الجزء 8 : وعصام هكاك فهاذيك لفرحة حتى تفتح لباب و هبطتلو لفرحة ضربة وحدة كيشاف راجل يماه جا هذاك لكلب سكران راه جاك لي منعرف وين كان مخبي راسو وهرب من المسؤولية نطق راجل يماه قالو واااش نسيييت دار دااري مكتوبة على اسمي لي يخرج منا هو نتا دخل لشمبرة عصام وبدا يرميلو فحوايجو برا يشد ملخزانة و يرمي و عصام يعيط ويقولو ياوحد لكلب حط رب لحواايج و يمات عصام تبكي وتقول ربي وكيلك يا قادة ربي وكيلك زعك عصام و غلق عليه لباب و قالهم مليوم تنساو هذا عصام هنا و عصام مسكين مالقا وين يروح حتى عيطلو صاحبو راح ليه يسكن لفوق قدام دار مريم قالو راك خويا اقعد هنا حتى يفرج عليك ربي ومنجيهة عصام تهنا من راجل يماه ولى يخدم و يجي يرقد ثم واحد لمرة كان هابط مع صبح تلاقا مريم رايحة ليسي قالها نوصلك قاتلو لا مكالاه ذك تجي اكرام وصلت اكرام شافت عصام قالها صبح لخير وراح و اكرام من لي شافت عصام وهي طايحة فيه بعشقة و مريم تقولها وشبيك ملقيتي ماتحبي هذا عصام مسكين يخدم حمال و ماعندو والو مي اكرام قعدت هكاك تحبو و منحاتوش من راسها طول طريق وهي تسقسي مريم عليه
