الجزء 14 : لبنات بزاف كلبات يحبو لي ميحلبهمش وانا علابالي بيك يصاحبي تحب هذيك مريم وشحال ونتا تجري موراها مي هي نافخة روحها عليك هاك هاك هذي لحبة تنسيك في همومك داها عصام ومعلابالوش صاحبو بلي عطالو لادروڨ عمبالو كاش فيتامين مليح بسك عصام مسكين كان نية بزاف بلخف يأمن و يصدق ولا عصام مدمن على هذوك لحبوب باه ينسا لمشاكل ولا غير يضحك وحدوو هذا كان تأثير لادروڨ عليه ولى يخرج بزاف مع اكرام و يخدم متصرف فلوزين تاعهم راح لحانوت تع رجال قالو حاب نبدل كامل ستايل تاعي شوفلي قش شباب اكرام ماصدقتش بلي هذا عصام لحمال لي كانو حوايجو موسخين هو كان زين و زادتلو لبسة ولى بوقوص وحد لمرة شافتو مريم راحت تجري ليه قالها وشبي ربك جاية ليا
