" الفصل السابع "
لطف الله دائمآ يحيطك دون أن تدرك .. 💛
_________________
يقف حمزة بعد أن قام بإلقاء كلمته
الجميع ينظرون إليه بصدمة وزهول
تجمد زياد بمكانه لا يستطيع قول شئ من صدمته حتى نظر لأبيه وأشار إليه لكى يذهبوا ..
ولكن ،
هو لا يأبى لأحد غيرها ونظره معلق عليها ليرى رده فعلها
جلست بروح ضائعة ونظرات عينيها تسأل بحيره بعد إستيعاب تحدثت رقيه قائله : مرات مين أنت بتتكلم عن مين
نظر لها حمزة بنظره حانيه فهو لم يكن يريد وضعها بهذا الموقف
ولكن لا مفر من هذه المواجهه
اقترب منها أكثر وكان سيتحدث ولكن
قطع سليمان التميمى حديثه وقال بحزم : ايه اللى أنا سمعته دا
حمزه : أنا هفهمكم يا جدى كل حاجه
سليمان : طيب تعالى ورايا أوضتى وأنتو خليكو هنا لما افهم فى ايه الأول
( ذهب حمزه خلف جده ليفسر له ما فعله منذ قليل )
تقف رقيه ويدها ترتجف وقلبها يتملكه الخوف ولا تعلم ما يدور حولها حتى مسكت جدتها يدها
الجده : أقعدى تعالى جمبى يا رقيه
رقيه بعين دامعه : تيته هو ايه اللى حمزة قاله دا
الجده : متخفيش هنعرف دلوقتى من جدك ايه اللى بيحصل
رقيه : ازاى مخفش هو ممكن يكون كان بيهزر صح والا أيه
ونظرت لأدم الواقف لا يفهم شئ لعله يريحها ويقول أى شئ
أدم : أنا مش عارف يا رقية والله أى حاجه
الجده : أهدى يا نن عينى أنا معاكى أهو ودلوقتى هنعرف اللى بيحصل
...................
(فى غرفه الجد )
الصمت يملأ المكان
يجلس الجد على كرسيه يتكئ على عصاه
يفكر فى كلام حمزه
يجلس حمزه أمامه وهو ينتظر رده
سليمان : طيب أنا هفهم رقيه الموضوع دا أزاى
حمزه : أنا والله ما كنت عاوزها تعرف الموضوع كدا أبدآ بس اللى حصل بقا
سليمان : مكنش ينفع تقول كدا قدام الناس يا أبنى وهى متعرفش حاجه وربنا يسامحك أنت وأبوها على اللى بيحصل دا
حمزه : والله كل اللى فهمت من عمى انه كدا بيحمى رقيه وبعدين أنا مقدرتش أستحمل اول ما سمعت الزفت زياد دا وهو بيطلبها منك
سليمان : طيب وهو دا مدايقك أوى كدا ليه هو مغلطش فى حاجه بالعكس
حمزه وقد أعتلت ملامح وجهه الغضب : يعنى ايه مغلطتش ، لا غلط وغلط كبير كمان انه فكر حتى ان ممكن رقيه تبقى مراته
سليمان : بس هو مكنش يعرف
حمزه : واديه عرف ودينى لو لقيته بيحوم حوليها تانى محدش يلومنى على اللى هعمله فيه
أبتسم سليمان على حفيده وقد تيقن من حبه لرقيه الذى كان يشك فيه منذ سنوات
سليمان : ناولنى التليفون بتاعى كدا
حمزه : ليه هتكلم مين ؟
سليمان : عمتك ناديه هى الوحيده اللى هتقدر تتكلم معاها وتفهمها بهدوء
حمزه : طيب ما تخلينى أنا أتكلم معاها
سليمان : لا مش هتقبل منك حاجه ومش بعيد تكرهك سيبها لما تستوعب الموضوع أبقى أتكلم معاها
حمزة : حاضر يا جدى
_____________________
فى مكان أخر ..
فى إستراحة الكليه تجلس مريم تنتظر أخيها آدم فهو وعدها أنه سيأتى إليها ليوصلها إلى المنزل لكنه تأخر
تنظر فى ساعتها من حين إلى أخر بتذمر : هو أتأخر ليه دا
وفجأه يجلس بجانبها شاب
الشاب : ممكن اقعد
ابتعدت عنه قليلآ ثم تحدثت بغضب : ما أنت اقعدت
الشاب : ودا دايقك
مريم : حضرتك شايف ايه
الشاب بلا مبالاه وهو يأخذ كوب القهوة من أمامها ويرتشف منه : على العموم أنا عمار وعارف أنك مريم
تقف مريم : ايه قله الذوق دى ، أنت بنى أدم قليل الأدب وأنا ميهمنيش اعرف انت مين أصلا
وأخذت كوب القهوة وألقت به فى سله الزباله ثم ذهبت بغضب ..
وهى خارجه وجدت آدم
آدم : معلش يا مريومة اتأخرت
مريم : لما أنت هتتاخر مقولتش ليه وكنت اتزفت ركبت أى حاجه وجيت
آدم : فى ايه مالك كدا
مريم : مفيش
آدم : اتأخرت غصباً عنى وهتعرفى السبب لما نروح ويلا بقا
مريم : ماشى يلا
__________________________
أنتو بتهزروا صح هو مش جوزى
قالتها ( رقيه ) بإنفعال وهى تقف بفزع بجانبها ندى وعمتها ناديه يحاولان تهدئتها
ناديه وهى تمسك يدها : أنا عارفه الموضوع مش بسيط يا رقيه
مش هنغصبك عشان تتقبليه بس هو دا اللى حصل وحسن الله يرحمه هو اللى عمل كدا
رقيه ببكاء : أنتو عاوزين تجننونى بابا مش ممكن يعمل كدا وبعدين حرام أنا موافتش على الجواز دا يعنى باطل
ندى : طيب أهدى وأحنا هنلاقى حل
رقيه : ندى قوليلى هما بيضحكوا عليا صح هما بيعملوا معايا ليه كدا
ناديه : معلش يا قلب عمتك كل حاجه هتبقى تمام وهتتحل اهم حاجه أنتى أهدى
رقيه : أنا هروح بيتنا وأرجوكم محدش يجى ورايا
وهى خارجه وجدته يقف أمامها
ظلت تنظر له بنظرات لا يفهمها ودموعها تسيل من عيونها
قال لها بصوت هادئ : أنا أسف يا رقيه انك عرفتى الحقيفه بالطريقه دى
ذهبت من أمامه مسرعه لكى لا تسمع حديثه
كان سيذهب وراءها حتى استوقفته عمته قائله : سيبها يا حمزه لغايه ما تستوعب وأن شاء الله كل حاجه هتتصلح مسأله وقت بس
أومأ لها حمزه بنعم ثم ذهب إلى غرفته
يفكر كيف سيقنعها
وتمتم بحزن : ياريت كنت موجود يا عمى كل حاجه كانت هتبقى أسهل
بس أنا وعدتك أن هحل كل حاجه
ظل طوال الليل يفكر ، ولم يستطيع النوم
______________________
صباح الخير وعساكم بخير يارب 😊😍
أسفه على التأخير
معلش الجزء دا قصير شويه
يارب يعجبكم وأسمع آرائكم 😊😍🌸
