول ما جيت
ميرا:امم بس واضح انك بتحبى شغلك جدا
انا كنت موجوده في الاجتماع مع الدكاترة
عجابنى اصرارك انك تكبرى المستشفى و
التعديلات الى هتعمليها
جميلة: ميرسي ليكي ميرا واتمنى نكون اصحاب
ميرا:اكيد طبعا أصحاب .
وظالوا على هذا المنوال يتحدثون فى أشياء كثيرة
جميله:انتى خلصتى ولالسه عندك حالات تحبى اوصلك معايا انا معايا عربيتى.
ميرا:لا خلصت بس بابا هيبعت الحرس ليا هما خلاص على وصول اصل بابا مش بيخلينىاتحرك من غير حرس وأثناء كلامهم اتصل ادهم بميرا.
ميرا:الوو مين معايا
ادهم:انا ادهم يا هانم حضرتك خلصتى ولا لسه احنا واقفين قدام بابا المستشفى.
ميرا بسعادة داخلية ان ادهم هو الذى سيقوم بتوصيلها :
اه انا خلصت دقائق واكون عندك.
اغلقت ميرا الهاتف مع ادهم وودعت جميلة وذهبت إلى ادهم
ميرا: مساء الخير يا ادهم عامل اى
ادهم برسميه: مساء النور يا هانم انا تمام
ميرا:هانم اى انا ميرا وبس
ادهم:لا حضرتك مينفعش
ميرا:لا ينفع قولى ميرا بس بعد كده.
كان ادهم على وشك الحديث ولكن اوقفته ميرا.
ميرا: خلاص بقى يا ادهم انا ميرا وبس
ادهم: حاضر يا ميرا تحبى نروح في حته ولا نطلع على الڤيلا على طول.
ميرا:لا على الڤيلا على طول
•••••••••••••••••••••••••••••••••••••
عند سيف فى الشركة دلفت شهد إلى المكتب
شهد: بشمهندس سيف انا خلصت المطلوب منى
سيف:  تمام كده انا هشوف الملفات وهجهز
شهد: تمام يا بشمهندس بعد اذنك
بعد مرور ساعة انهى سيف مراجعه الملفات وخرج من المكتب لشهد.
سيف: شهد يلا بينا على الميتنج روم عشان تحضرى الاجتماع معايا
شهد: حاضر يا بشمهندس
ذهب كلا من شهد وسيف الى غرفة الميتتج روم
سيف:مساء الخير مستر أحمد
احمد الدمنهوري: مساء النور سيف بيه فى الحقيقة انا سعيد جدا بشراكه مع حضرتك سيف بيه شركتك مكسب لاى شركه تشتغل معاها
سيف برسميه: متشكر جدا احمد بيه
ياريت نبدا الاجتماع
احمد:اه طبعا اتفضل نبدا الاجتماع
ليبدا الاجتماع والمفاوضات بين الطرفين وتم الاتفاق على بنود العقد بينهم
وبعد مرور الوقت فى المفاوضات انتهى الاجتماع بعد فترة وغادر الجميع .
سيف: شهد وانتى خلصى الى وراكى
شهد: ايوه يا بشمهندس خلصت
سيف: طيب يلا عشان اوصلك في طريقى
شهد: لا ملوش لزوم انا عرفت طريق البيت
وهاخد تاكسي مش عايزه اتعب حضرتك
سيف:يلا يا شهد مش بحب اقول الحاجة مرتين
هاتى حاجتك وانا هستناكى في العربيه يلا
••••••••••••••••••••••••••••••
خلص الفصل اشوفكم على خير يارب يكون عجبكم عاوزه تفاعل