الجزء 5 : صرات باڨار كبيرة بين عصام وراجل يماه عصام قالو ياوحد سكران دايما ثامل انا راجل عليك ورافد دار نتا هو لحثالة لكافي دايما مترامي فلرض دراهمك راحو غير فسكرة لوكان ماشي على وجه يما راني كسرتك قلتلو يماه لالا يعصام راهو كما باباك نطق عصام قالها هذا السكيير يلحق بابا تع وجهو يلحق بابا ابابا راجل رفدت يدو راجل يماه رايح يضربو و يماه تحد بيناتهم و ختو غير تبكي و راجل يماه راح يضربو و طبع يماه لهيه طاحت على طابونة و عصام يعيط يماا يما ياوحد لكلب كفاه طبع يما راجل يماه فتح لباب و هرب و عصام و ختو يبكو قال لختو جيبيلي تلفون نعيط ليبومبيي و يماه تقولو مكالاه راني مليحة راني مليحة وهي مسكينة ظهرها ميت بلوجع وهو يعيط و يقول ساااارة جيبي تلفون اجري جابتهولو عيط ليبومبي هبطو أهل مريم و مريم يجرو يشوفو واش هاذ لعياط و لبكا لقاو ليبومبي مخرجين يمات عصام فلحمالة و عمي سعيد يقولو سلامة راسها ياوليدي ياك غير لخير قالو راجل يما طبعها طاحت على طابونة و قالو عمي سعيد سلامة راسها كاش متحتاجو راني هنا كاش متحتاج دوا راني هنا قالو عصام ربي يكثر خيرك عمي داو يمات عصام لسبيطار و عالجوها و رجعت لدار لكن مسكينة مشي قادرة توقف غير فراش و حالة دار تدهورت راجلها ملي خرج مزادش ولا قالها عصام سوغ راه طايح مع سكرات تاوعو ونتي هنا خلاك متلايحة عصام ولى يخدم ليل ونهار لمهم يلقى خدمة باه يشري دوا ليماه مولاش يبان بزاف وتعبان دايمن مسكين غير يدخل لدار يروح كاشما يطيب ليماه لمريضة
10 جام خفو باه نكملوها
