كرونيك بعنوان : [#احببت_حلوفا_لا_يبالي

03

حلقة 3
ليان: الو تسنيم
تسنيم: اهلا كيراكي ليان
ليان: جا راه جا ياعمري
تسنيم: عليمن تهدري مافهمتش
ليان: على لكبيدة ديالي
تسنيم: واش من كبيدة حددي راه لي تشوفيه تعشقيلنا فيه
ليان: لا هادوك غير اعجاب قصدي حبي الحقيقي غادي تعرفيه
تسنيم:ياحيي درتي جديد وماقلتيلناش ارواحي عندي نقصرو شوي توحشتك وعرفيني بحبك هدا
ليان: اني جاية حبيبتي
عدلت روحها وطلقت شعرها دارت شوي مكياج
خرجت ليهم
ماماتها: وين وين
ليان: رايحة لتسنيم توحشتها
عمتها: ماتخرجش معاها اياد اي خارجة اموا توريلك قهوة وين
ليان فرحت
اياد: لا عادي تروح يكون عندها بلاصة اهم
ليان: لالا مكانش اهم ...
ماماتها:ايه ايه روح معاها
خزرت يماها لليان برعب
ليان: صايي ماما ماقلت والو
راح لبس وهي قعدت تسنى فيه
خرج مستيكي وعادل روحو
اياد: هيا
ليان: منقبلش
اياد:كيفاه
ليان تمتمت هك يعودو يكحلو عليك
اياد:واش
ليان: قصدي يضربوك بعين راك شباب ربي يبارك
اياد: هههه محسبتكش تعرفي تهدري هك تباني صغيرة
ليان قالت في روحها (وكان تعرف واش يدور في راسي تبات تستغفر وتصلي قالك صغيرة)
ليان:واه صغيرة بزاف انا
اياد: هههه يلا
بقاو يمشو يهدرو وقالها على عنوان ريسترون باش توصله ليها
وصلاته قالها بعد ساعتين ارواحي لهن قالتله اوكي
راحت هي لتسنيم
ليان: تسنيم يا تسنيم قلبي مغاديش يتحمل درك شوي وتشوفيه خارج يمشي من كثرة دقات قلبي
تسنيم: مالكي
ليان: حبيتو صايي نحبو شوفي من صغر نحكيلك عليه تتفكر داك اياد بن عمتي
تسنيم:اوووو رجع
ليان:واه ويسكن عندنا تاني تخيلي هداك بقلاوة يسكن عندنا تخيلي
تسنيم: احيي هههه معندوش خوه
ليان: لا معندوش صايي باغية تكوني سلفتي تاني
تسنيم: ههههه صايي منسرقهولكش
ليان: قلبي حيحبس
قعدو يقصرو غير عليه حتى فاتو ساعتين
ليان: انا لازم نروح قالي ارواحي عيب نتاخر عليه من اول نهار
تسنيم:واه عيب روحي
راحت تمشي
وصلت لقاته قاعد مع مرام كانت صديقتها في دراسة تقبض قلبها دخلت
مرام صفار وجها كي شافت ليان
ليان: سلام
اياد: ليان جيتي محسيتش بوقت
مرام: وعليكي سلام
اياد: ليان نعرفك هذي مرام .مرام هذي ليان
مرام:نعرفو بعضانا اياد تفضلي اقعدي
ليان: حنا نعرفو بعضانا بصح نتا كيفاه عرفتها
اياد: قصة طويلة باعد نحكيهالك
ليان: انا رايحة نخليكم
اياد حكم يدها:اقعدي منقدرش نروح وحدي
قعدت وتسمعهم كيفاه يقصرو ويضحكو قلبها رح يخرج من بلاصته
ليان: ماما اي تعيط لازم نرجع ديزولي
خرجت بسرعة
اياد: مالكي اسناي شوي ديزولي مرام لازم نرجع معاها سلام
مرام: سلام
لحقها هو
اياد: ليان قارعي تشوو
اياد: ليان قارعي تشوو
ليان:واش اقعد معاها خليتلك جو
اياد: ستة سنين وانا نسنى في ديك لحظة تجي نتي تمحيها في ثواني
حبست ليان
ليان: واش
ودارتله
اياد: نعترفلك اعتراف صغير يظل بينا سر
ليان:واه اهدر
اياد: كي رحت من ستة سنين ديت معايا رقم مرام بقينا نهدرو باسكو مقدرتش نروح بلا مايبقى شي يربطني بيها حبيتها بقينا على تواصل بعد موت بابا عجبني اقتراح باباك وبسبابها رجعت
ليان: اااا تحبها
اياد:واش نحبها نعشقها مالك هي كل شي في حياتي هي وحيدة لصبرتني على موت بابا وقفت معايا حبيتها لدرجة لا توصف
بدات ليان طيح في دموع
اياد: هههه محسبتكش تتاثري بقصص حب وقرصها من خدها
راحت تمشي
بقات ساكتة وتمشي
وصلو لدار
دخل هو فرحان باسكو اول مرة من ستة سنين يقابل مرام
ليان دخلت ديراكت لشمبرتها وطاحت تبكي...