الجزء 6 : ولا عصام مسكين كامل ميبانش حمل دار قع ولا على كتافو يماه من جيهة و ختو من جيهة و لخدمة من جيهة وحد لمرة كان طالع هبطت ليه مريم قاتلو اذا كاش مانعاونك بسك غاضها بزاف شافتو يتعب مسكين مع يماه و دار و لخدمة قالها لالا صحيتي راني لباس وهو دموع يغرغرو بين عينيه طلع وطلعت مريم موراه تجري دخلت بلا متقولو راحت طلت علا يماه قاتلها سلامة راسك قاتلها يسلمك نتي هي مريم؟ قاتلها وي انا هي قاتلها الله يبارك شابة ربي يحفظك ملعين قاتلها يسلمك طاطا راحت لكوزينة طيبتلهم عشا وعصام راح للخدمة كملت و عطات ليمات عصام و ختو ياكلو نظفت لحالة وراحت لدارهم قاتلها يماها ربي يحفظك بنتي كيراكي تمديلهم ياكلو و تغسليلهم ربي يوفقك فقرايتك رقدو و غدوة منذاك هبطت داتلهم لبغرير يفطرو فتحلها عصام و كان فرحان قاتلو مريم متفرحش بزاف غاضتني خالتي فتيحة برك شنف عصام ودخل داتلهم يفطرو كي كملو قاتلها يعطيك صحة بنتي جاو روعة قاتلها مشي انا لي درتو يما عصام كلى عشرة منهم تالمو مسكين كان جيعان بزاف و تعبان ومريم تضحك عليه غير ملتحت كفاه كان ياكل ملجوع
